ਐਲਨ ਮਸਕ ਨੇ 2,000 ਰੁਪਏ ਦੇ ''ਪਾਲਿਸ਼ਿੰਗ ਕਲਾਥ'' ਨੂੰ ਲੈ ਕੇ ਐਪਲ ਦਾ ਉਡਾਇਆ ਮਜ਼ਾਕ

ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਟੇਸਲਾ ਦੇ ਸੀਈਓ ਐਲਨ ਮਸਕ ਨੇ ਸ਼ੁੱਕਰਵਾਰ ਨੂੰ ਕੂਪਰਟੀਨੋ ਸਥਿਤ ਤਕਨੀਕੀ ਦਿੱਗਜ ਦੇ ਸੀਈਓ ਟਿਮ ਕੁੱਕ ਦੁਆਰਾ ਇੱਕ ਟਵੀਟ ਦਾ ਜਵਾਬ ਦਿੰਦੇ ਹੋਏ ਐਪਲ ਡਿਵਾਈਸਾਂ ਲਈ 2,000 ਰੁਪਏ ਦੇ ਕਰੀਬ ਆਪਣੇ ਨਵੇਂ ਕਲੀਨਿੰਗ ਕਪੜੇ 'ਤੇ ਕੁਮੈਂਟ ਕੀਤਾ।ਕੁੱਕ ਨੇ ਇਸ ਤੋਂ ਪਹਿਲਾਂ ਇਸਤਾਂਬੁਲ 'ਚ ਐਪਲ ਦਾ ਨਵਾਂ ਸਟੋਰ ਖੋਲ੍ਹਣ ਬਾਰੇ ਟਵੀਟ ਕੀਤਾ ਸੀ।ਕੁੱਕ ਨੇ ਟਵੀਟ ਕੀਤਾ,"ਅਸੀਂ ਇਸ ਜੀਵੰਤ ਭਾਈਚਾਰੇ ਦਾ ਹਿੱਸਾ ਬਣ ਕੇ ਖੁਸ਼ ਹਾਂ ਅਤੇ ਅਸੀਂ ਇਸ ਸ਼ਾਨਦਾਰ ਨਵੀਂ ਥਾਂ 'ਤੇ ਗਾਹਕਾਂ ਦਾ ਸਵਾਗਤ ਕਰਨ ਲਈ ਇੰਤਜ਼ਾਰ ਨਹੀਂ ਕਰ ਸਕਦੇ।'' 

ਮਸਕ, ਜੋ ਟਵਿੱਟਰ 'ਤੇ ਬਹੁਤ ਜ਼ਿਆਦਾ ਸਰਗਰਮ ਹਨ ਅਤੇ ਨਿਯਮਿਤ ਤੌਰ' ਤੇ ਜ਼ਿਕਰ ਦਾ ਜਵਾਬ ਦਿੰਦੇ ਹਨ, ਨੇ ਤੁਰੰਤ ਐਪਲ 'ਤੇ ਮਜ਼ਾਕ ਕੀਤਾ। ਉਹਨਾਂ ਨੇ ਟਵੀਟ ਕੀਤਾ,"ਆਓ ਐਪਲ ਕਲੌਥ ਟੀਐਮ ਦੇਖੀਏ।" ਐਲਨ ਮਸਕ ਨੇ 2,000 ਰੁਪਏ ਦੇ ਪਾਲਿਸ਼ਿੰਗ ਕਲਾਥ ਨੂੰ ਲੈਕੇ ਐਪਲ ਦਾ ਮਜ਼ਾਕ ਉਡਾਇਆ। ਐਪਲ ਨੇ ਸੋਮਵਾਰ ਨੂੰ ਮੈਕਬੁੱਕ ਪ੍ਰੋ ਅਤੇ ਏਅਰ ਪੌਡਸ ਦੇ ਨਵੀਨੀਕਰਨ ਦੀ ਘੋਸ਼ਣਾ ਕੀਤੀ ਅਤੇ ਇੱਕ "ਪਾਲਿਸ਼ਿੰਗ ਕਲਾਥ" ਪੇਸ਼ ਕੀਤਾ, ਜਿਸ ਦੀ ਕੀਮਤ ਅਮਰੀਕਾ ਵਿੱਚ 19 ਡਾਲਰ (ਭਾਰਤ ਵਿੱਚ 1,900 ਰੁਪਏ) ਹੈ।

ਕੰਪਨੀ ਨੇ ਵੈਬਸਾਈਟ 'ਤੇ ਕਿਹਾ, "ਨਰਮ, ਗੈਰ-ਬਰੈਸਿਵ ਸਮੱਗਰੀ ਨਾਲ ਬਣਾਇਆ ਗਿਆ, ਪਾਲਿਸ਼ਿੰਗ ਕਲੌਥ ਨੈਨੋ-ਟੈਕਚਰ ਗਲਾਸ ਸਮੇਤ ਕਿਸੇ ਵੀ ਐਪਲ ਡਿਸਪਲੇ ਨੂੰ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਸਾਫ਼ ਕਰਦਾ ਹੈ।"