ਵਾਹਨ ਕਬਾੜ ਪਾਲਸੀ ਤਹਿਤ ਨਵੇਂ ਵਾਹਨਾਂ ਦੀ ਖਰੀਦ ''ਤੇ ਮਿਲਣਗੇ ਬਹੁਤ ਸਾਰੇ ਲਾਭ : ਗਡਕਰੀ

ਨਵੀਂ ਦਿੱਲੀ (ਪੀ. ਟੀ.) - ਕੇਂਦਰੀ ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਕਿਹਾ ਹੈ ਕਿ ਨਵੀਂ ਨੀਤੀ ਤਹਿਤ ਨਵਾਂ ਵਾਹਨ ਖਰੀਦਦੇ ਸਮੇਂ ਆਪਣੇ ਪੁਰਾਣੇ ਅਤੇ ਪ੍ਰਦੂਸ਼ਣ ਫੈਲਾਉਣ ਵਾਲੇ ਵਾਹਨਾਂ ਨੂੰ ਕਬਾੜ(ਸਕ੍ਰੈਪ) ਕਰਨ ਦਾ ਵਿਕਲਪ ਚੁਣਨ ਵਾਲੇ ਖਰੀਦਦਾਰਾਂ ਨੂੰ ਕਈ ਲਾਭ ਦਿੱਤੇ ਜਾਣਗੇ। ਇਸ ਨੀਤੀ ਨੂੰ ਬਹੁਤ ਉਤਸ਼ਾਹਜਨਕ ਦੱਸਦਿਆਂ ਗਡਕਰੀ ਨੇ ਕਿਹਾ ਕਿ ਇਸ ਨਾਲ ਆਉਣ ਵਾਲੇ ਸਾਲਾਂ ਵਿਚ ਭਾਰਤੀ ਵਾਹਨ ਉਦਯੋਗ ਦਾ ਕਾਰੋਬਾਰ 30 ਪ੍ਰਤੀਸ਼ਤ ਵਧ ਕੇ 10 ਲੱਖ ਕਰੋੜ ਰੁਪਏ ਹੋ ਜਾਵੇਗਾ। ਸਵੈਇੱਛਤ ਵਾਹਨ ਕਬਾੜ ਪਾਲਸੀ ਦਾ ਐਲਾਨ 2021-22 ਦੇ ਬਜਟ ਵਿਚ ਕੀਤਾ ਗਿਆ ਹੈ। ਇਹ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਇਹ ਆਟੋਮੋਬਾਈਲ ਉਦਯੋਗ ਨੂੰ ਕੋਵਿਡ -19 ਮਹਾਮਾਰੀ ਦੇ ਪ੍ਰਭਾਵਾਂ ਨੂੰ ਦੂਰ ਕਰਨ ਵਿਚ ਸਹਾਇਤਾ ਕਰੇਗਾ। ਜ਼ਿਕਰਯੋਗ ਹੈ ਕਿ ਸਵੈਇੱਛਤ ਵਾਹਨ ਕਬਾੜ ਨੀਤੀ ਦੇ ਤਹਿਤ ਵਿਅਕਤੀਗਤ ਜਾਂ ਨਿਜੀ ਵਾਹਨਾਂ ਦਾ 20 ਸਾਲਾਂ ਵਿਚ ਅਤੇ 15 ਸਾਲਾਂ ਵਿਚ ਵਪਾਰਕ ਵਾਹਨਾਂ ਦਾ 'ਤੰਦਰੁਸਤੀ ਟੈਸਟ(Fitness Test)' ਹੋਵੇਗਾ।

ਇਹ ਵੀ ਪੜ੍ਹੋ : ਵੱਡਾ ਖੁਲਾਸਾ! ਮੋਟੀ ਤਨਖ਼ਾਹ ਲੈਣ ਵਾਲੇ ਲੱਖਾਂ ਲੋਕਾਂ ਦੇ PF ਖਾਤੇ 'ਚ ਜਮ੍ਹਾਂ ਹਨ 62 ਹਜ਼ਾਰ ਕਰੋੜ ਤੋਂ ਵੱਧ ਰੁਪਏ

ਗਡਕਰੀ ਨੇ ਦੱਸਿਆ, 'ਉਹ ਗ੍ਰਾਹਕ ਜੋ ਆਪਣੇ ਵਾਹਨਾਂ ਨੂੰ ਕਬਾੜ ਬਣਾਉਣ ਦੀ ਚੋਣ ਕਰਦੇ ਹਨ ਉਨ੍ਹਾਂ ਨੂੰ ਨਿਰਮਾਤਾਵਾਂ ਵੱਲੋਂ ਕੁਝ ਲਾਭ ਦਿੱਤਾ ਜਾਵੇਗਾ।' ਕਬਾੜ ਪਾਲਸੀ ਅਸਲ ਵਿਚ ਲਾਭਕਾਰੀ ਸਿੱਧ ਹੋਵੇਗੀ। ਇਸ ਨਾਲ ਨਾ ਸਿਰਫ ਆਰਥਿਕਤਾ ਨੂੰ ਹੁਲਾਰਾ ਮਿਲੇਗਾ, ਸਗੋਂ ਵਾਹਨ ਉਦਯੋਗ ਨੂੰ ਫਾਇਦਾ ਹੋਣ ਦੇ ਨਾਲ ਨਾਲ ਵਾਹਨਾਂ ਦੇ ਪ੍ਰਦੂਸ਼ਣ ਨੂੰ ਘਟਾਉਣ ਵਿਚ ਮਦਦ ਮਿਲੇਗੀ।' ਉਨ੍ਹਾਂ ਕਿਹਾ ਕਿ ਉਹ ਜਲਦੀ ਹੀ ਇਸ ਨੀਤੀ ਦੇ ਵੇਰਵੇ ਜਾਰੀ ਕਰਨਗੇ। ਉਸਨੇ ਉਮੀਦ ਜਤਾਈ ਕਿ ਆਉਣ ਵਾਲੇ ਦਿਨਾਂ ਵਿਚ ਵਾਹਨ ਉਦਯੋਗ ਸਭ ਤੋਂ ਵੱਧ ਰੁਜ਼ਗਾਰ ਯੋਗ ਖੇਤਰਾਂ ਵਿਚੋਂ ਇਕ ਬਣ ਜਾਵੇਗਾ। ਇਹ ਪੁੱਛੇ ਜਾਣ 'ਤੇ ਕਿ ਇਹ ਪਾਲਸੀ ਸਵੈਇੱਛੁਕ ਹੈ, ਜੇ ਕੁਝ ਲੋਕ ਇਸ ਦਾ ਵਿਕਲਪ ਨਹੀਂ ਚੁਣਦੇ, ਤਾਂ ਉਨ੍ਹਾਂ ਨੂੰ ਉਤਸ਼ਾਹਿਤ ਕਰਨ ਲਈ ਕੀ ਉਪਾਅ ਕੀਤੇ ਗਏ ਹਨ। ਗਡਕਰੀ ਨੇ ਕਿਹਾ ਕਿ ਇਸ ਤਹਿਤ 'Green Tax' ਅਤੇ ਹੋਰ ਚਾਰਜ ਲਗਾਉਣ ਦਾ ਪ੍ਰਬੰਧ ਹੈ। ਅਜਿਹੇ ਵਾਹਨਾਂ ਨੂੰ ਸਖਤ ਸਵੈਚਾਲਤ ਤੰਦਰੁਸਤੀ ਟੈਸਟ ਕਰਵਾਉਣੇ ਪੈਣਗੇ।

ਇਹ ਵੀ ਪੜ੍ਹੋ : ਧੜੱਲੇ ਨਾਲ ਵਧ ਰਿਹੈ ਫਰਜ਼ੀ ਕਾਰ ਬੀਮੇ ਦਾ ਧੰਦਾ, ਜਾਣੋ ਕਿਤੇ ਤੁਹਾਡਾ ਬੀਮਾ ਵੀ ਨਕਲੀ ਤਾਂ ਨਹੀਂ

ਸੜਕ ਆਵਾਜਾਈ ਅਤੇ ਰਾਜਮਾਰਗਾਂ ਦੇ ਸਕੱਤਰ ਗਿਰੀਧਰ ਅਰਮਾਨੇ ਨੇ ਕਿਹਾ ਕਿ ਸਾਂਝੇਦਾਰਾਂ ਨਾਲ ਵਿਚਾਰ ਵਟਾਂਦਰੇ ਤੋਂ ਬਾਅਦ ਇਸ ਪਾਲਸੀ ਤਹਿਤ ਪ੍ਰੋਤਸਾਹਨ 'ਤੇ ਕੰਮ ਕੀਤੇ ਜਾ ਰਹੇ ਹਨ। ਅਰਮਾਨੇ ਨੇ ਕਿਹਾ ਕਿ ਵਾਹਨ ਕਬਾੜ ਪਾਲਸੀ ਦੇ ਵੱਡੇ ਫਾਇਦੇ ਹਨ। ਉਨ੍ਹਾਂ ਕਿਹਾ ਕਿ ਖੋਜ ਦਰਸਾਉਂਦੀ ਹੈ ਕਿ ਇਕ ਪੁਰਾਣੀ ਚਾਰ ਸੀਟਾਂ ਵਾਲੀ ਸੇਡਾਨ ਕਾਰ ਪੰਜ ਸਾਲਾਂ ਵਿਚ 1.8 ਲੱਖ ਰੁਪਏ ਦੀ ਨੁਕਸਾਨ(deprication) ਦਰਸਾਉਂਦੀ ਹੈ। ਇਸ ਦੇ ਨਾਲ ਹੀ ਭਾਰੀ ਵਾਹਨ 'ਤੇ ਤਿੰਨ ਸਾਲਾਂ ਵਿਚ ਅੱਠ ਲੱਖ ਰੁਪਏ ਦਾ ਨੁਕਸਾਨ ਹੁੰਦਾ ਹੈ। ਅਰਮਾਨੇ ਨੇ ਕਿਹਾ, 'ਅਸੀਂ ਕੁਝ ਪ੍ਰੋਤਸਾਹਨ ਦੇਣਾ ਚਾਹੁੰਦੇ ਹਾਂ। ਇਹ ਪਾਲਸੀ ਲਾਜ਼ਮੀ ਹੈ। ਸਾਰੇ ਵਾਹਨਾਂ ਦਾ ਸਵੈਚਾਲਤ ਤੰਦਰੁਸਤੀ ਟੈਸਟ ਕਰਵਾਉਣਾ ਲਾਜ਼ਮੀ ਹੈ। ਇਸ ਵਿਚ ਮਨੁੱਖੀ ਦਖਲ ਅੰਦਾਜ਼ੀ ਨਹੀਂ ਕੀਤੀ ਜਾਏਗੀ। ਇਸ ਨਾਲ ਕੋਈ ਭ੍ਰਿਸ਼ਟਾਚਾਰ ਜਾਂ ਡੇਟਾ ਹੇਰਾਫੇਰੀ ਨਹੀਂ ਕੀਤੀ ਜਾ ਸਕੇਗੀ।

ਇਹ ਵੀ ਪੜ੍ਹੋ : ਹੁਣ ਘਰ ਬੈਠੇ ਲੈ ਸਕੋਗੇ 'ਸਟ੍ਰੀਟ ਫੂਡ' ਦਾ ਮਜ਼ਾ, ਸਰਕਾਰ ਨੇ ਚੁੱਕਿਆ ਇਹ ਕਦਮ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।