ਭਾਰਤ ਦਾ ਵਿਦੇਸ਼ੀ ਵਪਾਰ 1.6 ਟ੍ਰਿਲੀਅਨ ਡਾਲਰ ਦੇ ਪਾਰ ਹੋਣ ਦੀ ਉਮੀਦ, ਇਨ੍ਹਾਂ ਖੇਤਰਾਂ ''ਚ ਹੋਵੇਗਾ ਵਾਧਾ

ਨਵੀਂ ਦਿੱਲੀ : ਇਸ ਵਿੱਤੀ ਸਾਲ 'ਚ ਭਾਰਤ ਦਾ ਵਿਦੇਸ਼ੀ ਵਪਾਰ 1.6 ਟ੍ਰਿਲੀਅਨ ਡਾਲਰ ਦੇ ਅੰਕੜੇ ਨੂੰ ਪਾਰ ਕਰਨ ਦੀ ਉਮੀਦ ਹੈ। ਗਲੋਬਲ ਟਰੇਡ ਰਿਸਰਚ ਇਨੀਸ਼ੀਏਟਿਵ (ਜੀ.ਟੀ.ਆਰ.ਆਈ.) ਨੇ ਕਿਹਾ ਕਿ ਮਾਰਚ 2023 ਨੂੰ ਖਤਮ ਹੋਣ ਵਾਲੇ ਵਿੱਤੀ ਸਾਲ ਲਈ USD 1.6 ਟ੍ਰਿਲੀਅਨ, ਭਾਰਤ ਦੇ GDP 3.4 ਟ੍ਰਿਲੀਅਨ ਡਾਲਰ ਦਾ ਲਗਭਗ 48 ਪ੍ਰਤੀਸ਼ਤ ਹੋਵੇਗਾ।

ਇਹ ਵੀ ਪੜ੍ਹੋ : ਅਡਾਨੀ ਗਰੁੱਪ ਨੇ ਖ਼ਰੀਦਿਆ ਇਕ ਹੋਰ ਪੋਰਟ,  1,485 ਕਰੋੜ ਰੁਪਏ ਵਿਚ ਹੋਈ ਡੀਲ

ਥਿੰਕ ਟੈਂਕ ਦੇ ਅੰਕੜਿਆਂ ਅਨੁਸਾਰ, ਸੇਵਾਵਾਂ ਦੇ ਨਿਰਯਾਤ ਵਿੱਚ ਵਾਧੇ ਦੀ ਦਰ ਵਸਤੂਆਂ ਦੇ ਮੁਕਾਬਲੇ ਵੱਧ ਹੋਵੇਗੀ। ਜੀਟੀਆਰਆਈ ਦੇ ਸਹਿ-ਸੰਸਥਾਪਕ ਅਜੈ ਸ਼੍ਰੀਵਾਸਤਵ ਨੇ ਕਿਹਾ ਕਿ ਮਾਲ ਦੀ ਆਊਟਬਾਉਂਡ ਸ਼ਿਪਮੈਂਟ ਦੇ ਮੁਕਾਬਲੇ ਸੇਵਾ ਨਿਰਯਾਤ ਵਿੱਚ ਉੱਚ ਵਾਧਾ ਦਰ ਭਾਰਤ ਦੇ ਨਿਰਯਾਤ ਪ੍ਰਦਰਸ਼ਨ ਦਾ ਇੱਕ ਚੰਗਾ ਸੰਕੇਤ ਹੈ।

ਵਸਤੂਆਂ ਅਤੇ ਸੇਵਾਵਾਂ ਦੀ ਕੁੱਲ ਬਰਾਮਦ 755 ਅਰਬ ਡਾਲਰ

ਅਪ੍ਰੈਲ-ਮਾਰਚ 2023 ਦੌਰਾਨ ਭਾਰਤ ਤੋਂ ਵਸਤੂਆਂ ਅਤੇ ਸੇਵਾਵਾਂ ਦੀ ਕੁੱਲ ਬਰਾਮਦ 755 ਅਰਬ ਅਮਰੀਕੀ ਡਾਲਰ ਤੱਕ ਪਹੁੰਚਣ ਦਾ ਅਨੁਮਾਨ ਹੈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 11.6 ਫੀਸਦੀ ਦਾ ਸਕਾਰਾਤਮਕ ਵਾਧਾ ਦਰਸਾਉਂਦਾ ਹੈ। ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਭਾਰਤ ਦਾ ਵਪਾਰਕ ਨਿਰਯਾਤ ਲਗਭਗ 5 ਫੀਸਦੀ ਵਧ ਕੇ 442 ਬਿਲੀਅਨ ਡਾਲਰ ਤੱਕ ਪਹੁੰਚਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ : ਸੰਭਲ ਕੇ ਕਰੋ WhatsApp ਦਾ ਇਸਤੇਮਾਲ! 28 ਦਿਨ 'ਚ 45 ਲੱਖ ਤੋਂ ਜ਼ਿਆਦਾ ਭਾਰਤੀ ਖ਼ਾਤੇ ਹੋਏ ਬੈਨ

ਪਿਛਲੇ ਸਾਲ ਦੇ ਮੁਕਾਬਲੇ ਕਿੰਨੇ ਵਾਧੇ ਦੀ ਉਮੀਦ 

ਇਸੇ ਤਰ੍ਹਾਂ, ਸੇਵਾਵਾਂ ਦਾ ਨਿਰਯਾਤ 22.6 ਫੀਸਦੀ ਵਧ ਕੇ 311.9 ਬਿਲੀਅਨ ਡਾਲਰ ਹੋਣ ਦੀ ਉਮੀਦ ਹੈ। ਇਸ ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਵਿਦੇਸ਼ੀ ਵਪਾਰ - ਵਸਤੂਆਂ ਅਤੇ ਸੇਵਾਵਾਂ ਦੇ 1.6 ਟ੍ਰਿਲੀਅਨ ਅਮਰੀਕੀ ਡਾਲਰ ਦੇ ਪਾਰ ਜਾਣ ਦੀ ਉਮੀਦ ਹੈ, ਜੋ ਕਿ ਦੇਸ਼ ਦੀ ਕੁੱਲ ਜੀਡੀਪੀ ਦਾ 48 ਪ੍ਰਤੀਸ਼ਤ ਹੈ। ਇਹ ਅਨੁਮਾਨ ਵਿੱਤੀ ਸਾਲ ਮਾਰਚ 2023 ਤੱਕ ਦਾ ਹੈ। ਦੱਸ ਦੇਈਏ ਕਿ ਵਿੱਤੀ ਸਾਲ 2021-22 ਲਈ ਕੁੱਲ ਵਪਾਰ 1.43 ਟ੍ਰਿਲੀਅਨ ਅਮਰੀਕੀ ਡਾਲਰ ਰਿਹਾ ਹੈ।

ਇਨ੍ਹਾਂ ਸੈਕਟਰਾਂ ਵਿੱਚ ਵਿਕਾਸ ਦੀ ਉਮੀਦ 

ਮੁੱਖ ਸੈਕਟਰ ਜਿਨ੍ਹਾਂ ਦੇ ਵਿਕਾਸ ਦੀ ਉਮੀਦ ਹੈ, ਵਿੱਚ ਬੁਨਿਆਦੀ ਢਾਂਚਾ ਅਤੇ ਖੇਤੀ ਉਤਪਾਦ ਜਿਵੇਂ ਮੱਛੀ, ਮੀਟ, ਡੇਅਰੀ ਆਦਿ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਪੈਟਰੋਲੀਅਮ ਵਸਤੂਆਂ, ਰਸਾਇਣ, ਹੀਰੇ, ਮਸ਼ੀਨਰੀ ਅਤੇ ਆਟੋਮੋਬਾਈਲ ਸੈਕਟਰ 'ਚ ਵਾਧਾ ਹੋ ਸਕਦਾ ਹੈ। ਚੋਟੀ ਦੇ ਨਿਰਯਾਤ ਸਥਾਨ ਅਮਰੀਕਾ, ਯੂਏਈ, ਨੀਦਰਲੈਂਡ, ਚੀਨ, ਬੰਗਲਾਦੇਸ਼, ਸਿੰਗਾਪੁਰ, ਯੂਕੇ ਅਤੇ ਜਰਮਨੀ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਵਿੱਤ ਮੰਤਰਾਲਾ 15 ਅਪ੍ਰੈਲ 2023 ਨੂੰ ਡਾਟਾ ਜਾਰੀ ਕਰੇਗਾ।

ਇਹ ਵੀ ਪੜ੍ਹੋ : PM ਮੋਦੀ ਬੋਲੇ - ਸਿਰਫ਼ ਸਟੀਲ ਹੀ ਨਹੀਂ, ਅੱਜ ਭਾਰਤ ਸਾਰੇ ਖ਼ੇਤਰਾਂ ਵਿਚ ਹੋ ਰਿਹਾ ਹੈ ਆਤਮਨਿਰਭਰ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।