'ਵਰਕ ਫਰਾਮ ਹੋਮ' ਵਧੇਗਾ, ਬ੍ਰਾਡਬੈਂਡ ਸੰਪਰਕ 'ਚ ਸੁਧਾਰ ਦੀ ਲੋੜ : ਸੇਨ

ਕੋਲਕਾਤਾ— ਪੱਛਮੀ ਬੰਗਾਲ ਰਿਹਾਇਸ਼ੀ ਬੁਨਿਆਦੀ ਢਾਂਚਾ ਵਿਕਾਸ ਕਾਰਪੋਰੇਸ਼ਨ (ਡਬਲਿਊ ਬੀ. ਐੱਚ. ਆਈ. ਡੀ. ਸੀ. ਓ.) ਦੇ ਚੇਅਰਮੈਨ ਦੇਵਾਸ਼ੀਸ਼ ਸੇਨ ਨੇ ਕਿਹਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿਚ ਵਧੇਰੇ ਲੋਕ ਘਰੋਂ (ਵਰਕ ਫਰਾਮ ਹੋਮ) ਕੰਮ ਕਰਨਗੇ, ਇਸ ਲਈ ਬ੍ਰਾਡਬੈਂਡ ਸੰਪਰਕ ਨੂੰ ਸੁਧਾਰਨ ਲਈ ਸਥਾਨਕ ਡਾਟਾ ਸੈਂਟਰਾਂ ਦੀ ਜ਼ਰੂਰਤ ਹੋਏਗੀ।
 

ਸੇਨ ਨੇ ਵੀਰਵਾਰ ਨੂੰ ਕਨਫੈਡਰੇਸ਼ਨ ਆਫ ਇੰਡੀਅਨ ਇੰਡਸਟਰੀ (ਸੀ. ਆਈ. ਆਈ.) ਦੇ ਇਕ ਵੈਬਿਨਾਰ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਨਿਊ ਟਾਊਨ ਦੇ ਪ੍ਰਸਤਾਵਿਤ ਸਿਲੀਕਾਨ ਵੈਲੀ ਹੱਬ ਵਿਖੇ ਡਾਟਾ ਸੈਂਟਰ ਸ਼ੁਰੂ ਕਰਨ ਲਈ ਕਈ ਕੰਪਨੀਆਂ ਵੱਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

ਸੇਨ ਨੇ ਕਿਹਾ, ''ਜੀਵਨ ਦੀ ਗੁਣਵੱਤਾ ਨੂੰ ਬਿਹਤਰ ਬਣਾਉਣ ਲਈ ਸਥਾਨਕ ਡਾਟਾ ਸੈਂਟਰਾਂ ਦੀ ਬਹੁਤ ਜ਼ਿਆਦਾ ਜ਼ਰੂਰਤ ਹੋਏਗੀ। ਅੱਗੇ ਚੱਲ ਕੇ ਹੋਰ ਲੋਕ ਘਰੋਂ ਕੰਮ ਕਰਨਗੇ, ਅਜਿਹੀ ਸਥਿਤੀ ਵਿਚ, ਡਾਟਾ ਕੁਨੈਕਟੀਵਿਟੀ 'ਤੇ ਨਿਰਭਰਤਾ ਵਿਚ ਕਾਫ਼ੀ ਵਾਧਾ ਹੋਵੇਗਾ।'' ਸੇਨ ਨੇ ਕਿਹਾ ਕਿ ਡਬਲਿਊ ਬੀ. ਐੱਚ. ਆਈ. ਡੀ. ਸੀ. ਓ. ਨੇ ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ ਨਾਲ ਸ਼ੁਰੂਆਤੀ ਗੱਲਬਾਤ ਤੋਂ ਬਾਅਦ ਬ੍ਰਾਡਬੈਂਡ ਕੁਨੈਕਟੀਵਿਟੀ ਦੇ 'ਸ਼ੈਡੋ ਏਰੀਆ' ਬਾਰੇ ਅਧਿਐਨ ਸ਼ੁਰੂ ਕੀਤਾ ਹੈ। ਸ਼ੈਡੋ ਏਰੀਆ ਉਨ੍ਹਾਂ ਥਾਵਾਂ ਦਾ ਹਵਾਲਾ ਦਿੰਦਾ ਹੈ ਜਿੱਥੇ ਬ੍ਰਾਡਬੈਂਡ ਸੰਪਰਕ ਬਹੁਤ ਹੌਲੀ ਹੁੰਦਾ ਹੈ।