ਅਗਲੇ 30 ਸਾਲਾਂ 'ਚ 30 ਹਜ਼ਾਰ ਅਰਬ ਡਾਲਰ ਦੀ ਹੋ ਜਾਵੇਗੀ ਭਾਰਤੀ ਅਰਥਵਿਵਸਥਾ : ਗੋਇਲ

ਨਵੀਂ ਦਿੱਲੀ : ਭਾਰਤ ਦੁਨੀਆ ਦੀ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਅਰਥਵਿਵਸਥਾ ਵਿੱਚੋਂ ਇੱਕ ਹੈ ਅਤੇ ਅਗਲੇ 30 ਸਾਲਾਂ ਵਿੱਚ ਇਸ ਦੇ 30 ਹਜ਼ਾਰ ਅਰਬ ਡਾਲਰ ਤੱਕ ਵਧਣ ਦੀ ਉਮੀਦ ਹੈ। ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਜੇਕਰ ਭਾਰਤ ਅੱਠ ਫੀਸਦੀ ਸਾਲਾਨਾ ਦੀ ਮਿਸ਼ਰਿਤ ਸਾਲਾਨਾ ਵਿਕਾਸ ਦਰ ਨਾਲ ਵਿਕਾਸ ਕਰਦਾ ਹੈ ਤਾਂ ਲਗਭਗ ਨੌਂ ਸਾਲਾਂ ਵਿੱਚ ਅਰਥਚਾਰੇ ਦਾ ਆਕਾਰ ਦੁੱਗਣਾ ਹੋ ਜਾਵੇਗਾ।

ਗੋਇਲ ਨੇ ਕਿਹਾ ਕਿ ਇਸ ਸਮੇਂ ਦੇਸ਼ ਦੀ ਆਰਥਿਕਤਾ ਦਾ ਆਕਾਰ ਲਗਭਗ 3200 ਬਿਲੀਅਨ ਡਾਲਰ ਹੈ ਅਤੇ ਅੱਜ ਤੋਂ ਅਗਲੇ ਨੌਂ ਸਾਲਾਂ ਵਿੱਚ ਇਸ ਦੇ 6500 ਬਿਲੀਅਨ ਡਾਲਰ ਤੱਕ ਵਧਣ ਦੀ ਉਮੀਦ ਹੈ। “ਉਸ ਤੋਂ ਨੌਂ ਸਾਲ ਬਾਅਦ, ਯਾਨੀ ਹੁਣ ਤੋਂ 18 ਸਾਲ ਬਾਅਦ, ਅਰਥਵਿਵਸਥਾ 13,000 ਅਰਬ ਡਾਲਰ ਹੋ ਜਾਵੇਗੀ। ਉਸ ਤੋਂ ਨੌਂ ਸਾਲ ਬਾਅਦ, ਯਾਨੀ ਹੁਣ ਤੋਂ 27 ਸਾਲ ਬਾਅਦ, ਇਸਦੀ ਕੀਮਤ 26,000 ਅਰਬ ਡਾਲਰ ਦੀ ਹੋਵੇਗੀ। ਇਸ ਤਰ੍ਹਾਂ ਅਸੀਂ ਭਰੋਸੇ ਨਾਲ ਕਹਿ ਸਕਦੇ ਹਾਂ ਕਿ ਅੱਜ ਤੋਂ 30 ਸਾਲਾਂ ਬਾਅਦ ਭਾਰਤੀ ਅਰਥਵਿਵਸਥਾ 30 ਹਜ਼ਾਰ ਅਰਬ ਡਾਲਰ ਦੀ ਹੋ ਜਾਵੇਗੀ।

ਇਹ ਵੀ ਪੜ੍ਹੋ: ਟੈਕਸਟਾਈਲ ਸੈਕਟਰ ਲਈ PLI ਸਕੀਮ ਲਿਆਉਣ 'ਤੇ ਵਿਚਾਰ: ਗੋਇਲ

ਉਦਯੋਗ ਮੰਤਰੀ ਨੇ ਕਿਹਾ ਕਿ ਅੱਜ ਦੇ ਚੁਣੌਤੀਪੂਰਨ ਸਮੇਂ ਵਿੱਚ ਵੀ ਦੇਸ਼ ਦੀ ਆਰਥਿਕਤਾ ਚੰਗੀ ਦਰ ਨਾਲ ਵਧ ਰਹੀ ਹੈ। ਯੂਕਰੇਨ ਅਤੇ ਰੂਸ ਵਿਚਾਲੇ ਜੰਗ ਨੇ ਗਲੋਬਲ ਬਾਜ਼ਾਰਾਂ ਵਿੱਚ ਕੁਝ ਕਮੀਆਂ ਪੈਦਾ ਕਰ ਦਿੱਤੀਆਂ ਹਨ ਅਤੇ ਵਿਸ਼ਵ ਮਹਿੰਗਾਈ ਨੂੰ ਉੱਚੇ ਪੱਧਰ 'ਤੇ ਧੱਕ ਦਿੱਤਾ ਹੈ, ਪਰ ਭਾਰਤ ਆਪਣੀ ਮਹਿੰਗਾਈ ਨੂੰ ਘੱਟ ਰੱਖਣ ਵਿੱਚ ਕਾਮਯਾਬ ਰਿਹਾ ਹੈ। ਤਿਰੁੱਪੁਰ ਬਾਰੇ ਉਨ੍ਹਾਂ ਕਿਹਾ ਕਿ ਇਹ 30,000 ਕਰੋੜ ਰੁਪਏ ਤੋਂ ਵੱਧ ਦੀਆਂ ਵਸਤਾਂ ਦੀ ਬਰਾਮਦ ਅਤੇ ਟੈਕਸਟਾਈਲ ਦਾ ਗਲੋਬਲ ਹੱਬ ਬਣ ਗਿਆ ਹੈ, ਜੋ ਕਿ 37 ਸਾਲ ਪਹਿਲਾਂ ਸਿਰਫ਼ 15 ਕਰੋੜ ਰੁਪਏ ਸੀ। ਗੋਇਲ ਨੇ ਦੱਸਿਆ ਕਿ ਦੇਸ਼ ਵਿੱਚ ਅਜਿਹੇ 75 ਕੱਪੜਾ ਸ਼ਹਿਰ ਬਣਾਉਣ ਦੀ ਜ਼ਰੂਰਤ ਹੈ ਕਿਉਂਕਿ ਇਸ ਉਦਯੋਗ ਵਿਚ ਰੋਜ਼ਗਾਰ ਦੇ ਜ਼ਿਆਦਾ ਮੌਕੇ ਹਨ।

ਇਹ ਵੀ ਪੜ੍ਹੋ:  ਫਾਸਟੈਗ ਰਾਹੀਂ ਵਿਅਕਤੀਆਂ ਦਰਮਿਆਨ ਕੋਈ ਲੈਣ-ਦੇਣ ਨਹੀਂ ਹੁੰਦਾ, ਸੋਸ਼ਲ ਮੀਡੀਆ 'ਤੇ ਆ ਰਹੀਆਂ ਵੀਡੀਓਜ਼ ਗਲਤ : NPCI

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।