ਵਿਦੇਸ਼ਾਂ 'ਚ ਭਾਰਤੀ ਵਸਤੂਆਂ ਦੀ ਵਧੀ ਮੰਗ, ਬਾਸਮਤੀ ਚੌਲਾਂ ਦੀ ਬਰਾਮਦ 'ਚ ਹੋਇਆ 56 ਫੀਸਦੀ ਵਾਧਾ

ਨਵੀਂ ਦਿੱਲੀ - ਮੌਜੂਦਾ ਵਿੱਤੀ ਸਾਲ 'ਚ ਵਿਦੇਸ਼ੀ ਬਾਜ਼ਾਰਾਂ 'ਚ ਭਾਰਤੀ ਵਸਤੂਆਂ ਦੀ ਮੰਗ ਵਧ ਰਹੀ ਹੈ। ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਮਹੀਨੇ ਅਪ੍ਰੈਲ 'ਚ ਭਾਰਤ ਤੋਂ ਅਨਾਜ, ਫਲਾਂ ਅਤੇ ਸਬਜ਼ੀਆਂ ਦੀ ਬਹੁਤ ਜ਼ਿਆਦਾ ਬਰਾਮਦ ਹੋਈ ਹੈ। ਹਾਲਾਂਕਿ, ਕੁੱਲ ਨਿਰਯਾਤ ਪਿਛਲੀ ਸਮਾਨ ਮਿਆਦ ਦੇ ਮੁਕਾਬਲੇ ਥੋੜ੍ਹਾ ਘੱਟ ਹੈ ਕਿਉਂਕਿ ਇਸ ਅਪ੍ਰੈਲ ਵਿੱਚ ਨਿਰਯਾਤ ਪਾਬੰਦੀਆਂ ਕਾਰਨ ਨਿਰਯਾਤ ਮਾਮੂਲੀ ਰਿਹਾ ਹੈ, ਜਦੋਂ ਕਿ ਪਿਛਲੇ ਸਾਲ ਅਪ੍ਰੈਲ ਵਿੱਚ ਵੱਡੀ ਮਾਤਰਾ ਵਿੱਚ ਕਣਕ ਦੀ ਬਰਾਮਦ ਕੀਤੀ ਗਈ ਸੀ।

ਇਹ ਵੀ ਪੜ੍ਹੋ : ਵਿਦੇਸ਼ ਯਾਤਰਾ ਮਗਰੋਂ ਫੋਟੋ ਸ਼ੇਅਰ ਕਰ ਕਸੂਤੇ ਘਿਰੇ ਸੋਸ਼ਲ ਮੀਡੀਆ ਇੰਫਲੂਐਂਸਰ, IT ਵਿਭਾਗ ਵੱਲੋਂ ਨੋਟਿਸ ਜਾਰੀ

ਅਪ੍ਰੈਲ 'ਚ ਕੁੱਲ ਨਿਰਯਾਤ ਸਿਰਫ 3 ਫੀਸਦੀ ਘਟਿਆ

ਸਾਲ 2023-24 'ਚ ਅਪ੍ਰੈਲ 'ਚ 18,410 ਕਰੋੜ ਰੁਪਏ ਦੀਆਂ ਵਸਤੂਆਂ ਦੀ ਬਰਾਮਦ ਕੀਤੀ ਗਈ ਸੀ, ਜੋ ਕਿ ਪਿਛਲੇ ਅਪ੍ਰੈਲ 'ਚ 18,718 ਕਰੋੜ ਰੁਪਏ ਦੀ ਵਸਤੂਆਂ ਦੀ ਬਰਾਮਦ ਤੋਂ ਸਿਰਫ 3 ਫੀਸਦੀ ਘੱਟ ਹੈ। ਕੁੱਲ ਬਰਾਮਦ 'ਚ ਕਮੀ ਦਾ ਕਾਰਨ ਇਹ ਹੈ ਕਿ ਪਿਛਲੇ ਸਾਲ ਅਪ੍ਰੈਲ 'ਚ 3,602 ਕਰੋੜ ਰੁਪਏ ਦੀ 14.72 ਲੱਖ ਟਨ ਕਣਕ ਦੇ ਮੁਕਾਬਲੇ ਇਸ ਅਪ੍ਰੈਲ 'ਚ ਸਿਰਫ 4 ਕਰੋੜ ਰੁਪਏ ਦੀ 1,631 ਟਨ ਕਣਕ ਦੀ ਬਰਾਮਦ ਕੀਤੀ ਗਈ ਸੀ। ਇਸ ਕੁੱਲ ਬਰਾਮਦ 'ਚ ਜੇਕਰ ਅਸੀਂ ਦੋਵਾਂ ਸਾਲਾਂ ਦੇ ਅਪ੍ਰੈਲ ਮਹੀਨੇ ਦੇ ਕਣਕ ਦੀ ਬਰਾਮਦ ਦੇ ਅੰਕੜਿਆਂ ਨੂੰ ਹਟਾ ਦੇਈਏ ਤਾਂ ਇਸ ਸਾਲ ਅਪ੍ਰੈਲ 'ਚ 3 ਫੀਸਦੀ ਦੀ ਗਿਰਾਵਟ ਦੀ ਬਜਾਏ ਕੁੱਲ ਜਿਣਸ ਦੀ ਬਰਾਮਦ 'ਚ 20 ਪ੍ਰਤੀਸ਼ਤ ਤੋਂ ਜ਼ਿਆਦਾ ਦਾ ਵਾਧਾ ਹੋਇਆ ਹੈ। 

ਇਹ ਵੀ ਪੜ੍ਹੋ : ਟਮਾਟਰ ਦੀਆਂ ਕੀਮਤਾਂ ਨੇ ਲਗਾਈ ਵੱਡੀ ਛਲਾਂਗ, ਸਿਰਫ ਕੁਝ ਦਿਨਾਂ ’ਚ ਹੀ ਆਸਮਾਨ ਛੂਹਣ ਲੱਗੇ ਸਬਜ਼ੀਆਂ ਦੇ ਰੇਟ

ਚੌਲਾਂ ਦੀ ਬਰਾਮਦ ਵਧੀ 

ਅਪ੍ਰੈਲ 'ਚ 3,855 ਕਰੋੜ ਰੁਪਏ ਦੇ 4,24,650 ਟਨ ਬਾਸਮਤੀ ਚੌਲਾਂ ਦੀ ਬਰਾਮਦ ਦਰਜ ਕੀਤੀ ਗਈ, ਜੋ ਪਿਛਲੇ ਸਾਲ ਅਪ੍ਰੈਲ 'ਚ 2,469 ਕਰੋੜ ਰੁਪਏ ਦੇ 3,19,864 ਟਨ ਬਾਸਮਤੀ ਚੌਲਾਂ ਦੇ ਮੁਕਾਬਲੇ 56 ਫੀਸਦੀ ਵੱਧ ਹੈ। ਇਸ ਅਪ੍ਰੈਲ ਮਹੀਨੇ 'ਚ ਗੈਰ-ਬਾਸਮਤੀ ਚੌਲਾਂ ਦੀ ਬਰਾਮਦ 'ਚ 18 ਫੀਸਦੀ ਤੋਂ ਜ਼ਿਆਦਾ ਦਾ ਵਾਧਾ ਹੋਇਆ ਹੈ। ਅਪ੍ਰੈਲ 'ਚ 13,52,865 ਟਨ ਗੈਰ-ਬਾਸਮਤੀ ਚੌਲਾਂ ਦੀ ਬਰਾਮਦ ਕੀਤੀ ਗਈ, ਜਿਸ ਦੀ ਕੀਮਤ 4,349 ਕਰੋੜ ਰੁਪਏ ਹੈ।

ਇਹ ਵੀ ਪੜ੍ਹੋ : ਰਸਾਇਣ ਨਿਗਲ ਰਹੇ ਪੰਜਾਬ ਦੀ ਧਰਤੀ ਦਾ ਅੰਮ੍ਰਿਤ, ਘਟ ਰਹੀ ਜ਼ਮੀਨ ਦੀ ਉਪਜਾਊ ਸ਼ਕਤੀ ਤੇ ਕਣਕ ਦਾ ਝਾੜ

ਤਾਜ਼ੇ ਅਤੇ ਪ੍ਰੋਸੈਸ ਕੀਤੇ ਫਲਾਂ ਅਤੇ ਸਬਜ਼ੀਆਂ ਦੀ ਬਰਾਮਦ ਵਿੱਚ ਹੋਇਆ ਵਾਧਾ

ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਮਹੀਨੇ 1,660 ਕਰੋੜ ਰੁਪਏ ਦੇ ਤਾਜ਼ੇ ਫਲ ਅਤੇ ਸਬਜ਼ੀਆਂ ਦੀ ਬਰਾਮਦ ਕੀਤੀ ਗਈ ਹੈ, ਜੋ ਪਿਛਲੇ ਵਿੱਤੀ ਸਾਲ ਦੇ 1,411 ਕਰੋੜ ਰੁਪਏ ਦੇ ਨਿਰਯਾਤ ਨਾਲੋਂ 17.64 ਫੀਸਦੀ ਵੱਧ ਹੈ। ਪ੍ਰੋਸੈਸਡ ਫਲਾਂ ਅਤੇ ਸਬਜ਼ੀਆਂ ਦੀ ਬਰਾਮਦ ਅਪ੍ਰੈਲ 'ਚ 49.39 ਫੀਸਦੀ ਵਧ ਕੇ 1,639 ਕਰੋੜ ਰੁਪਏ ਹੋ ਗਈ। ਹੋਰ ਪ੍ਰੋਸੈਸਡ ਫੂਡ ਦੀ ਬਰਾਮਦ 18.32 ਫੀਸਦੀ ਵਧ ਕੇ 3,264 ਕਰੋੜ ਰੁਪਏ ਹੋ ਗਈ।

ਇਹ ਵੀ ਪੜ੍ਹੋ : ਕਾਰ ਖਰੀਦਦੇ ਸਮੇਂ ਖਪਤਕਾਰਾਂ ਦੇ ਮਨ ’ਚ ਸਭ ਤੋਂ ਵੱਡੀ ਚਿੰਤਾ ਸੁਰੱਖਿਆ, 5ਸਟਾਰ ਰੇਟਿੰਗ ਨੂੰ ਤਰਜੀਹ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।