ਆਈ. ਐੱਮ. ਐੱਫ. ਨੇ ਚੀਨ ਦੀ ਵਾਧਾ ਦਰ ਦਾ ਅੰਦਾਜ਼ਾ ਘਟਾਇਆ

ਪੇਈਚਿੰਗ-ਕੌਮਾਂਤਰੀ ਕਰੰਸੀ ਫੰਡ (ਆਈ. ਐੱਮ. ਐੱਫ.) ਨੇ ਚੀਨ-ਅਮਰੀਕਾ ਵਪਾਰ ਜੰਗ ਨਾਲ ਫੈਲੀਆਂ ਅਨਿਸ਼ਚਿਤਤਾਵਾਂ ਨੂੰ ਵੇਖਦੇ ਹੋਏ 2019 ਅਤੇ ਸਾਲ 2020 'ਚ ਚੀਨੀ ਅਰਥਵਿਵਸਥਾ ਦੀ ਵਾਧਾ ਨੂੰ ਲੈ ਕੇ ਆਪਣੇ ਪਹਿਲਾਂ ਦੇ ਅੰਦਾਜ਼ੇ ਨੂੰ ਘਟਾ ਦਿੱਤਾ ਹੈ। ਆਈ. ਐੱਮ. ਐੱਫ. ਨੇ ਕਿਹਾ ਕਿ ਇਸ ਸਾਲ ਦੁਨੀਆ ਦੀ ਇਸ ਦੂਜੀ ਸਭ ਤੋਂ ਵੱਡੀ ਅਰਥਵਿਵਸਥਾ (ਚੀਨ) ਦੀ ਵਾਧਾ 6.2 ਫੀਸਦੀ ਅਤੇ ਅਗਲੇ ਸਾਲ 'ਚ 6.0 ਫੀਸਦੀ ਰਹਿਣ ਦਾ ਅੰਦਾਜ਼ਾ ਹੈ। ਪਿੱਛਲਾ ਅੰਦਾਜ਼ਾ ਕ੍ਰਮਵਾਰ 6.3 ਫੀਸਦੀ ਅਤੇ 6.1 ਫੀਸਦੀ ਸੀ। ਆਈ. ਐੱਮ. ਐੱਫ. ਦੇ ਏਸ਼ੀਆ ਅਤੇ ਪ੍ਰਸ਼ਾਂਤ ਵਿਭਾਗ ਦੇ ਉਪ ਨਿਰਦੇਸ਼ਕ ਕੇਨੇਥ ਕਾਂਗ ਨੇ ਕਿਹਾ ਕਿ ਵਪਾਰ ਜੰਗ 'ਚ ਸਾਰੀਆਂ ਦਾ ਨੁਕਸਾਨ ਹੈ।