ਸੂਚਨਾ ਅਤੇ ਪ੍ਰਸਾਰਣ ਖੇਤਰ ਨੂੰ 4,786 ਕਰੋੜ ਦਾ FDI ਮਿਲਿਆ
Monday, Mar 17, 2025 - 05:40 PM (IST)
ਨਵੀਂ ਦਿੱਲੀ- ਉਦਯੋਗ ਅਤੇ ਅੰਦਰੂਨੀ ਵਪਾਰ ਦੇ ਪ੍ਰਮੋਸ਼ਨ ਵਿਭਾਗ (DPIIT) ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ ਪ੍ਰਿੰਟ ਮੀਡੀਆ ਸਮੇਤ ਸੂਚਨਾ ਅਤੇ ਪ੍ਰਸਾਰਣ ਖੇਤਰ ਨੇ 2024-25 ਦੇ ਪਹਿਲੇ 9 ਮਹੀਨਿਆਂ 'ਚ 4,786 ਕਰੋੜ ਰੁਪਏ ਦਾ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (FDI) ਆਕਰਸ਼ਿਤ ਕੀਤਾ।
ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਵਿਚ ਇਸ ਖੇਤਰ ਨੂੰ ₹1,264 ਕਰੋੜ ਦਾ FDI ਪ੍ਰਾਪਤ ਹੋਇਆ, ਜਿਸ ਵਿਚ ਵਾਲਟ ਡਿਜ਼ਨੀ ਵਲੋਂ ਸਟਾਰ ਇੰਡੀਆ 'ਚ ਕੀਤਾ ਗਿਆ ₹1,008 ਕਰੋੜ ਦਾ ਨਿਵੇਸ਼ ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਆਟੋਮੈਟਿਕ ਰੂਟ ਦੇ ਤਹਿਤ ਸਭ ਤੋਂ ਵੱਡਾ ਨਿਵੇਸ਼ ਹੈ। ਅਮਰੀਕੀ ਮੀਡੀਆ ਕੰਪਨੀ ਨੇ ਸਟਾਰ ਯੂ.ਐਸ ਹੋਲਡਿੰਗਜ਼ ਸਬਸਿਡਰੀ LLC ਰਾਹੀਂ ਇਹ ਨਿਵੇਸ਼ ਕੀਤਾ ਹੈ।
ਡਿਜ਼ਨੀ ਦਾ ਕੁੱਲ ਨਿਵੇਸ਼ ਨੌਂ ਮਹੀਨਿਆਂ ਵਿੱਚ ₹3,847 ਕਰੋੜ ਤੱਕ ਪਹੁੰਚ ਗਿਆ, ਜਿਸ ਵਿੱਚ ਪਹਿਲੀ ਤਿਮਾਹੀ ਵਿੱਚ ₹2,839 ਕਰੋੜ ਸ਼ਾਮਲ ਹਨ। ਸਟਾਰ ਇੰਡੀਆ, ਜੋ ਪਹਿਲਾਂ ਪੂਰੀ ਤਰ੍ਹਾਂ ਡਿਜ਼ਨੀ ਦੀ ਮਲਕੀਅਤ ਸੀ, ਨੇ Viacom18 ਨਾਲ ਮਿਲਾ ਦਿੱਤਾ ਹੈ, ਜਿਸ ਨਾਲ JioStar ਦਾ ਗਠਨ ਹੋਇਆ ਹੈ। ਰਿਲਾਇੰਸ ਇੰਡਸਟਰੀਜ਼ ਬਹੁਗਿਣਤੀ ਸ਼ੇਅਰਧਾਰਕ ਹੈ, ਜਦੋਂ ਕਿ ਡਿਜ਼ਨੀ ਦੀ ਮਹੱਤਵਪੂਰਨ ਘੱਟ-ਗਿਣਤੀ ਹਿੱਸੇਦਾਰੀ ਹੈ।
ਸਟਾਰ ਇੰਡੀਆ ਤੋਂ ਇਲਾਵਾ IV ਇੰਟਰਟੇਨਮੈਂਟ ਨੇ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਵਿਚ ਯੂ. ਏ. ਈ-ਆਧਾਰਿਤ IV ਇੰਟਰਟੇਨਮੈਂਟ ਹੋਲਡਿੰਗਜ਼ ਤੋਂ ਆਟੋਮੈਟਿਕ ਰੂਟ ਦੇ ਤਹਿਤ ₹177 ਕਰੋੜ ਦੀ FDI ਪ੍ਰਾਪਤ ਕੀਤੀ। ਇਸ ਮਿਆਦ 'ਚ ਪ੍ਰਮੁੱਖ ਵਿਦੇਸ਼ੀ ਨਿਵੇਸ਼ਾਂ 'ਚ ਦੂਜੀ ਤਿਮਾਹੀ ਵਿਚ ਪ੍ਰਾਈਮ ਫੋਕਸ ਤਕਨਾਲੋਜੀਜ਼ ਅਤੇ ਪਾਕੇਟ FM ਵਲੋਂ ਪ੍ਰਾਪਤ ਕੀਤੀ ਗਈ ਲਗਭਗ ₹1,100 ਕਰੋੜ ਦੀ FDI ਸ਼ਾਮਲ ਹੈ।
