ਹੁਣ Tata ਨੂੰ ਨਹੀਂ ਵੇਚੀ ਜਾਵੇਗੀ Bislery, ਜਾਣੋ ਕੌਣ ਸੰਭਾਲੇਗਾ 7 ਹਜ਼ਾਰ ਕਰੋੜ ਦਾ ਕਾਰੋਬਾਰ

03/20/2023 5:03:32 PM

ਨਵੀਂ ਦਿੱਲੀ : ਬੋਤਲਬੰਦ ਪਾਣੀ ਦੀ ਕੰਪਨੀ ਬਿਸਲੇਰੀ ਪਿਛਲੇ ਕੁਝ ਸਮੇਂ ਤੋਂ ਸੁਰਖੀਆਂ 'ਚ ਹੈ। ਪਿਛਲੇ ਸਾਲ ਨਵੰਬਰ ਤੋਂ ਕੰਪਨੀ ਨੂੰ ਵੇਚਣ ਦੀ ਤਿਆਰੀ ਕੀਤੀ ਜਾ ਰਹੀ ਸੀ। ਸੋਮਵਾਰ ਨੂੰ ਕੰਪਨੀ ਦੇ ਚੇਅਰਮੈਨ ਰਮੇਸ਼ ਚੌਹਾਨ ਨੇ ਇਸ ਮਾਮਲੇ ਨੂੰ ਟਾਲ ਦਿੱਤਾ। ਉਸ ਨੇ ਦੱਸਿਆ ਹੈ ਕਿ ਹੁਣ ਬਿਸਲੇਰੀ ਨਹੀਂ ਵੇਚੀ ਜਾਵੇਗੀ। ਇਸ ਦਾ ਕੰਮ ਉਨ੍ਹਾਂ ਦੀ ਬੇਟੀ ਜੈਅੰਤੀ ਚੌਹਾਨ ਸੰਭਾਲੇਗੀ। ਉਨ੍ਹਾਂ ਕਿਹਾ ਕਿ ਹੁਣ ਉਹ ਬਿਸਲੇਰੀ ਵੇਚਣ ਦੇ ਮੂਡ ਵਿੱਚ ਨਹੀਂ ਹਨ।

ਇਹ ਵੀ ਪੜ੍ਹੋ : ਦੁਨੀਆ ਭਰ 'ਚ ਵਧ ਰਹੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਪਿਛਲੇ 5 ਮਹੀਨਿਆਂ 'ਚ ਦਿੱਤਾ 17 ਫ਼ੀਸਦੀ ਰਿਟਰਨ

ਤੁਹਾਨੂੰ ਦੱਸ ਦੇਈਏ ਕਿ ਬਿਸਲੇਰੀ ਅਤੇ ਟਾਟਾ ਕੰਜ਼ਿਊਮਰ ਵਿਚਾਲੇ ਡੀਲ ਨੂੰ ਲੈ ਕੇ ਗੱਲਬਾਤ ਰੁਕ ਗਈ ਹੈ। ਇੱਕ ਮੀਡੀਆ ਰਿਪੋਰਟ ਵਿੱਚ ਰਮੇਸ਼ ਨੇ ਦੱਸਿਆ ਕਿ ਉਹ ਕੰਪਨੀ ਨੂੰ ਵੇਚਣਾ ਨਹੀਂ ਚਾਹੁੰਦਾ ਹੈ। ਟਾਟਾ ਗਰੁੱਪ ਦੀ ਐਫਐਮਸੀਜੀ ਯੂਨਿਟ, ਟਾਟਾ ਕੰਜ਼ਿਊਮਰ ਪ੍ਰੋਡਕਟਸ ਨੇ ਆਪਣੀ ਪਾਣੀ ਵੇਚਣ ਵਾਲੀ ਕੰਪਨੀ ਬਿਸਲੇਰੀ ਨਾਲ ਸੌਦਾ ਕਰਨ ਵਿੱਚ ਦਿਲਚਸਪੀ ਦਿਖਾਈ ਸੀ। ਹਾਲਾਂਕਿ ਦੋਵਾਂ ਵਿਚਾਲੇ ਗੱਲਬਾਤ ਬੰਦ ਹੋਣ ਕਾਰਨ ਇਹ ਡੀਲ ਨਹੀਂ ਹੋਵੇਗੀ ਅਤੇ ਕੰਪਨੀ ਦੀ ਵਾਗਡੋਰ ਉਨ੍ਹਾਂ ਦੀ ਬੇਟੀ ਜੈਅੰਤੀ ਸੰਭਾਲੇਗੀ।

7 ਹਜ਼ਾਰ ਕਰੋੜ 'ਚ ਹੋਣੀ ਸੀ ਡੀਲ

ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਪਨੀ ਦੇ ਚੇਅਰਮੈਨ ਰਮੇਸ਼ ਨੇ ਕੰਪਨੀ ਦੇ ਵਿਸਤਾਰ ਲਈ ਟਾਟਾ ਗਰੁੱਪ ਨਾਲ ਸੌਦਾ ਕਰਨ ਦਾ ਮਨ ਬਣਾ ਲਿਆ ਸੀ। ਇਹ ਸੌਦਾ ਕਰੀਬ 7 ਹਜ਼ਾਰ ਕਰੋੜ ਰੁਪਏ 'ਚ ਤੈਅ ਹੋਣਾ ਸੀ। ਰਮੇਸ਼ ਚੌਹਾਨ ਨੇ ਕੰਪਨੀ ਨੂੰ ਵੇਚਣ ਦਾ ਕਾਰਨ ਦੱਸਿਆ ਸੀ ਕਿ ਉਸ ਕੋਲ ਕੰਪਨੀ ਦੇ ਵਿਸਥਾਰ ਲਈ ਕੋਈ ਵਾਰਿਸ ਨਹੀਂ ਹੈ। ਇਸ ਕਾਰਨ ਉਹ ਟਾਟਾ ਗਰੁੱਪ ਨਾਲ ਡੀਲ ਕਰ ਰਹੇ ਹਨ। ਪਰ ਸੋਮਵਾਰ ਨੂੰ ਰਮੇਸ਼ ਦੇ ਬਿਆਨ ਨੇ ਸਾਰਾ ਮਾਮਲਾ ਪਲਟ ਦਿੱਤਾ, ਹੁਣ ਉਨ੍ਹਾਂ ਨੇ ਟਾਟਾ ਗਰੁੱਪ ਨੂੰ ਅਲਵਿਦਾ ਕਹਿ ਦਿੱਤਾ ਹੈ ਅਤੇ ਕੰਪਨੀ ਦੀ ਵਾਗਡੋਰ ਆਪਣੀ ਬੇਟੀ ਨੂੰ ਸੌਂਪ ਦਿੱਤੀ ਹੈ।

ਇਹ ਵੀ ਪੜ੍ਹੋ : 14000 ਕਰੋੜ ਰੁਪਏ ਲੈ ਕੇ ਭੱਜੇ ਨੀਰਵ ਮੋਦੀ ਦੇ ਖ਼ਾਤੇ ਵਿਚ ਬਚੇ 236 ਰੁਪਏ, ਜਾਣੋ ਕਿੱਥੇ ਖ਼ਰਚੇ ਕਰੋੜਾਂ

ਕੌਣ ਹੈ ਕੰਪਨੀ ਦੀ ਨਵੀਂ ਮਾਲਕਣ 'ਜਯੰਤੀ ਚੌਹਾਨ'

42 ਸਾਲਾ ਜੈਅੰਤੀ ਚੌਹਾਨ ਇਸ ਸਮੇਂ ਬਿਸਲੇਰੀ ਦੀ ਵਾਈਸ ਚੇਅਰਪਰਸਨ ਹੈ। 24 ਸਾਲ ਦੀ ਉਮਰ ਵਿੱਚ, ਉਸਨੇ ਕੰਪਨੀ ਵਿੱਚ ਆਪਣੇ ਪਿਤਾ ਦੀ ਮਦਦ ਕਰਨੀ ਸ਼ੁਰੂ ਕਰ ਦਿੱਤੀ। ਹਾਲਾਂਕਿ, ਪਿਛਲੇ ਕੁਝ ਸਮੇਂ ਤੋਂ, ਉਹ ਕੰਪਨੀ ਨੂੰ ਅੱਗੇ ਲਿਜਾਣ ਲਈ ਬਹੁਤ ਸਰਗਰਮ ਰਹੀ ਹੈ। ਉਹ ਆਪਣੀ ਲਿੰਕਡਇਨ ਪ੍ਰੋਫਾਈਲ ਨਾਲ ਲਗਾਤਾਰ ਆਪਣੀ ਕੰਪਨੀ ਦਾ ਪ੍ਰਚਾਰ ਕਰਦੀ ਰਹਿੰਦੀ ਹੈ।

ਹਾਲ ਹੀ 'ਚ ਕੰਪਨੀ ਨੇ ਆਪਣੇ ਗਾਹਕਾਂ ਲਈ ਐਪ ਤੋਂ ਪਾਣੀ ਆਰਡਰ ਕਰਨ ਦੀ ਸੁਵਿਧਾ ਲਾਂਚ ਕੀਤੀ ਹੈ। ਇਹ ਜਾਣਕਾਰੀ ਖੁਦ ਜਯੰਤੀ ਨੇ ਆਪਣੇ ਲਿੰਕਡਇਨ ਪ੍ਰੋਫਾਈਲ 'ਤੇ ਸ਼ੇਅਰ ਕੀਤੀ ਹੈ। ਇਸ ਤੋਂ ਇਲਾਵਾ ਬਿਸਲੇਰੀ ਨੇ ਆਈਪੀਐਲ ਟੀਮ ਮੁੰਬਈ ਇੰਡੀਅਨਜ਼ ਅਤੇ ਗੁਜਰਾਤ ਟਾਈਟਨਸ ਨਾਲ ਵੀ ਸਾਂਝੇਦਾਰੀ ਕੀਤੀ ਹੈ।

ਇਹ ਵੀ ਪੜ੍ਹੋ : ਟੈਕਸ ਚੋਰੀ ਕਰਨ ਵਾਲਿਆਂ ਦੀ ਪਛਾਣ ਕਰਨ ਲਈ GST ਵਿਭਾਗ ਕਰੇਗਾ ਇਨਕਮ ਟੈਕਸ ਡਾਟਾ ਦੀ ਜਾਂਚ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
 


Harinder Kaur

Content Editor

Related News