ਭਾਰਤ ਸੰਸਾਰਿਕ ਵਿਕਾਸ ਦਾ ਇੰਜਣ ਬਣ ਗਿਆ ਹੈ: IMF

ਨਵੀਂ ਦਿੱਲੀ—ਕੌਮਾਂਤਰੀ ਮੁਦਰਾ ਫੰਡ (ਆਈ.ਐੱਮ.ਐੱਫ.) ਨੇ ਅੱਜ ਸਰਕਾਰ ਦੀ ਆਰਥਿਕ ਨੀਤੀਆਂ ਅਤੇ ਢਾਂਚਾਗਤ ਸੁਧਾਰਾਂ ਦੀ ਤਾਰੀਫ ਕਰਦੇ ਹੋਏ ਭਾਰਤ ਨੂੰ ਸੰਸਾਰਿਕ ਵਿਕਾਸ ਦਾ ਇੰਜਣ ਦੱਸਿਆ ਹੈ। ਆਈ.ਐੱਮ.ਐੱਫ. ਦੇ ਉੁਪ ਮਹਾਪ੍ਰਬੰਧਕ ਤਾਓ ਝਾਂਗ ਨੇ ਵਿੱਤ ਮੰਤਰੀ ਅਰੁਣ ਜੇਤਲੀ ਨਾਲ ਮੁਲਾਕਾਤ ਕਰਕੇ ਆਰਥਿਕ ਨੀਤੀਆਂ ਹਾਲੀਆ ਗਤੀਵਿਧੀਆਂ ਅਤੇ ਦੇਸ਼ ਦੇ ਆਰਥਿਕ ਪਰਿਦ੍ਰਿਸ਼ 'ਤੇ ਵਿਚਾਰ-ਵਟਾਂਦਰਾ ਕੀਤਾ।
ਇਸ ਮੁਲਾਕਾਤ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਸੰਸਾਰਿਕ ਵਿਕਾਸ ਦੇ ਇੰਜਣਾਂ 'ਚੋਂ ਇਕ ਬਣ ਗਿਆ ਹੈ। ਪਿਛਲੇ ਦੋ ਦਹਾਕੇ 'ਚ ਲੱਖਾਂ ਭਾਰਤੀ ਗਰੀਬੀ ਰੇਖਾਂ ਤੋਂ ਬਾਹਰ ਨਿਕਲੇ ਹਨ। ਇਸ ਸਿਹਰਾ ਵੱਡੇ ਆਰਥਿਕ ਪੱਧਰ ਦੀਆਂ ਨੀਤੀਆਂ 'ਚ ਹੋਈ ਵਾਧਾ, ਢਾਂਚਾਗਤ ਸੁਧਾਰਾਂ ਅਤੇ ਦੇਸ਼ ਦੇ ਲੋਕਾਂ ਦੀ ਮਿਹਨਤ ਨੂੰ ਜਾਂਦਾ ਹੈ। ਪਹਿਲੀ ਵਾਰ ਭਾਰਤ ਦੀ ਯਾਤਰਾ 'ਤੇ ਆਏ ਝਾਂਗ ਨੇ ਦੱਸਿਆ ਕਿ ਜੇਤਲੀ ਦੇ ਨਾਲ ਉਨ੍ਹਾਂ ਨੇ ਰਾਜਸਵ ਵਧਾਉਣ 'ਤੇ ਚਰਚਾ ਕੀਤੀ ਜਿਸ 'ਚ ਵਸਤੂ ਅਤੇ ਸੇਵਾ ਟੈਕਸ ਦਾ ਮਹੱਤਵਪੂਰਨ ਯੋਗਦਾਨ ਹੋ ਸਕਦਾ ਹੈ। ਰਾਜਸਵ ਵਧਣ ਨਾਲ ਬੁਨਿਆਦੀ ਢਾਂਚਿਆਂ ਅਤੇ ਸਮਾਜਿਕ ਯੋਜਨਾਵਾਂ 'ਤੇ ਸਰਕਾਰ ਜ਼ਿਆਦਾ ਖਰਚ ਕਰ ਸਕੇਗੀ। ਉਨ੍ਹਾਂ ਨੇ ਖੇਤਰ 'ਚ ਸਮਰੱਥਾ 'ਚ ਵਿਸਤਾਰ 'ਚ ਭਾਰਤ ਦੀ ਮਦਦ ਦੀ ਸ਼ੰਲਾਘਾ ਕੀਤੀ ।