ਸਰਕਾਰ ਦਾ ਸਟੀਲ ਬਣਾਉਣ ’ਚ 50 ਫ਼ੀਸਦੀ ਕਬਾੜ ਦੀ ਵਰਤੋਂ ਦਾ ਟੀਚਾ : ਸਿੰਧੀਆ

ਕੋਲਕਾਤਾ (ਭਾਸ਼ਾ)- ਕੇਂਦਰੀ ਇਸਪਾਤ ਮੰਤਰੀ ਜੋਤੀਰਾਦਿਤਿਆ ਸਿੰਧੀਆ ਨੇ ਕਿਹਾ ਕਿ ਸਰਕਾਰ ਦਾ ਗਰੀਨ ਸਟੀਲ ਪਹਿਲ ਨੂੰ ਬੜ੍ਹਾਵਾ ਦੇਣ ਲਈ 2047 ਤਕ ਸਟੀਲ ਬਣਾਉਣ ਦੀ ਪ੍ਰਕਿਰਿਆ ’ਚ ਕਬਾੜ ਦੀ ਹਿੱਸੇਦਾਰੀ ਵਧਾ ਕੇ 50 ਫ਼ੀਸਦੀ ਤਕ ਕਰਨ ਦਾ ਟੀਚਾ ਹੈ। ਸਿੰਧੀਆ ਨੇ ਇਕ ਸੰਮੇਲਨ ’ਚ ਸਟੀਲ ਨਿਰਮਾਣ ’ਚ ਕਬਾੜ ਦੀ ਵਰਤੋਂ ਵਧਾਉਣ ਦੀ ਗੱਲ ਕਹੀ। ਇਸ ਦਾ ਕਾਰਨ ਕਬਾੜ ਅਤੇ ਹੋਰ ਰਹਿੰਦ-ਖੂੰਹਦ ਉਤਪਾਦਾਂ ਦੇ ਮਾਧਿਅਮ ਨਾਲ ਧਾਤੂ ਦੇ ਨਿਰਮਾਣ ਨਾਲ ਪ੍ਰਦੂਸ਼ਣ ਘੱਟ ਫੈਲਦਾ ਹੈ। ਉਨ੍ਹਾਂ ਨੇ ਇਸ ਨੂੰ ‘ਗਰੀਨ ਸਟੀਲ ਪਹਿਲ ਦੀ ਦਿਸ਼ਾ ’ਚ’ ਕਦਮ ਦੱਸਿਆ ਹੈ।

ਉਨ੍ਹਾਂ ਨੇ ਕੋਲਕਾਤਾ ’ਚ 11ਵੇਂ ਅੰਤਰਰਾਸ਼ਟਰੀ ਸਮੱਗਰੀ ਰੀਸਾਈਕਲਿੰਗ ਸੰਮੇਲਨ ’ਚ ਕਿਹਾ,‘‘ਸਾਡੇ ਮੰਤਰਾਲਾ ਦੇ ਨਜ਼ਰੀਆ ਪੱਤਰ 2047 ਅਨੁਸਾਰ ਅਗਲੇ 25 ਸਾਲਾਂ ’ਚ ਕਬਾੜ ਦਾ ਫੀਸਦੀ 50 ਫੀਸਦੀ ਹੋਵੇਗਾ ਅਤੇ ਬਾਕੀ 50 ਫੀਸਦੀ ਅਲੋਹ ਧਾਤੂ ਦੇ ਰੂਪ ’ਚ ਹੋਵੇਗਾ।’’ ਮੰਤਰੀ ਨੇ ਵੀਡੀਓ ਸੰਦੇਸ਼ ਰਾਹੀਂ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਕਬਾੜ ਦੀ ਵਰਤੋਂ ਨਾਲ ਨਾ ਸਿਰਫ਼ ਕੁਦਰਤੀ ਸਰੋਤਾਂ ਦੀ ਵਰਤੋਂ ਵਿੱਚ ਕਮੀ ਆਉਂਦੀ ਹੈ, ਸਗੋਂ ਸਟੀਲ ਨਿਰਮਾਣ ਵਿੱਚ ਕਾਰਬਨ ਨਿਕਾਸੀ ਵਿੱਚ ਵੀ 25 ਫ਼ੀਸਦੀ ਦੀ ਕਮੀ ਆਉਂਦੀ ਹੈ।

ਸਿੰਧੀਆ ਨੇ ਕਿਹਾ ਕਿ ਨਿਕਾਸ ਨੂੰ ਘਟਾਉਣ ਅਤੇ ਗ੍ਰੀਨ ਸਟੀਲ ਦੇ ਉਤਪਾਦਨ ਲਈ ਭਵਿੱਖ ਵਿੱਚ ਹੋਰ ਸਕ੍ਰੈਪ ਦੀ ਲੋੜ ਪਵੇਗੀ। ਇਸ ਲਈ ਵਾਤਾਵਰਣ ਅਨੁਕੂਲ ਰਸਮੀ ਸਕਰੈਪ ਕੇਂਦਰਾਂ ਦੀ ਲੋੜ ਹੈ। ਅੱਜ ਦੇਸ਼ ਵਿੱਚ ਕਰੀਬ 25 ਮਿਲੀਅਨ ਟਨ ਸਕਰੈਪ ਦਾ ਉਤਪਾਦਨ ਹੁੰਦਾ ਹੈ ਅਤੇ ਕਰੀਬ 50 ਲੱਖ ਟਨ ਦੀ ਦਰਾਮਦ ਕੀਤੀ ਜਾਂਦੀ ਹੈ।

ਸਿੰਧੀਆ ਨੇ ਕਿਹਾ, "ਇਸ ਤੋਂ ਇਲਾਵਾ, ਮਾਈਨਿੰਗ ਅਤੇ ਸਟੀਲ ਨਿਰਮਾਣ ਦੌਰਾਨ ਪੈਦਾ ਹੋਣ ਵਾਲੇ ਵੱਖ-ਵੱਖ ਰਹਿੰਦ-ਖੂੰਹਦ ਦੇ ਉਪ-ਉਤਪਾਦਾਂ ਨੂੰ ਸੀਮਿੰਟ ਬਣਾਉਣ, ਸੜਕ ਨਿਰਮਾਣ ਅਤੇ ਖੇਤੀਬਾੜੀ ਵਿੱਚ ਵੀ ਪ੍ਰਭਾਵਸ਼ਾਲੀ ਢੰਗ ਨਾਲ ਵਰਤਿਆ ਜਾ ਸਕਦਾ ਹੈ।" ਮਟੀਰੀਅਲ ਰੀਸਾਈਕਲਿੰਗ ਐਸੋਸੀਏਸ਼ਨ ਆਫ ਇੰਡੀਆ (ਐੱਮ.ਆਰ.ਏ.ਆਈ.) ਦੇ ਪ੍ਰਧਾਨ ਸੰਜੇ ਮਹਿਤਾ ਨੇ ਕਿਹਾ ਕਿ ਇਸ ਸਮੇਂ ਦੇਸ਼ ਦੇ ਕੁੱਲ ਸਟੀਲ ਉਤਪਾਦਨ 'ਚ ਸਕਰੈਪ ਦਾ ਯੋਗਦਾਨ ਲਗਭਗ 30 ਤੋਂ 35 ਫ਼ੀਸਦੀ ਹੈ।

ਮਹਿਤਾ ਨੇ ਕਿਹਾ, “ਇਸਦੀ ਵੱਡੀ ਆਬਾਦੀ ਅਤੇ ਵਧ ਰਹੀ ਵਾਤਾਵਰਣ ਜਾਗਰੂਕਤਾ ਨੂੰ ਦੇਖਦੇ ਹੋਏ, ਭਾਰਤ ਵਿੱਚ ਰੀਸਾਈਕਲਿੰਗ ਵਿੱਚ ਇੱਕ ਗਲੋਬਲ ਲੀਡਰ ਬਣਨ ਦੀ ਸਮਰੱਥਾ ਹੈ। ਦੇਸ਼ ਵਿੱਚ ਰੀਸਾਈਕਲਿੰਗ ਉਦਯੋਗ ਵਿੱਚ ਰੁਜ਼ਗਾਰ ਪੈਦਾ ਕਰਨ, ਵਾਤਾਵਰਣ ਉੱਤੇ ਰਹਿੰਦ-ਖੂੰਹਦ ਦੇ ਪ੍ਰਭਾਵ ਨੂੰ ਘਟਾਉਣ ਅਤੇ ਦੇਸ਼ ਦੇ ਆਰਥਿਕ ਵਿਕਾਸ ਵਿੱਚ ਯੋਗਦਾਨ ਪਾਉਣ ਦੀ ਸਮਰੱਥਾ ਹੈ।”