Air India ਦੀ ਬਦਲੇਗੀ ਨੁਹਾਰ, 330 ਅਰਬ ਖ਼ਰਚ ਕਰਕੇ ਕੀਤਾ ਜਾਵੇਗਾ ਆਧੁਨਿਕੀਕਰਨ

ਨਵੀਂ ਦਿੱਲੀ — ਕਰਜ਼ੇ 'ਚ ਡੁੱਬੀ ਕੰਪਨੀ ਏਅਰ ਇੰਡੀਆ ਦੇ ਟਾਟਾ ਗਰੁੱਪ 'ਚ ਆਉਂਦੇ ਹੀ ਦਿਨ ਬਦਲਣ ਲੱਗੇ ਹਨ। ਕੰਪਨੀ ਆਪਣੇ ਵਾਈਡ ਬਾਡੀ ਏਅਰਕ੍ਰਾਫਟ ਨੂੰ ਆਧੁਨਿਕ ਕਰੇਗੀ। ਇਸ ਦੇ ਅੰਦਰੂਨੀ ਹਿੱਸੇ ਨੂੰ ਆਧੁਨਿਕ ਬਣਾਉਣ ਲਈ ਕਰੀਬ 3300 ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਖਰਚ ਕੀਤੀ ਜਾਵੇਗੀ।
ਸੀਟ ਤੋਂ ਲੈ ਕੇ ਇਨ-ਫਲਾਈਟ ਮਨੋਰੰਜਨ ਤੱਕ, ਸਭ ਕੁਝ ਬਦਲ ਜਾਵੇਗਾ

ਇਹ ਵੀ ਪੜ੍ਹੋ : Twitter-Amazon ਦੇ ਬਾਅਦ ਹੁਣ ਪੈਪਸੀਕੋ ਵੀ ਕਰੇਗੀ ਮੁਲਾਜ਼ਮਾਂ ਦੀ ਛਾਂਟੀ, ਸੈਂਕੜੇ ਲੋਕਾਂ ਦੀ ਕੱਢਣ ਦੀ ਤਿਆਰੀ

ਦੇਸ਼ ਦੀ ਪ੍ਰਮੁੱਖ ਏਅਰਲਾਈਨ ਅਤੇ ਸਟਾਰ ਅਲਾਇੰਸ ਮੈਂਬਰ ਏਅਰ ਇੰਡੀਆ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੰਪਨੀ 27 ਬੋਇੰਗ ਬੀ787-8 ਅਤੇ 13 ਬੀ777 ਜਹਾਜ਼ਾਂ ਦੇ ਅੰਦਰੂਨੀ ਹਿੱਸੇ ਨੂੰ ਬਦਲੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਆਧੁਨਿਕੀਕਰਨ ਦੀ ਇਸ ਯੋਜਨਾ 'ਚ ਮੌਜੂਦਾ ਕੈਬਿਨ ਇੰਟੀਰੀਅਰ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਜਾਵੇਗਾ। ਇਸ ਦਾ ਮਤਲਬ ਹੈ ਕਿ ਪੁਰਾਣੀਆਂ ਖਟਾਰਾ ਸੀਟਾਂ ਨੂੰ ਨਵੀਂ ਪੀੜ੍ਹੀ ਦੀਆਂ ਆਧੁਨਿਕ ਸੀਟਾਂ ਨਾਲ ਬਦਲਿਆ ਜਾਵੇਗਾ। ਕਿਉਂਕਿ ਇਹ ਜਹਾਜ਼ ਅੰਤਰਰਾਸ਼ਟਰੀ ਰੂਟਾਂ 'ਤੇ ਚੱਲਦੇ ਹਨ, ਇਸ ਲਈ ਉਹਨਾਂ ਕੋਲ ਸਾਰੀਆਂ ਸ਼੍ਰੇਣੀਆਂ ਵਿੱਚ ਉੱਡਣ ਵਿੱਚ ਵਧੀਆ ਮਨੋਰੰਜਨ ਉਪਾਅ ਵੀ ਹੋਣੇ ਚਾਹੀਦੇ ਹਨ। ਇਸ ਲਈ ਇਸ ਕਲਾਸਾਂ ਵਿੱਚ ਸਭ ਤੋਂ ਵਧੀਆ-ਇਨ-ਫਲਾਈਟ ਮਨੋਰੰਜਨ ਵੀ ਪੇਸ਼ ਕਰੇਗਾ। ਪ੍ਰਮੁੱਖ ਲੰਡਨ-ਅਧਾਰਿਤ ਉਤਪਾਦ ਡਿਜ਼ਾਈਨ ਫਰਮਾਂ, ਜੇਪੀਏ ਡਿਜ਼ਾਈਨ ਅਤੇ ਟ੍ਰੈਂਡ ਵਰਕਸ ਨੂੰ ਕੈਬਿਨ ਇੰਟੀਰੀਅਰ ਡਿਜ਼ਾਈਨ ਵਿੱਚ ਸਹਾਇਤਾ ਲਈ ਕੰਮ ਸੌਪਿਆ ਗਿਆ ਹੈ। ਉਮੀਦ ਹੈ ਕਿ ਆਧੁਨਿਕੀਕਰਨ ਦੀ ਇਹ ਪ੍ਰਕਿਰਿਆ ਸਾਲ 2024 ਦੇ ਮੱਧ ਤੱਕ ਪੂਰੀ ਹੋ ਜਾਵੇਗੀ।

ਪ੍ਰੀਮੀਅਮ ਇਕਾਨਮੀ ਕੈਬਿਨ ਕੀਤਾ ਜਾਵੇਗਾ ਲਾਂਚ

ਹੁਣ ਤੱਕ ਏਅਰ ਇੰਡੀਆ ਦੇ ਵਾਈਡ ਬਾਡੀ ਜਹਾਜ਼ਾਂ ਵਿੱਚ ਪ੍ਰੀਮੀਅਮ ਇਕਾਨਮੀ ਕੈਬਿਨ ਨਹੀਂ ਸਨ। ਹੁਣ ਟਾਟਾ ਗਰੁੱਪ ਨੇ ਦੋਵਾਂ ਫਲੀਟਾਂ ਵਿੱਚ ਪ੍ਰੀਮੀਅਮ ਇਕਾਨਮੀ ਕੈਬਿਨ ਪੇਸ਼ ਕਰਨ ਦਾ ਮਨ ਬਣਾ ਲਿਆ ਹੈ। ਇਸ ਤਰ੍ਹਾਂ ਦਾ ਪ੍ਰਬੰਧ ਟਾਟਾ ਗਰੁੱਪ ਦੀ ਇਕ ਹੋਰ ਏਅਰਲਾਈਨ ਵਿਸਤਾਰਾ ਦੇ ਨਾਲ ਪਹਿਲਾਂ ਹੀ ਮੌਜੂਦ ਹੈ। ਇਸ ਕੈਬਿਨ ਦੇ ਬਣਨ ਨਾਲ ਉਨ੍ਹਾਂ ਗਾਹਕਾਂ ਨੂੰ ਫਾਇਦਾ ਹੋਵੇਗਾ ਜੋ ਬਿਜ਼ਨਸ ਜਾਂ ਫਸਟ ਕਲਾਸ 'ਚ ਸਫਰ ਕਰਨ ਲਈ ਆਪਣੀ ਜੇਬ ਢਿੱਲੀ ਨਹੀਂ ਕਰਨਾ ਚਾਹੁੰਦੇ। ਉਹ ਘੱਟ ਕੀਮਤ 'ਤੇ ਪ੍ਰੀਮੀਅਮ ਸਹੂਲਤ ਦਾ ਆਨੰਦ ਲੈਣਗੇ।

ਇਹ ਵੀ ਪੜ੍ਹੋ :  ਨਵੇਂ ਸਾਲ 'ਚ ਝਟਕਾ ਦੇ ਸਕਦੀਆਂ ਹਨ Tata Motors ਦੀਆਂ ਕਾਰਾਂ, ਨਿਯਮਾਂ 'ਚ ਇਹ ਬਦਲਾਅ ਕਰੇਗਾ ਤੁਹਾਡੀ ਜੇਬ ਢਿੱਲੀ

ਪਹਿਲੀ ਸ਼੍ਰੇਣੀ ਦਾ ਕੈਬਿਨ ਵੀ ਰਹੇਗਾ ਬਰਕਰਾਰ 

ਏਅਰ ਇੰਡੀਆ ਦੇ B777 ਵਾਈਡਬਾਡੀ ਏਅਰਕ੍ਰਾਫਟ ਵਿੱਚ ਫਸਟ ਕਲਾਸ ਕੈਬਿਨ ਬਰਕਰਾਰ ਰਹੇਗਾ। ਹਵਾਬਾਜ਼ੀ ਉਦਯੋਗ ਦੇ ਮਾਹਰਾਂ ਦਾ ਕਹਿਣਾ ਹੈ ਕਿ ਅੰਤਰਰਾਸ਼ਟਰੀ ਮਾਰਗਾਂ 'ਤੇ ਬਹੁਤ ਸਾਰੇ ਮੋਟੇ ਜੇਬ ਵਾਲੇ ਯਾਤਰੀ ਹੁੰਦੇ ਹਨ ਜੋ ਪਹਿਲੀ ਸ਼੍ਰੇਣੀ ਵਿਚ ਸਫ਼ਰ ਕਰਨਾ ਪਸੰਦ ਕਰਦੇ ਹਨ। ਦੇਸ਼ ਦੀ ਫਲੈਗ ਕੈਰੀਅਰ ਏਅਰਲਾਈਨ ਹੋਣ ਦੇ ਨਾਤੇ ਏਅਰ ਇੰਡੀਆ ਨੂੰ ਵੀ ਕੁਝ ਜਹਾਜ਼ਾਂ ਵਿੱਚ ਅਜਿਹੇ ਪ੍ਰਬੰਧ ਕਰਨੇ ਪੈਣਗੇ।

40 ਹਵਾਈ ਜਹਾਜ਼ਾਂ ਦੇ ਕੈਬਿਨ ਮਿਆਰ ਤੋਂ ਹੇਠਾਂ 

ਏਅਰ ਇੰਡੀਆ ਐਮਡੀ ਅਤੇ ਸੀਈਓ ਮਿਸਟਰ ਕੈਂਪਬੈਲ ਵਿਲਸਨ ਨੇ ਕਿਹਾ, “ਸਾਡੇ Vihaan.AI ਪਰਿਵਰਤਨ ਪ੍ਰੋਗਰਾਮ ਦੇ ਹਿੱਸੇ ਵਜੋਂ, ਏਅਰ ਇੰਡੀਆ ਵਿਸ਼ਵ ਪੱਧਰੀ ਏਅਰਲਾਈਨ ਦੇ ਅਨੁਕੂਲ ਉਤਪਾਦਾਂ ਅਤੇ ਸੇਵਾਵਾਂ ਦੇ ਉੱਚੇ ਮਿਆਰਾਂ ਨੂੰ ਪ੍ਰਾਪਤ ਕਰਨ ਲਈ ਵਚਨਬੱਧ ਹੈ। ਅਸੀਂ ਜਾਣਦੇ ਹਾਂ ਕਿ ਵਰਤਮਾਨ ਵਿੱਚ, ਸਾਡੇ 40 ਵਾਈਡ ਬਾਡੀ ਜਹਾਜ਼ਾਂ ਦੇ ਕੈਬਿਨ ਉਤਪਾਦ ਇਸ ਮਿਆਰ ਤੋਂ ਘੱਟ ਹਨ। ਹਾਲਾਂਕਿ ਇਹ ਪ੍ਰੋਜੈਕਟ ਕੁਝ ਮਹੀਨੇ ਪਹਿਲਾਂ ਸ਼ੁਰੂ ਹੋਇਆ ਸੀ, ਪਰ ਹੁਣ ਅਸੀਂ ਇਸ ਦਾ ਰਸਮੀ ਤੌਰ 'ਤੇ ਜਨਤਕ ਤੌਰ 'ਤੇ ਐਲਾਨ ਕਰਦੇ ਹੋਏ ਖੁਸ਼ ਹਾਂ। ਸਾਨੂੰ ਭਰੋਸਾ ਹੈ ਕਿ ਜਦੋਂ ਨਵੇਂ ਬਦਲਾਅ ਆਉਂਦੇ ਹਨ, ਤਾਂ ਨਵੇਂ ਅੰਦਰੂਨੀ ਹਿੱਸੇ ਗਾਹਕਾਂ ਨੂੰ ਖੁਸ਼ ਕਰਨਗੇ ਅਤੇ ਏਅਰ ਇੰਡੀਆ ਨੂੰ ਨਵੀਂ ਰੋਸ਼ਨੀ ਵਿੱਚ ਪ੍ਰਦਰਸ਼ਿਤ ਕਰਨਗੇ। ਅਸੀਂ ਜਲਦੀ ਤੋਂ ਜਲਦੀ ਰਿਫਿਟ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਲਈ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰ ਰਹੇ ਹਾਂ ਅਤੇ, ਇਸ ਦੌਰਾਨ, ਬਿਲਕੁਲ ਨਵੇਂ ਇੰਟੀਰੀਅਰਾਂ ਨਾਲ ਘੱਟੋ-ਘੱਟ 11 ਨਵੀਆਂ ਵਾਈਡਬਾਡੀਜ਼ ਲੀਜ਼ 'ਤੇ ਲੈਣ ਦੀਆਂ ਯੋਜਨਾਵਾਂ ਨੂੰ ਅੰਤਿਮ ਰੂਪ ਦੇ ਰਹੇ ਹਾਂ।"
 

ਇਹ ਵੀ ਪੜ੍ਹੋ : ਹੁਣ ਸਿੱਧੇ ATM ’ਚੋਂ ਨਿਕਲੇਗਾ ਸੋਨਾ, 999 ਸ਼ੁੱਧਤਾ ਨਾਲ ਪ੍ਰਮਾਣਿਤ ਟੈਂਪਰ ਪਰੂਫ ਪੈਕ ’ਚ ਮਿਲੇਗਾ Gold

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।