ਗਿਰਾਵਟ ਤੋਂ ਬਾਅਦ ਮੁੜ ਵਧਿਆ ਸੋਨਾ-ਚਾਂਦੀ ਦਾ ਭਾਅ, ਜਾਣੋ ਅੱਜ ਦੀ ਤਾਜ਼ਾ ਕੀਮਤ

ਨਵੀਂ ਦਿੱਲੀ — ਅਮਰੀਕੀ ਸਦਨ ਦੀ ਪ੍ਰਤੀਨਿਧੀ ਸਪੀਕਰ ਨੈਨਸੀ ਪੇਲੋਸੀ ਨੇ ਕਿਹਾ ਕਿ ਇਹ ਸੰਭਵ ਹੈ ਕਿ ਨਵੰਬਰ ਵਿਚ ਰਾਸ਼ਟਰਪਤੀ ਦੀ ਚੋਣ ਤੋਂ ਪਹਿਲਾਂ ਇਕ ਹੋਰ ਯੂ.ਐਸ. ਸਟੀਮੂਲਸ ਪੈਕੇਜ ਦੀ ਘੋਸ਼ਣਾ ਕੀਤੀ ਜਾਵੇ। ਇਸ ਤੋਂ ਇਲਾਵਾ ਪੱਛਮੀ ਦੇਸ਼ਾਂ ਵਿਚ ਕੋਰੋਨਾ ਦੇ ਦੂਜੇ ਵੈੱਬ ਦੇ ਖਦਸ਼ੇ ਨਾਲ ਸਟਾਕ ਮਾਰਕੀਟ ਟੁੱਟ ਰਿਹਾ ਹੈ ਅਤੇ ਪੀਲੀ ਧਾਤ ਦੀਆਂ ਕੀਮਤਾਂ ਵਧ ਰਹੀਆਂ ਹਨ। ਅੱਜ ਸੋਨੇ ਅਤੇ ਚਾਂਦੀ ਦੀਆਂ ਭਵਿੱਖ ਦੀਆਂ ਕੀਮਤਾਂ ਵਿਚ ਵਾਧਾ ਹੁੰਦਾ ਵੇਖਿਆ ਜਾ ਰਿਹਾ ਹੈ।

ਦਸੰਬਰ ਦੀ ਸਪੁਰਦਗੀ ਵਿਚ 120 ਰੁਪਏ ਦਾ ਵਾਧਾ

ਐਮਸੀਐਕਸ 'ਤੇ 4 ਦਸੰਬਰ ਦੀ ਡਿਲਿਵਰੀ ਵਾਲਾ ਸੋਨਾ 135 ਰੁਪਏ ਦੀ ਤੇਜ਼ੀ ਨਾਲ 51065 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਖੁੱਲ੍ਹਿਆ। ਸਵੇਰੇ 10.10 ਵਜੇ ਇਹ 127 ਰੁਪਏ ਦੀ ਤੇਜ਼ੀ ਦੇ ਨਾਲ 51057 'ਤੇ ਕਾਰੋਬਾਰ ਕਰ ਰਿਹਾ ਸੀ। ਹੁਣ ਤੱਕ 792 ਲਾਟ ਦਾ ਕਾਰੋਬਾਰ ਹੋਇਆ ਹੈ। ਸੋਮਵਾਰ ਨੂੰ ਦਸੰਬਰ ਦੀ ਡਿਲਵਿਰੀ ਵਾਲਾ ਸੋਨਾ 50930 ਦੇ ਪੱਧਰ 'ਤੇ ਬੰਦ ਹੋਇਆ ਸੀ।

ਸੋਨੇ ਵਿਚ 150 ਰੁਪਏ ਦੀ ਤੇਜ਼ੀ

ਫਰਵਰੀ 2021 ਡਿਲਿਵਰੀ ਸੋਨਾ ਵੀ ਤੇਜ਼ ਰਫਤਾਰ ਨਾਲ ਕਾਰੋਬਾਰ ਕਰ ਰਿਹਾ ਹੈ। ਅੱਜ ਐਮਸੀਐਕਸ 'ਤੇ ਸੋਨਾ 147 ਰੁਪਏ ਦੀ ਤੇਜ਼ੀ ਨਾਲ 51210 ਰੁਪਏ 'ਤੇ ਖੁੱਲ੍ਹਿਆ। ਇਹ 97 ਰੁਪਏ ਦੇ ਵਾਧੇ ਨਾਲ 51160 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਹੁਣ ਤੱਕ ਇਸ ਨੇ 5 ਲਾਟ ਦਾ ਵਪਾਰ ਕੀਤਾ ਹੈ। ਇਹ ਸੋਮਵਾਰ ਨੂੰ 51063 ਦੇ ਪੱਧਰ 'ਤੇ ਬੰਦ ਹੋਇਆ ਸੀ।

ਇਹ ਵੀ ਪੜ੍ਹੋ : ਦੁਸਹਿਰੇ ਦੇ ਮੌਕੇ ਜੈਕਲੀਨ ਦੀ ਦਰਿਆਦਿਲੀ, ਸਟਾਫ ਮੈਂਬਰ ਨੂੰ ਅਚਾਨਕ ਦਿੱਤਾ ਇਹ ਸਰਪ੍ਰਾਈਜ਼

ਚਾਂਦੀ 'ਚ 400 ਰੁਪਏ ਦੀ ਤੇਜ਼ੀ

ਐਮ.ਸੀ.ਐਕਸ. 'ਤੇ ਚਾਂਦੀ 4 ਦਸੰਬਰ ਦੀ ਸਪੁਰਦਗੀ ਇਸ ਸਮੇਂ 462 ਰੁਪਏ ਦੀ ਤੇਜ਼ੀ ਦੇ ਨਾਲ 62368 ਰੁਪਏ 'ਤੇ ਕਾਰੋਬਾਰ ਕਰ ਰਹੀ ਹੈ। ਹੁਣ ਤੱਕ ਇਸ ਵਿਚ 889 ਲਾਟ ਦਾ ਕਾਰੋਬਾਰ ਹੋਇਆ ਹੈ। ਮਾਰਚ 2021 ਦੀ ਸਪੁਰਦਗੀ ਵਾਲੀ ਚਾਂਦੀ 309 ਰੁਪਏ ਦੀ ਤੇਜ਼ੀ ਦੇ ਨਾਲ 64064 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਹੀ ਸੀ। ਹੁਣ ਤਕ ਇਸ ਵਿਚ ਸਿਰਫ 6 ਲਾਟ ਦਾ ਕਾਰੋਬਾਰ ਹੋਇਆ ਹੈ।

ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਤੇਜ਼ੀ

ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਇਸ ਸਮੇਂ ਸੋਨੇ ਅਤੇ ਚਾਂਦੀ ਵਿਚ ਵਾਧਾ ਦੇਖਿਆ ਗਿਆ ਹੈ। ਇਨਵੈਸਟਮੈਂਟ ਡਾਟ ਕਾਮ ਦੀ ਵੈਬਸਾਈਟ 'ਤੇ ਉਪਲਬਧ ਜਾਣਕਾਰੀ ਅਨੁਸਾਰ ਦਸੰਬਰ ਡਿਲੀਵਰੀ ਲਈ ਸੋਨਾ ਸਵੇਰੇ 10.16 4.45 ਡਾਲਰ ਦੇ ਵਾਧੇ ਨਾਲ 1910.15 ਡਾਲਰ ਪ੍ਰਤੀ ਔਂਸ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਵੀ ਚਾਂਦੀ ਦੀ ਕੀਮਤ ਵਿਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਸਮੇਂ ਚਾਂਦੀ 0.17 ਡਾਲਰ ਦੀ ਤੇਜ਼ੀ ਦੇ ਨਾਲ 24.59 ਡਾਲਰ ਪ੍ਰਤੀ ਔਂਸ 'ਤੇ ਕਾਰੋਬਾਰ ਕਰ ਰਹੀ ਸੀ।

ਇਹ ਵੀ ਪੜ੍ਹੋ : Yes Bank ਦੀਆਂ 50 ਸ਼ਾਖ਼ਾਵਾਂ ਹੋਣਗੀਆਂ ਬੰਦ, ATM ਬਾਰੇ ਵੀ ਹੋ ਸਕਦੈ ਵੱਡਾ ਫ਼ੈਸਲਾ

ਸਰਾਫਾ ਬਾਜ਼ਾਰ ਵਿਚ ਸੋਨਾ ਅਤੇ ਚਾਂਦੀ ਦੀ ਕੀਮਤ ਘਟੀ

ਸੋਮਵਾਰ ਨੂੰ ਸੋਨੇ ਦੀ ਕੀਮਤ 59 ਰੁਪਏ ਦੀ ਗਿਰਾਵਟ ਨਾਲ 51,034 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਰਹੀ। ਐਚ.ਡੀ.ਐਫ.ਸੀ. ਸਿਕਿਓਰਟੀਜ਼ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਪਿਛਲੇ ਕਾਰੋਬਾਰੀ ਸੈਸ਼ਨ 'ਚ ਸੋਨਾ 51,093 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਇਆ ਸੀ। ਚਾਂਦੀ ਵੀ 753 ਰੁਪਏ ਦੀ ਗਿਰਾਵਟ ਦੇ ਨਾਲ 62,008 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਬੰਦ ਹੋਈ। ਪਿਛਲੇ ਕਾਰੋਬਾਰੀ ਸੈਸ਼ਨ ਵਿਚ ਇਸ ਦੀ ਬੰਦ ਕੀਮਤ 62,761 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ।

ਇਹ ਵੀ ਪੜ੍ਹੋ : ਰਿਲਾਇੰਸ ਕੰਪਨੀ ਦੇ ਕਾਮਿਆਂ ਨੂੰ ਦੀਵਾਲੀ ਦਾ ਤੋਹਫ਼ਾ! ਨਹੀਂ ਹੋਵੇਗੀ ਤਨਖ਼ਾਹ ਕਟੌਤੀ, ਮਿਲੇਗਾ ਬੋਨਸ