ਹੀਰੋ ਮੋਟੋਕਾਰਪ ਨੇ ਸੰਜੈ ਭਾਨ ਨੂੰ ਤਰੱਕੀ ਦੇ ਕੇ ਕਾਰਜਕਾਰੀ ਉਪ-ਪ੍ਰਧਾਨ ਬਣਾਇਆ

ਨਵੀਂ ਦਿੱਲੀ (ਭਾਸ਼ਾ) - ਦੋਪਹੀਆ ਵਾਹਨ ਬਣਾਉਣ ਵਾਲੀ ਦੇਸ਼ ਦੀ ਮੁੱਖ ਕੰਪਨੀ ਹੀਰੋ ਮੋਟੋਕਾਰਪ ਨੇ ਕੌਮਾਂਤਰੀ ਕਾਰੋਬਾਰ ਮਾਮਲਿਆਂ ਦੇ ਆਪਣੇ ਮੁੱਖ ਵਪਾਰ ਅਧਿਕਾਰੀ ਸੰਜੈ ਭਾਨ ਨੂੰ ਤਰੱਕੀ ਦੇ ਕੇ ਕਾਰਜਕਾਰੀ ਉਪ-ਪ੍ਰਧਾਨ ਬਣਾਇਆ ਹੈ। ਉਨ੍ਹਾਂ ਦੀ ਨਿਯੁਕਤੀ ਇਕ ਸਤੰਬਰ ਤੋਂ ਪ੍ਰਭਾਵ ’ਚ ਆ ਗਈ ਹੈ। ਹੀਰੋ ਮੋਟੋਕਾਰਪ ਨੇ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ ’ਚ ਕਿਹਾ ਕਿ ਭਾਨ ਆਪਣੀ ਨਵੀਂ ਭੂਮਿਕਾ ’ਚ ਹਾਲ ਹੀ ’ਚ ਸਥਾਪਤ ਗਲੋਬਲ ‘ਮਾਰਕੀਟ ਇਨਸਾਈਟਸ ਫੰਕਸ਼ਨ’ ਦੇ ਨਾਲ-ਨਾਲ ਕੌਮਾਂਤਰੀ ਉਤਪਾਦ ਯੋਜਨਾ (ਜੀ. ਪੀ. ਪੀ.) ਪੋਰਟਫੋਲੀਓ ਦੀ ਵੀ ਅਗਵਾਈ ਕਰਨਗੇ। ਭਾਨ ਗਲੋਬਲ ਬਿਜ਼ਨੈੱਸ ਅਤੇ ਜੀ. ਪੀ. ਪੀ. ਦੇ ਸੀ. ਈ. ਓ. ਨੂੰ ਰਿਪੋਰਟ ਕਰਨਾ ਜਾਰੀ ਰੱਖਣਗੇ।