DGCA ਨੇ ਟਰਾਂਸਜੈਂਡਰ ਟਰੇਨੀ ਪਾਇਲਟ ਨੂੰ ਮੈਡੀਕਲ ਟੈਸਟ ਲਈ ਦੁਬਾਰਾ ਅਪਲਾਈ ਕਰਨ ਲਈ ਕਿਹਾ

07/14/2022 7:10:24 PM

ਨਵੀਂ ਦਿੱਲੀ - ਹਵਾਬਾਜ਼ੀ ਰੈਗੂਲੇਟਰ ਡੀਜੀਸੀਏ ਨੇ ਵੀਰਵਾਰ ਨੂੰ ਟਰਾਂਸਜੈਂਡਰ ਟਰੇਨੀ ਪਾਇਲਟ ਐਡਮ ਹੈਰੀ ਨੂੰ ਵਪਾਰਕ ਪਾਇਲਟ ਲਾਇਸੈਂਸ ਪ੍ਰਾਪਤ ਕਰਨ ਲਈ ਡਾਕਟਰੀ ਜਾਂਚ ਲਈ ਦੁਬਾਰਾ ਅਰਜ਼ੀ ਦੇਣ ਲਈ ਕਿਹਾ। ਡੀਜੀਸੀਏ ਨੇ ਕਿਹਾ ਕਿ ਮੀਡੀਆ ਵਿੱਚ ਅਜਿਹੀਆਂ ਰਿਪੋਰਟਾਂ ਆਈਆਂ ਹਨ ਕਿ ਉਸ ਨੇ ਕੇਰਲ ਦੇ ਇੱਕ ਟਰਾਂਸਜੈਂਡਰ ਵਿਅਕਤੀ ਐਡਮ ਹੈਰੀ ਨੂੰ ਵਪਾਰਕ ਪਾਇਲਟ ਦਾ ਲਾਇਸੈਂਸ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ, ਜੋ ਕਿ ਸਹੀ ਨਹੀਂ ਹੈ। ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ "ਦਰਅਸਲ, ਟਰਾਂਸਜੈਂਡਰ ਵਿਅਕਤੀਆਂ ਲਈ ਪਾਇਲਟ ਲਾਇਸੈਂਸ ਪ੍ਰਾਪਤ ਕਰਨ 'ਤੇ ਕੋਈ ਪਾਬੰਦੀ ਨਹੀਂ ਹੈ, ਬਸ਼ਰਤੇ ਉਹ ਉਮਰ, ਵਿਦਿਅਕ ਯੋਗਤਾ, ਡਾਕਟਰੀ ਤੰਦਰੁਸਤੀ, ਤਜਰਬੇ ਸਮੇਤ ਏਅਰਕ੍ਰਾਫਟ ਨਿਯਮ, 1937 ਵਿੱਚ ਦਰਸਾਏ ਗਏ ਪ੍ਰਾਵਧਾਨਾਂ ਦੀ ਪਾਲਣਾ ਕਰਦੇ ਹੋਣ।" 

ਡੀਜੀਸੀਏ ਨੇ ਕਿਹਾ ਕਿ ਟਰਾਂਸਜੈਂਡਰ ਕਰਮਚਾਰੀਆਂ ਨੂੰ ਮੈਡੀਕਲ ਤੌਰ 'ਤੇ ਫਿੱਟ ਸਰਟੀਫਿਕੇਟ ਜਾਰੀ ਕੀਤਾ ਜਾ ਸਕਦਾ ਹੈ ਬਸ਼ਰਤੇ ਉਨ੍ਹਾਂ ਨੂੰ ਕੋਈ ਬਿਮਾਰੀ, ਮਾਨਸਿਕ ਰੋਗ ਜਾਂ ਕਿਸੇ ਮਨੋਵਿਗਿਆਨਕ ਸਥਿਤੀ ਤੋਂ ਪੀੜਤ ਨਾ ਹੋਵੇ। ਇਸ 'ਚ ਕਿਹਾ ਗਿਆ ਹੈ ਕਿ ਜੇਕਰ ਬਿਨੈਕਾਰ ਨੇ 'ਹਾਰਮੋਨਲ ਰਿਪਲੇਸਮੈਂਟ ਥੈਰੇਪੀ' (ਔਰਤ ਤੋਂ ਮਰਦ ਤੱਕ ਦੀ ਥੈਰੇਪੀ) ਲਈ ਹੈ ਅਤੇ ਇਸ ਦਾ ਉਸ 'ਤੇ ਕੋਈ ਮਾੜਾ ਪ੍ਰਭਾਵ ਨਹੀਂ ਪੈਂਦਾ ਹੈ, ਤਾਂ ਇਹ ਉਸ ਨੂੰ ਡਾਕਟਰੀ ਜਾਂਚ ਲਈ ਅਯੋਗ ਨਹੀਂ ਠਹਿਰਾਏਗਾ।

ਇਹ ਵੀ ਪੜ੍ਹੋ : ਵਿਵਾਦਾਂ 'ਚ SpiceJet, 2 ਘੰਟੇ ਲੇਟ ਲੈਂਡ ਹੋਈ ਉਡਾਣ ਦੇ 50 ਯਾਤਰੀਆਂ ਦਾ ਸਾਮਾਨ ਗ਼ਾਇਬ

ਡੀਜੀਸੀਏ ਨੇ ਕਿਹਾ , ''ਹਾਲਾਂਕਿ, ਪਾਇਲਟ ਨੂੰ ਇਸ ਥੈਰੇਪੀ ਦੇ ਦੌਰਾਨ ਜਹਾਜ਼ ਨੂੰ ਉਡਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।'' ਉਸਨੇ ਕਿਹਾ ਕਿ ਜਦੋਂ ਹੈਰੀ ਨੇ ਜਨਵਰੀ 2020 ਵਿੱਚ ਡਾਕਟਰੀ ਜਾਂਚ ਲਈ ਅਰਜ਼ੀ ਦਿੱਤੀ ਸੀ, ਤਾਂ ਉਸਦੀ ਮੈਡੀਕਲ ਰਿਪੋਰਟਾਂ ਵਿੱਚ ਕਿਹਾ ਗਿਆ ਸੀ ਕਿ ਉਹ ਔਰਤ ਤੋਂ ਮਰਦ ਵਿੱਚ ਲਿੰਗ-ਪਰਿਵਰਤਨ ਥੈਰੇਪੀ ਕਰਵਾ ਰਿਹਾ ਹੈ ਅਤੇ ਉਸਨੂੰ ਇਲਾਜ ਜਾਰੀ ਰੱਖਣਾ ਪਏਗਾ। ਇਸ ਦੇ ਨਾਲ ਹੀ, ਉਸ ਨੇ ਜੋ ਮਾਨਸਿਕ ਸਿਹਤ ਰਿਪੋਰਟ ਦਿੱਤੀ ਸੀ, ਉਹ ਵੀ ਪੂਰੀ ਨਹੀਂ ਸੀ। ਡੀਜੀਸੀਏ ਨੇ ਕਿਹਾ ਕਿ ਹੁਣ ਤੋਂ ਹਾਰਮੋਨ ਥੈਰੇਪੀ ਨੂੰ ਪੂਰਾ ਕਰਨ ਲਈ ਛੇ ਮਹੀਨਿਆਂ ਦੀ ਮਿਆਦ ਲਈ ਡਾਕਟਰੀ ਜਾਂਚ ਤੋਂ ਅਸਥਾਈ ਤੌਰ 'ਤੇ ਅਯੋਗ ਕਰਾਰ ਦਿੱਤਾ ਗਿਆ ਸੀ। ਉਸਨੇ ਕਿਹਾ ਕਿ ਹੈਰੀ ਦੀ ਡਾਕਟਰੀ ਜਾਂਚ ਅਗਸਤ 2020 ਵਿੱਚ ਹੋਈ ਸੀ ਜਦੋਂ ਉਸਨੇ ਹਾਰਮੋਨ ਥੈਰੇਪੀ ਬੰਦ ਕਰ ਦਿੱਤੀ ਸੀ ਅਤੇ ਉਹ ਮਨੋਵਿਗਿਆਨਕ ਤੌਰ 'ਤੇ ਔਰਤ ਸੀ। ਫਿਰ ਉਸਨੂੰ ਉਸਦੇ ਲਿੰਗ ਅਤੇ ਆਇਸ਼ਾ ਟੀਐਸ ਦੇ ਨਾਮ 'ਤੇ ਇੱਕ ਮੈਡੀਕਲ ਸਰਟੀਫਿਕੇਟ ਜਾਰੀ ਕੀਤਾ ਗਿਆ ਜੋ 23 ਅਗਸਤ 2022 ਤੱਕ ਵੈਧ ਹੈ। 

ਹਵਾਬਾਜ਼ੀ ਰੈਗੂਲੇਟਰ ਨੇ ਕਿਹਾ ਕਿ ਹੈਰੀ ਨੇ ਆਪਣੇ ਵਿਦਿਆਰਥੀ ਪਾਇਲਟ ਲਾਇਸੈਂਸ ਦੀ ਵਰਤੋਂ ਕਰਦੇ ਸਮੇਂ ਲੋੜੀਂਦੇ ਉਡਾਣ ਦੇ ਸਮੇਂ ਨੂੰ ਪੂਰਾ ਨਹੀਂ ਕੀਤਾ, ਜੋ ਕਿ ਵਪਾਰਕ ਪਾਇਲਟ ਦੇ ਲਾਇਸੈਂਸ ਲਈ ਜ਼ਰੂਰੀ ਹੈ। ਇਸ ਸਭ ਦੇ ਬਾਵਜੂਦ, ਹੈਰੀ ਨੂੰ ਆਇਸ਼ਾ ਟੀਐਸ ਤੋਂ ਐਡਮ ਹੈਰੀ ਨਾਮ ਬਦਲਣ ਲਈ ਅਰਜੀ ਦੇਣ 'ਟ੍ਰਾਂਸਜੈਂਡਰ' ਸ਼੍ਰੇਣੀ ਦੇ ਤਹਿਤ ਈਜੀਸੀਏ ਦੀ ਵੈੱਬਸਾਈਟ 'ਤੇ ਰਜਿਸਟਰ ਕਰਨ ਅਤੇ ਤਾਜ਼ਾ ਡਾਕਟਰੀ ਜਾਂਚ ਲਈ ਅਰਜ਼ੀ ਦੇਣ ਲਈ ਕਿਹਾ ਗਿਆ ਹੈ।

ਇਹ ਵੀ ਪੜ੍ਹੋ : ਡਾਲਰ ਮੁਕਾਬਲੇ ਰੁਪਏ 'ਚ ਆਈ ਭਾਰੀ ਗਿਰਾਵਟ, ਜਾਣੋ ਦੁਨੀਆ ਭਰ ਦੀਆਂ ਹੋਰ ਕੰਰਸੀਆਂ ਦਾ ਹਾਲ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
 


Harinder Kaur

Content Editor

Related News