ਕਦੋਂ ਆਵੇਗਾ LIC ਦਾ IPO ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਖਤਮ ਕੀਤਾ ਸਸਪੈਂਸ
Saturday, Jan 08, 2022 - 01:41 PM (IST)
ਬਿਜਨੈੱਸ ਡੈਸਕ- ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਭਾਰਤੀ ਜੀਵਨ ਬੀਮਾ ਨਿਗਮ ਦੇ ਪ੍ਰਸਤਾਵਿਤ ਜਨਤਕ ਸ਼ੇਅਰ ਨਿਰਗਮ (ਆਈ.ਪੀ.ਓ.) ਲਈ ਤਿਆਰੀਆਂ ਦੇ ਵਾਧੇ ਦੀ ਸ਼ੁੱਕਰਵਾਰ ਨੂੰ ਸਮੀਖਿਆ ਕੀਤੀ ਹੈ। ਵਿੱਤ ਮੰਤਰਾਲੇ ਨੇ ਇਕ ਬਿਆਨ 'ਚ ਇਹ ਜਾਣਕਾਰੀ ਦਿੱਤੀ।
ਬਿਆਨ 'ਚ ਕਿਹਾ ਗਿਆ ਕਿ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਐੱਲ.ਆਈ.ਸੀ. ਆਈ.ਪੀ.ਓ. ਦੇ ਵਾਧੇ ਦੀ ਨਵੀਂ ਦਿੱਲੀ 'ਚ ਸਮੀਖਿਆ ਕੀਤੀ। ਜਿਸ 'ਚ ਦੀਪਮ (ਨਿਵੇਸ਼ ਤੇ ਜਨਤਕ ਸੰਪਤੀ ਪ੍ਰਬੰਧ ਵਿਭਾਗ) ਦੇ ਸਕੱਤਰ, ਵਿੱਤੀ ਸੇਵਾ ਵਿਭਾਗ ਦੇ ਸਕੱਤਰ ਐੱਲ.ਆਈ.ਸੀ. ਇੰਡੀਆ ਦੇ ਸੀਨੀਅਰ ਅਧਿਕਾਰੀ ਤੇ ਵਿੱਤ ਮੰਤਰਾਲੇ ਦੇ ਅਧਿਕਾਰੀ ਸ਼ਾਮਲ ਸਨ।
ਸਮੀਖਿਆ ਮੀਟਿੰਗ ਵੀਡੀਓ ਕਾਨਫ੍ਰੈਂਸ ਦੇ ਰਾਹੀਂ ਕੀਤੀ ਗਈ। ਸਰਕਾਰ ਦੇਸ਼ ਦੀ ਸਭ ਤੋਂ ਵੱਡੀ ਤੇ ਪੁਰਾਣੀ ਜੀਵਨ ਬੀਮਾ ਕੰਪਨੀ ਐੱਸ.ਆਈ.ਸੀ. ਦੇ ਸ਼ੇਅਰਾਂ ਦੀ ਪਹਿਲੀ ਵਾਰ ਜਨਤਕ ਵਿੱਕਰੀ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਐੱਲ.ਆਈ.ਸੀ. ਦਾ ਆਈ.ਪੀ.ਓ. ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਲਿਆਂਦੀ ਜਾ ਸਕਦੀ ਹੈ।
ਉਦਯੋਗ ਅਤੇ ਅੰਦਰੂਨੀ ਵਪਾਰ ਪ੍ਰਮੋਸ਼ਨ ਵਿਭਾਗ (ਡੀ.ਪੀ.ਆਈ.ਆਈ.ਟੀ.) ਦੇ ਸਕੱਤਰ ਅਨੁਰਾਗ ਜੈਨ ਨੇ ਕੱਲ੍ਹ ਕਿਹਾ ਸੀ ਕਿ ਸਰਕਾਰ ਐੱਲ.ਆਈ.ਸੀ. ਨਿਰਗਮ ਦੀ ਸਫ਼ਲਤਾ ਵਧਾਉਣ ਲਈ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (ਐੱਫ.ਡੀ.ਆਈ.) ਦੀ ਨੀਤੀ 'ਚ ਬਦਲਾਅ ਕਰੇਗੀ। ਵਰਤਮਾਨ ਨਿਯਮਾਂ ਦੇ ਤਹਿਤ ਬੀਮਾ ਖੇਤਰ 'ਚ ਵਿਦੇਸ਼ੀ ਕੰਪਨੀਆਂ ਨੂੰ 74 ਫੀਸਦੀ ਤੱਕ ਹਿੱਸੇਦਾਰੀ ਦੀ ਆਗਿਆ ਹੈ ਪਰ ਐੱਲ.ਆਈ.ਸੀ. ਦੇ ਮਾਮਲੇ 'ਚ ਇਹ ਨਿਯਮ ਲਾਗੂ ਨਹੀਂ ਹੈ।
