ਇੰਡੀਅਨ ਓਵਰਸੀਜ਼ ਬੈਂਕ ਨੂੰ ਸਰਕਾਰ ਤੋਂ ਮਿਲੀ 4,360 ਕਰੋੜ ਦੀ ਪੂੰਜੀ

ਚੇਨਈ—ਸਰਕਾਰੀ ਖੇਤਰ ਦੇ ਇੰਡੀਅਨ ਓਵਰਸੀਜ਼ ਬੈਂਕ (ਆਈ.ਓ.ਬੀ.) ਨੂੰ ਸਰਕਾਰ ਤੋਂ 4,360 ਕਰੋੜ ਰੁਪਏ ਦੀ ਪੂੰਜੀ ਪ੍ਰਾਪਤ ਹੋਈ ਹੈ। ਬੈਂਕ ਨੇ ਸ਼ਨੀਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਬੈਂਕ ਨੇ ਬੀ.ਐੱਸ.ਈ. ਨੂੰ ਦੱਸਿਆ ਕਿ 2019-20 ਦੇ ਦੌਰਾਨ ਉਸ ਦੇ ਸ਼ੇਅਰਾਂ ਦੇ ਤਰਜੀਹੀ ਵੰਡ 'ਚ ਸਰਕਾਰ ਦੀ ਹਿੱਸੇਦਾਰੀ ਦੇ ਏਵਜ 'ਚ ਨਿਵੇਸ਼ ਦੇ ਤੌਰ 'ਤੇ ਇਹ ਰਾਸ਼ੀ ਮਿਲੀ ਹੈ। ਬੈਂਕ ਨੇ ਦਸੰਬਰ 'ਚ ਦੱਸਿਆ ਕਿ ਉਸ ਨੂੰ ਰੈਗੂਲੇਟਰ ਲੋੜਾਂ ਦੀ ਪੂਰਤੀ ਲਈ ਚਾਲੂ ਵਿੱਤੀ ਸਾਲ ਦੇ ਦੌਰਾਨ ਸਰਕਾਰ ਤੋਂ 4,360 ਕਰੋੜ ਰੁਪਏ ਦੀ ਪੂੰਜੀ ਮਿਲਣ ਵਾਲੀ ਹੈ। ਵਿੱਤ ਮੰਤਰਾਲੇ ਨੇ ਅਗਸਤ 2019 'ਚ ਬੈਂਕ 'ਚ 3,800 ਕਰੋੜ ਰੁਪਏ ਦੀ ਪੂੰਜੀ ਪਾਉਣ ਦੀ ਘੋਸ਼ਣਾ ਕੀਤੀ ਸੀ ਜਿਸ ਦੇ ਬਾਅਦ 'ਚ 560 ਕਰੋੜ ਰੁਪਏ ਵਧਾ ਕੇ 4,360 ਕਰੋੜ ਰੁਪਏ ਕਰ ਦਿੱਤਾ ਗਿਆ। ਇੰਡੀਅਨ ਓਵਰਸੀਜ਼ ਬੈਂਕ ਇਸ ਸਮੇਂ ਰਿਜ਼ਰਵ ਬੈਂਕ ਦੀ ਤੁਰੰਤ ਹਾਂ-ਪੱਖੀ ਕਾਰਵਾਈ ਵਿਵਸਥਾ ਦੇ ਦਾਇਰੇ 'ਚ ਹੈ। ਬੈਂਕ ਨੂੰ 30 ਸਤੰਬਰ 2019 ਨੂੰ ਖਤਮ ਤਿਮਾਹੀ ਦੇ ਦੌਰਾਨ 2,253.64 ਕਰੋੜ ਰੁਪਏ ਦਾ ਸ਼ੁੱਧ ਘਾਟਾ ਹੋਇਆ।