FASTag ਅਤੇ ਈ-ਵਾਲਿਟ ਨਾਲ ਭੁਗਤਾਨ ਹੋ ਗਿਆ ਹੋਰ ਵੀ ਆਸਾਨ
Friday, Aug 23, 2024 - 06:09 PM (IST)
ਨਵੀਂ ਦਿੱਲੀ - ਭਾਰਤੀ ਰਿਜ਼ਰਵ ਬੈਂਕ ਨੇ ਵੀਰਵਾਰ ਨੂੰ ਫਾਸਟੈਗ ਅਤੇ ਨੈਸ਼ਨਲ ਕਾਮਨ ਮੋਬਿਲਿਟੀ ਕਾਰਡ ਨੂੰ ਈ-ਮੇਂਡੇਟ ਫਰੇਮ ਵਰਕ ਵਿੱਚ ਸ਼ਾਮਲ ਕੀਤਾ ਹੈ। ਇਸ ਦੇ ਤਹਿਤ, ਜਿਵੇਂ ਹੀ ਇਹਨਾਂ ਦੋਵਾਂ ਭੁਗਤਾਨ ਯੰਤਰਾਂ ਵਿੱਚ ਰਕਮ ਨਿਰਧਾਰਤ ਸੀਮਾ ਤੋਂ ਘੱਟ ਹੋਵੇਗੀ ਤਾਂ ਗਾਹਕ ਦੇ ਖਾਤੇ ਵਿੱਚੋਂ ਪੈਸੇ ਆਪਣੇ ਆਪ ਹੀ ਕਢਵਾ ਲਏ ਜਾਣਗੇ ਅਤੇ ਇਸ ਵਿੱਚ ਸ਼ਾਮਲ ਹੋ ਜਾਣਗੇ। ਇਸ ਦੇ ਲਈ ਖਪਤਕਾਰ ਨੂੰ ਵਾਰ-ਵਾਰ ਪੈਸੇ ਜਮ੍ਹਾ ਨਹੀਂ ਕਰਵਾਉਣੇ ਪੈਣਗੇ।
ਆਰਬੀਆਈ ਨੇ ਇੱਕ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਕਿ ਜੇਕਰ FASTag ਅਤੇ NCMC ਵਾਲਿਟ ਵਿੱਚ ਰਕਮ ਗਾਹਕਾਂ ਦੁਆਰਾ ਨਿਰਧਾਰਤ ਸੀਮਾ ਤੋਂ ਘੱਟ ਹੈ, ਤਾਂ ਈ-ਮੇਂਡੇਟ ਆਪਣੇ ਆਪ ਰਕਮ ਨੂੰ ਭਰ ਸਕਦਾ ਹੈ। RBI ਨੇ ਕਿਹਾ ਕਿ FASTag ਅਤੇ NCMC ਦੇ ਤਹਿਤ ਭੁਗਤਾਨ ਲਈ ਕੋਈ ਨਿਸ਼ਚਿਤ ਸਮਾਂ ਸੀਮਾ ਨਹੀਂ ਹੈ। ਕਿਸੇ ਵੀ ਸਮੇਂ ਭੁਗਤਾਨ ਕਰਨ ਦੀ ਜ਼ਰੂਰਤ ਹੋ ਸਕਦੀ ਹੈ, ਅਜਿਹੇ ਵਿੱਚ ਜਦੋਂ ਵੀ ਖ਼ਾਤੇ ਵਿਚ ਨਿਰਧਾਰਤ ਸੀਮਾ ਤੋਂ ਰਾਸ਼ੀ ਘੱਟ ਹੋਵੇਗੀ ਤਾਂ ਪੈਸੇ ਆਪਣੇ-ਆਪ ਜਮ੍ਹਾ ਹੋ ਜਾਣਗੇ। ਇਸ ਦੇ ਲਈ ਗਾਹਕ ਨੂੰ ਪ੍ਰੀ-ਡੈਬਿਟ ਨੋਟੀਫਿਕੇਸ਼ਨ ਦੇਣਾ ਜ਼ਰੂਰੀ ਨਹੀਂ ਹੋਵੇਗਾ। ਇਸ ਦੇ ਤਹਿਤ, ਈ-ਮੈਂਡੇਟ ਢਾਂਚੇ ਦੇ ਹੋਰ ਸਾਰੇ ਨਿਯਮ ਅਤੇ ਦਿਸ਼ਾ-ਨਿਰਦੇਸ਼ ਪਹਿਲਾਂ ਵਾਂਗ ਹੀ ਰਹਿਣਗੇ।
7 ਜੂਨ ਨੂੰ, ਆਰਬੀਆਈ ਨੇ ਮੁਦਰਾ ਨੀਤੀ ਵਿੱਚ ਈ-ਅਦੇਸ਼ ਢਾਂਚੇ ਦੇ ਤਹਿਤ ਫਾਸਟੈਗ ਅਤੇ NCMC ਲਈ ਆਵਰਤੀ ਭੁਗਤਾਨਾਂ ਨੂੰ ਸ਼ਾਮਲ ਕਰਨ ਦਾ ਵੀ ਐਲਾਨ ਕੀਤਾ ਸੀ। ਇਸ ਨੀਤੀ 'ਚ ਰਿਜ਼ਰਵ ਬੈਂਕ ਨੇ ਦੇਸ਼ 'ਚ ਭੁਗਤਾਨ ਪ੍ਰਣਾਲੀ ਨੂੰ ਸੁਚਾਰੂ ਅਤੇ ਆਧੁਨਿਕ ਬਣਾਉਣ ਲਈ ਲਗਾਤਾਰ ਕੋਸ਼ਿਸ਼ਾਂ 'ਤੇ ਵੀ ਜ਼ੋਰ ਦਿੱਤਾ ਹੈ।
FASTag, NCMC ਵਾਲੇਟ ਰਾਹੀਂ ਭੁਗਤਾਨ ਕਰਨਾ ਆਸਾਨ ਹੋਵੇਗਾ
RBI ਨੇ ਕਿਹਾ ਕਿ ਦੇਸ਼ ਵਿੱਚ FASTag ਅਤੇ NCMC ਵਰਗੇ ਭੁਗਤਾਨ ਯੰਤਰਾਂ ਦਾ ਰੁਝਾਨ ਲਗਾਤਾਰ ਵੱਧ ਰਿਹਾ ਹੈ। ਜਦੋਂ ਲੋਕਾਂ ਦੇ FASTag ਅਤੇ NCMC ਵਾਲੇਟ ਵਿੱਚ ਪੈਸਿਆਂ ਦੀ ਕਮੀ ਸੀ, ਤਾਂ ਭੁਗਤਾਨ ਕਰਨ ਵਿੱਚ ਮੁਸ਼ਕਲ ਆਈ ਸੀ। ਲੋਕਾਂ ਨੂੰ ਆਪਣੇ ਖਾਤੇ ਤੋਂ ਆਨਲਾਈਨ ਪੈਸੇ ਭਰਨੇ ਪੈਂਦੇ ਸਨ। ਹੁਣ ਇਸ ਦੀ ਲੋੜ ਨਹੀਂ ਪਵੇਗੀ। ਗਾਹਕ ਅਜਿਹੇ ਭੁਗਤਾਨ ਯੰਤਰਾਂ ਲਈ ਰਕਮ ਪਹਿਲਾਂ ਹੀ ਤੈਅ ਕਰ ਸਕਦੇ ਹਨ। ਇਸ ਤੋਂ ਪਹਿਲਾ ਦੇ ਆਦੇਸ਼ ਵਿੱਚ ਗਾਹਕਾਂ ਨੂੰ ਆਪਣੇ ਖਾਤਿਆਂ ਤੋਂ ਪੈਸੇ ਡੈਬਿਟ ਕਰਨ ਤੋਂ ਘੱਟੋ-ਘੱਟ 24 ਘੰਟੇ ਪਹਿਲਾਂ ਇਸ ਦੀ ਸੂਚਨਾ ਦੇਣੀ ਪੈਂਦੀ ਸੀ।
