ਅੱਧਾ ਦਰਜਨ ਤੋਂ ਜ਼ਿਆਦਾ ਕੰਪਨੀਆਂ IPO ਨਾਲ 60,000 ਕਰੋੜ ਰੁਪਏ ਜੁਟਾਉਣ ਦੀ ਤਿਆਰੀ ’ਚ

ਨਵੀਂ ਦਿੱਲੀ (ਭਾਸ਼ਾ) - ਅਗਲੇ 2 ਮਹੀਨਿਆਂ ’ਚ ਹੁੰਡਈ ਮੋਟਰ ਇੰਡੀਆ, ਸਵਿਗੀ ਅਤੇ ਐੱਨ. ਟੀ. ਪੀ. ਸੀ. ਗਰੀਨ ਐਨਰਜੀ ਸਮੇਤ ਅੱਧਾ ਦਰਜਨ ਤੋਂ ਜ਼ਿਆਦਾ ਕੰਪਨੀਆਂ ਲੱਗਭਗ 60,000 ਕਰੋੜ ਰੁਪਏ ਜੁਟਾਉਣ ਲਈ ਸ਼ੁਰੂਆਤੀ ਜਨਤਕ ਇਸ਼ੂ (ਆਈ. ਪੀ. ਓ.) ਲਿਆਉਣ ਦੀ ਤਿਆਰੀ ਕਰ ਰਹੀਆਂ ਹਨ। ਇਸ ਨਾਲ ਆਈ. ਪੀ. ਓ. ਬਾਜ਼ਾਰ ’ਚ ਹਲਚਲ ਬਣੀ ਰਹੇਗੀ। ਮਰਚੈਂਟ ਬੈਂਕਿੰਗ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਇਨ੍ਹਾਂ 3 ਕੰਪਨੀਆਂ ਤੋਂ ਇਲਾਵਾ ਐਂਫਕਾਂਸ ਇਨਫਰਾਸਟਰੱਕਚਰ, ਵਾਰੀ ਐਨਰਜੀਜ਼, ਨਿਵਾ ਬੂਪਾ ਹੈਲਥ ਇੰਸ਼ੋਰੈਂਸ, ਵਨ ਮੋਬਿਕਵਿਕ ਸਿਸਟਮਸ ਅਤੇ ਗਰੂੜ ਕੰਸਟਰੱਕਸ਼ਨ ਉਨ੍ਹਾਂ ਕੰਪਨੀਆਂ ’ਚ ਹਨ, ਜੋ ਅਕਤੂਬਰ-ਨਵੰਬਰ ਦੌਰਾਨ ਆਈ. ਪੀ. ਓ. ਲਿਆਉਣ ਦੀ ਤਿਆਰੀ ’ਚ ਹਨ।

ਇਹ ਵੀ ਪੜ੍ਹੋ :      ਸਾਵਧਾਨ : 1 ਅਕਤੂਬਰ ਤੋਂ ਬਦਲਣ ਜਾ ਰਹੇ ਇਹ ਨਿਯਮ, ਇਨ੍ਹਾਂ ਬਦਲਾਅ ਬਾਰੇ ਸੁਚੇਤ ਰਹਿਣਾ ਹੈ ਜ਼ਰੂਰੀ

ਇਕਵਿਰਾਸ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁਖੀ (ਇਕਵਿਟੀ ਕੈਪੀਟਲ ਮਾਰਕੀਟਸ) ਮੁਨੀਸ਼ ਅਗਰਵਾਲ ਨੂੰ ਉਮੀਦ ਹੈ ਕਿ ਸਤੰਬਰ ਦੇ ਆਖਿਰ ਤੋਂ ਦਸੰਬਰ ਵਿਚ 30 ਤੋਂ ਜ਼ਿਆਦਾ ਆਈ. ਪੀ. ਓ. ਆਉਣਗੇ। ਦੱਖਣ ਕੋਰੀਆ ਦੀ ਹੁੰਡਈ ਮੋਟਰ ਕੰਪਨੀ ਦੀ ਭਾਰਤੀ ਸਹਿਯੋਗੀ ਹੁੰਡਈ ਮੋਟਰ ਇੰਡੀਆ ਲਿਮਟਿਡ ਆਈ. ਪੀ. ਓ. ਨਾਲ 25,000 ਕਰੋੜ ਰੁਪਏ ਜੁਟਾਉਣ ਦੀ ਤਿਆਰੀ ’ਚ ਹੈ।

ਇਹ ਵੀ ਪੜ੍ਹੋ :     ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਬੀਬੀ ਜਗੀਰ ਕੌਰ ਨੂੰ ਨੋਟਿਸ ਜਾਰੀ, ਧੀ ਦੇ ਕਤਲ ਸਬੰਧੀ ਮੰਗਿਆ ਸਪੱਸ਼ਟੀਕਰਨ

ਇਹ ਦੇਸ਼ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਆਈ. ਪੀ. ਓ. ਹੋਵੇਗਾ। ਆਈ. ਪੀ. ਓ. ਦਸਤਾਵੇਜ਼ਾਂ ਅਨੁਸਾਰ, ਵਾਹਨ ਕੰਪਨੀ ਦਾ ਪੂਰਾ ਇਸ਼ੂ ਹੁੰਡਈ ਮੋਟਰ ਕੰਪਨੀ ਵੱਲੋਂ 14,21,94,700 ਸ਼ੇਅਰਾਂ ਦੀ ਵਿਕਰੀ ਪੇਸ਼ਕਸ਼ (ਓ. ਐੱਫ. ਐੱਸ.) ਦੇ ਰੂਪ ’ਚ ਹੋਵੇਗਾ।

ਇਹ ਵੀ ਪੜ੍ਹੋ :   ਨਿਰਮਲਾ ਸੀਤਾਰਮਨ ਖ਼ਿਲਾਫ਼ ਕੋਰਟ ਦਾ ਵੱਡਾ ਫੈਸਲਾ, FIR ਦਰਜ ਕਰਨ ਦਾ ਆਦੇਸ਼

ਸੂਤਰਾਂ ਅਨੁਸਾਰ, ਸਵਿਗੀ ਨਵੇਂ ਸ਼ੇਅਰਾਂ ਦੀ ਵਿਕਰੀ ਅਤੇ ਓ. ਐੱਫ. ਐੱਸ. ਜ਼ਰੀਏ 10,414 ਕਰੋੜ ਰੁਪਏ ਜੁਟਾਉਣ ਦਾ ਟੀਚਾ ਬਣਾ ਰਹੀ ਹੈ। ਸ਼ਾਪੂਰਜੀ ਪਾਲੋਨਜੀ ਸਮੂਹ ਦੀ ਉਸਾਰੀ ਕੰਪਨੀ ਐਫਕਾਂਸ ਇਨਫਰਾਸਟਰੱਕਚਰ ਵੀ 7,000 ਕਰੋੜ ਰੁਪਏ ਦੀ ਪੇਸ਼ਕਸ਼ ਨਾਲ ਆਈ. ਪੀ. ਓ. ਦੀ ਦੌੜ ’ਚ ਸ਼ਾਮਲ ਹੋਵੇਗੀ, ਜਦੋਂਕਿ ਵਾਰੀ ਐਨਰਜੀਜ਼ ਓ. ਐੱਫ. ਐੱਸ. ਤੋਂ ਇਲਾਵਾ ਨਵੇਂ ਸ਼ੇਅਰਾਂ ਦੇ ਇਸ਼ੂ ਜ਼ਰੀਏ 3,000 ਕਰੋੜ ਰੁਪਏ ਜੁਟਾਉਣ ਦੀ ਤਿਆਰੀ ਕਰ ਰਹੇ ਹਨ।

ਇਹ ਵੀ ਪੜ੍ਹੋ :      ਪੰਜਾਬ ’ਚ 100 ਕਰੋੜ ਰੁਪਏ ਦੇ ਸਾਈਬਰ ਫਰਾਡ ਕੇਸ ’ਚ ED ਦੀ ਐਂਟਰੀ, ਪੁਲਸ ਤੋਂ ਮੰਗਿਆ ਰਿਕਾਰਡ

ਨਿਵਾ ਬੂਪਾ ਹੈਲਥ ਇੰਸ਼ੋਰੈਂਸ ਅਤੇ ਵਨ ਮੋਬਿਕਵਿਕ ਸਿਸਟਮਸ ਕ੍ਰਮਵਾਰ 3,000 ਕਰੋੜ ਰੁਪਏ ਅਤੇ 700 ਕਰੋੜ ਰੁਪਏ ਜੁਟਾਉਣ ਦੀ ਯੋਜਨਾ ਬਣਾ ਰਹੀਆਂ ਹਨ। ਇਸ ਤੋਂ ਅਲਾਵਾ ਬਜਾਜ ਹਾਊਸਿੰਗ ਫਾਈਨਾਂਸ, ਓਲਾ ਇਲੈਕਟ੍ਰਿਕ ਮੋਬਿਲਟੀ ਅਤੇ ਫਰਸਟਕ੍ਰਾਈ ਦੀ ਮੂਲ ਕੰਪਨੀ ਬ੍ਰੇਨਬੀਜ ਸਾਲਿਊਸ਼ਨਜ਼ ਸਮੇਤ 62 ਕੰਪਨੀਆਂ ਨੇ ਪਹਿਲਾਂ ਹੀ ਮੁੱਖ ਮੰਚ ਦੇ ਆਈ. ਪੀ. ਓ. ਜ਼ਰੀਏ ਸਮੂਹਿਕ ਰੂਪ ਨਾਲ 64,000 ਕਰੋੜ ਰੁਪਏ ਜੁਟਾਏ ਹਨ।

ਇਹ ਵੀ ਪੜ੍ਹੋ :     CBI ਅਫ਼ਸਰ ਬਣ ਕੇ ਠੱਗਾਂ ਨੇ ਔਰਤ ਨੂੰ ਕੀਤਾ 'ONLINE ARREST', ਫਰਜ਼ੀ ਵਾਰੰਟ ਦਿਖਾ ਲੁੱਟੇ 9 ਲੱਖ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8