ਭਾਰਤ ਨੇ ਚੀਨ, ਜਾਪਾਨ ਤੋਂ ਇੰਪੋਰਟ ਕੈਮੀਕਲ ’ਤੇ ਲਗਾਇਆ ਐਂਟੀ ਡੰਪਿੰਗ ਟੈਰਿਫ, ਘਰੇਲੂ ਉਦਯੋਗ ਨੂੰ ਨੁਕਸਾਨ

ਨਵੀਂ ਦਿੱਲੀ (ਭਾਸ਼ਾ) – ਭਾਰਤ ਨੇ ਘਰੇਲੂ ਉਦਯੋਗ ਨੂੰ ਸਸਤੇ ਇੰਪੋਰਟ ਤੋਂ ਬਚਾਉਣ ਲਈ ਚੀਨ ਅਤੇ ਜਾਪਾਨ ਤੋਂ ਇੰਪੋਰਟ ਕੀਤੇ ਜਾਣ ਵਾਲੇ ਵਾਟਰ ਟ੍ਰੀਟਮੈਂਟ (ਪਾਣੀ ਦੇ ਇਲਾਜ) ਲਈ ਇਸੇਤਮਾਲ ਹੋਣ ਵਾਲੇ ਕੈਮੀਕਲ (ਰਾਸਾਇਣ) ’ਤੇ 5 ਸਾਲਾਂ ਲਈ 986 ਅਮਰੀਕੀ ਡਾਲਰ ਪ੍ਰਤੀ ਟਨ ਤੱਕ ਦਾ ਡੰਪਿੰਗ ਰੋਕੂ ਟੈਰਿਫ ਲਗਾਇਆ ਹੈ।

ਇਹ ਵੀ ਪੜ੍ਹੋ :      Big changes in TDS-TCS rules: 1 ਅਪ੍ਰੈਲ ਤੋਂ TDS ਅਤੇ TCS ਨਿਯਮਾਂ 'ਚ ਹੋਣ ਜਾ ਰਹੇ ਵੱਡੇ ਬਦਲਾਅ

ਵਿੱਤ ਮੰਤਰਾਲਾ ਵੱਲੋਂ ਜਾਰੀ ਇਕ ਨੋਟੀਫਿਕੇਸ਼ਨ ’ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਇਹ ਫੈਸਲਾ ਵਪਾਰ ਮੰਤਰਾਲਾ ਦੀ ਜਾਂਚ ਸ਼ਾਖਾ ਵਪਾਰ ਇਲਾਜ ਡਾਇਰੈਕਟੋਰੇਟ (ਡੀ. ਜੀ. ਟੀ. ਆਰ.) ਦੀਆਂ ਸਿਫਾਰਿਸ਼ਾਂ ਤੋਂ ਬਾਅਦ ਲਿਆ ਗਿਆ ਹੈ।

ਇਹ ਵੀ ਪੜ੍ਹੋ :     ਜਾਣੋ ਕਿਹੜੇ -ਕਿਹੜੇ ਸੂਬਿਆਂ 'ਚ 14 ਜਾਂ 15 ਮਾਰਚ ਨੂੰ ਬੰਦ ਰਹਿਣਗੇ ਬੈਂਕ ਤੇ ਕਿੱਥੇ ਖੁੱਲ੍ਹਣਗੇ

ਘਰੇਲੂ ਉਦਯੋਗ ਨੂੰ ਹੋਇਆ ਭੌਤਿਕ ਨੁਕਸਾਨ

ਭਾਰਤ ਵੱਲੋਂ ਕੀਤੇ ਗਏ ਇਸ ਫੈਸਲੇ ਦੇ ਤਹਿਤ ‘ਟ੍ਰਾਈਕਲੋਰੋ ਆਈਸੋਸਾਇਨਿਊਰਿਕ ਐਸਿਡ’ ’ਤੇ ਟੈਰਿਫ ਲਗਾਉਣ ਦੀ ਗੱਲ ਕਹੀ ਗਈ ਹੈ। ਆਪਣੀਆਂ ਸਿਫਾਰਿਸ਼ਾਂ ’ਚ ਡਾਇਰੈਕਟੋਰੇਟ ਨੇ ਕਿਹਾ ਹੈ ਕਿ ਚੀਨ ਅਤੇ ਜਾਪਾਨ ਤੋਂ ਭਾਰਤ ’ਚ ਡੰਪ ਕੀਤੇ ਗਏ ਇੰਪੋਰਟ ਦੇ ਕਾਰਨ ਘਰੇਲੂ ਉਦਯੋਗ ਨੂੰ ਭੌਤਿਕ ਨੁਕਸਾਨ ਹੋਇਆ ਹੈ।

ਇਹ ਵੀ ਪੜ੍ਹੋ :     Ola Electric ਖਿਲਾਫ ਵੱਡੀ ਜਾਂਚ, ਵਿਭਾਗ ਦੀ ਰਾਡਾਰ 'ਤੇ ਆਏ ਕਈ ਸ਼ੋਅਰੂਮ, ਨੋਟਿਸ ਜਾਰੀ

ਨੋਟੀਫਿਕੇਸ਼ਨ ’ਚ ਕਿਹਾ ਗਿਆ ਹੈ ਕਿ ਲਗਾਇਆ ਗਿਆ ਡੰਪਿਗ ਰੋਕੂ ਟੈਰਿਫ 5 ਸਾਲਾਂ ਦੀ ਮਿਆਦ ਲਈ ਲਗਾਇਆ ਜਾਵੇਗਾ (ਜਦ ਤੱਕ ਕਿ ਇਸ ਤੋਂ ਪਹਿਲਾਂ ਰੱਦ, ਬਦਲਿਆ ਜਾਂ ਸੋਧਿਆ ਨਾ ਜਾਵੇ)। ਦੋਵੇਂ ਦੇਸ਼ ਭਾਰਤ ਦੇ ਮੁੱਖ ਵਪਾਰਕ ਸਾਂਝੇਦਾਰ ਹਨ। ਜਿਥੇ ਵਪਾਰ ਇਲਾਜ ਡਾਇਰੈਕਟੋਰੇਟ ਕਥਿਤ ਡੰਪਿੰਗ ਜਾਂਚ ਕਰਦਾ ਹੈ ਅਤੇ ਟੈਰਿਫ ਲਗਾਉਣ ਦੀ ਸਿਫਾਰਿਸ਼ ਕਰਦਾ ਹੈ, ਉਥੇ ਵਿੱਤ ਮੰਤਰਾਲਾ ਸਿਫਾਰਿਸ਼ ਦੇ 3 ਮਹੀਨਿਆਂ ਦੇ ਅੰਦਰ ਇਸ ਨੂੰ ਲਗਾਉਣ ਦਾ ਆਖਰੀ ਫੈਸਲਾ ਕਰਦਾ ਹੈ।

ਇਹ ਵੀ ਪੜ੍ਹੋ :      PM Kisan Yojana: ਅਜੇ ਖਾਤੇ 'ਚ ਨਹੀਂ ਆਏ 2 ਹਜ਼ਾਰ, ਤਾਂ ਜਲਦੀ ਤੋਂ ਜਲਦੀ ਕਰੋ ਇਹ ਕੰਮ

ਡੰਪਿੰਗ ਰੋਕੂ ਜਾਂਚ

ਦੇਸ਼ ਇਹ ਜਾਂਚਣ ਲਈ ਡੰਪਿੰਗ ਰੋਕੂ ਜਾਂਚ ਸ਼ੁਰੂ ਕਰਦੇ ਹਨ ਕਿ ਕੀ ਲਾਗਤ ਨਾਲੋਂ ਘੱਟ ਕੀਮਤ ’ਤੇ ਇੰਪੋਰਟ ’ਚ ਵਾਧੇ ਦੇ ਕਾਰਨ ਉਨ੍ਹਾਂ ਦੇ ਘਰੇਲੂ ਉਦਯੋਗਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਬਦਲੇ ਦੇ ਤੌਰ ’ਤੇ ਉਹ ਡਬਲਯੂ. ਟੀ. ਓ. (ਵਿਸ਼ਵ ਵਪਾਰ ਸੰਘਠਨ) ਦੀ ਬਹੁਪੱਖੀ ਵਿਵਸਥਾ ਦੇ ਤਹਿਤ ਟੈਰਿਫ ਲਗਾਉਂਦੇ ਹਨ। ਨਿਰਪੱਖ ਵਪਾਰ ਯਕੀਨੀ ਕਰਨ ਅਤੇ ਘਰੇਲੂ ਉਦਯੋਗ ਨੂੰ ਬਰਾਬਰ ਮੌਕੇ ਦੇਣ ਲਈ ਡੰਪਿੰਗ ਰੋਕੂ ਉਪਾਅ ਕੀਤੇ ਜਾਂਦੇ ਹਨ। ਇਹ ਇੰਪੋਰਟ ਨੂੰ ਬੈਨ ਕਰਨ ਜਾਂ ਪ੍ਰੋਡਕਟਸ ਦੀ ਲਾਗਤ ’ਚ ਗਲਤ ਵਾਧਾ ਕਰਨ ਦਾ ਉਪਾਅ ਨਹੀਂ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8