ਲਾਲ ਸਾਗਰ ਦੀ ਵਿਗੜੀ ਸਥਿਤੀ, ਗਲੋਬਲ ਸ਼ਿਪਿੰਗ ਲਾਗਤਾਂ ''ਚ ਹੋਇਆ 15 ਫ਼ੀਸਦੀ ਵਾਧਾ

ਬਿਜ਼ਨੈੱਸ ਡੈਸਕ : ਦੁਨੀਆ ਭਰ ਦੇ ਪ੍ਰਮੁੱਖ ਸ਼ਿਪਿੰਗ ਰੂਟਾਂ 'ਤੇ ਕੰਟੇਨਰ ਕਿਰਾਏ ਅਤੇ ਭਾੜੇ ਦੀਆਂ ਦਰਾਂ ਲਗਾਤਾਰ ਵਧਦੀਆਂ ਜਾ ਰਹੀਆਂ ਹਨ, ਕਿਉਂਕਿ ਲਾਲ ਸਾਗਰ ਵਿੱਚ ਸਥਿਤੀ ਲਗਾਤਾਰ ਵਿਗੜਦੀ ਜਾ ਰਹੀ ਹੈ। ਪਿਛਲੇ ਇੱਕ ਹਫ਼ਤੇ ਵਿੱਚ ਗਲੋਬਲ ਕੰਟੇਨਰ ਦੀ ਦਰ ਵਿੱਚ ਹੋਰ 15 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਡਰਿਊਰੀ ਦੇ ਵਰਲਡ ਕੰਟੇਨਰ ਇੰਡੈਕਸ ਦੇ ਅਨੁਸਾਰ ਗਲੋਬਲ ਕੰਟੇਨਰ ਦਰਾਂ ਇਸ ਹਫ਼ਤੇ ਵਧ ਕੇ 3,072 ਡਾਲਰ ਪ੍ਰਤੀ 40-ਫੁੱਟ ਕੰਟੇਨਰ ਹੋ ਗਈਆਂ ਹਨ।

ਇਹ ਵੀ ਪੜ੍ਹੋ - Flight Offers: ਹਵਾਈ ਸਫ਼ਰ ਕਰਨ ਵਾਲਿਆਂ ਲਈ ਖ਼ੁਸ਼ਖ਼ਬਰੀ, ਹੁਣ ਸਿਰਫ਼ 1799 ਰੁਪਏ 'ਚ ਹੋਵੇਗੀ ਫਲਾਈਟ ਬੁੱਕ

ਦੱਸ ਦੇਈਏ ਕਿ ਇਸ ਦੌਰਾਨ ਜੇਕਰ ਪਿਛਲੇ ਸਾਲ ਦੇ ਇਸੇ ਹਫ਼ਤੇ ਦੀ ਤੁਲਨਾ ਕੀਤੀ ਜਾਵੇ ਤਾਂ ਇਹ ਦਰ 44 ਫ਼ੀਸਦੀ ਤੱਕ ਵਧੀ ਹੈ। ਅੰਤਰਰਾਸ਼ਟਰੀ ਰੂਟਾਂ 'ਤੇ ਕੰਟੇਨਰਾਂ ਦੇ ਆਕਾਰ ਦੇ ਅਨੁਸਾਰ ਕੀਮਤ ਨਿਰਧਾਰਤ ਕੀਤੀ ਜਾਂਦੀ ਹੈ। ਇਹ ਅਕਤੂਬਰ 2022 ਤੋਂ ਬਾਅਦ ਸਭ ਤੋਂ ਉੱਚੀ ਕੰਟੇਨਮੈਂਟ ਦਰ ਹੈ ਅਤੇ ਪ੍ਰੀ-ਕੋਵਿਡ ਪੱਧਰ ਤੋਂ ਦੁੱਗਣੀ ਤੋਂ ਵੱਧ ਹੈ। ਮਾਰਕੀਟ ਇੰਟੈਲੀਜੈਂਸ ਫਰਮ ਅਨੁਸਾਰ ਸਾਲ ਦੀ ਸ਼ੁਰੂਆਤ ਤੋਂ ਲੈ ਕੇ 40 ਫੁੱਟ ਦੇ ਕੰਟੇਨਰ ਦਾ ਔਸਤ ਕੰਪੋਜ਼ਿਟ ਇੰਡੈਕਸ 2,871 ਡਾਲਰ ਰਿਹਾ ਹੈ। ਇਹ 2,675 ਡਾਲਰ ਦੀ 10-ਸਾਲ ਦੀ ਔਸਤ ਦਰ ਨਾਲੋਂ 196 ਡਾਲਰ ਵੱਧ ਹੈ, ਜੋ 2020-22 ਦੌਰਾਨ ਅਚਾਨਕ ਵਧੀ ਸੀ।

ਇਹ ਵੀ ਪੜ੍ਹੋ - ਅਮੀਰਾਂ ਦੀ ਲਿਸਟ ’ਚ ਵਧਿਆ ਮੁਕੇਸ਼ ਅੰਬਾਨੀ ਦਾ ਕੱਦ, 100 ਅਰਬ ਡਾਲਰ ਤੋਂ ਪਾਰ ਹੋਈ ਜਾਇਦਾਦ

ਚੀਨ ਤੋਂ ਯੂਰਪ ਨੂੰ ਭੇਜੀ ਗਈ ਖੇਪ 25 ਫ਼ੀਸਦੀ ਮਹਿੰਗੀ ਹੋ ਗਈ ਹੈ ਅਤੇ ਪ੍ਰਤੀ 40 ਫੁੱਟ ਕੰਟੇਨਰ 5,213 ਡਾਲਰ ਹੈ। ਹਾਲਾਂਕਿ ਚੀਨ ਅਤੇ ਅਮਰੀਕਾ ਵਿਚਕਾਰ ਮਾਲ ਭਾੜਾ 8 ਫ਼ੀਸਦੀ ਵਧ ਕੇ 4,170 ਡਾਲਰ ਪ੍ਰਤੀ ਕੰਟੇਨਰ ਹੋ ਗਿਆ ਹੈ। ਡਰਿਊਰੀ ਸਮੇਤ ਬਹੁਤੇ ਉਦਯੋਗ ਦੇ ਹਿੱਸੇਦਾਰ, ਆਉਣ ਵਾਲੇ ਹਫ਼ਤਿਆਂ ਵਿੱਚ ਸ਼ਿਪਿੰਗ ਲਾਗਤਾਂ ਵਿੱਚ ਵਾਧਾ ਜਾਰੀ ਰੱਖਣ ਦੀ ਉਮੀਦ ਕਰਦੇ ਹਨ। ਯੂਰਪ ਲਈ ਜਾਣ ਵਾਲੇ ਜਹਾਜ਼ਾਂ ਨੂੰ ਕੇਪ ਆਫ ਗੁੱਡ ਹੋਪ ਰਾਹੀਂ ਰੂਟ ਕੀਤਾ ਜਾ ਰਿਹਾ ਹੈ, ਲਾਗਤ ਵਧ ਰਹੀ ਹੈ।

ਇਹ ਵੀ ਪੜ੍ਹੋ - ਭਾਰਤੀਆਂ ਲੋਕਾਂ ਲਈ ਖ਼ਾਸ ਖ਼ਬਰ, ਇਸ ਸਾਲ ਇੰਨੇ ਫ਼ੀਸਦੀ ਹੋ ਸਕਦਾ ਹੈ ਤਨਖ਼ਾਹ 'ਚ ਵਾਧਾ

ਕਿਸੇ ਸਮੇਂ 400 ਤੋਂ ਵੱਧ ਮਾਲ-ਵਾਹਕ ਜਹਾਜ਼ ਲਾਲ ਸਾਗਰ ਵਿੱਚੋਂ ਲੰਘਦੇ ਹਨ। ਇਸ ਸੰਕਟ ਨਾਲ ਆਲਮੀ ਵਪਾਰ ਦਾ ਘੱਟੋ-ਘੱਟ 11 ਫ਼ੀਸਦੀ ਪ੍ਰਭਾਵਿਤ ਹੋਇਆ ਹੈ। ਭਾਰਤ ਤੋਂ ਯੂਰਪ ਜਾਣ ਵਾਲੇ ਅਤੇ ਉਥੋਂ ਦੀ ਇਥੇ ਆਉਣ ਵਾਲੇ ਕਾਰਗੋ ਜਹਾਜ਼ ਵੀ ਪ੍ਰਭਾਵਿਤ ਹੋਏ ਹਨ। ਇਹ ਭਾਰਤ ਦਾ ਦੂਜਾ ਸਭ ਤੋਂ ਵੱਡਾ ਨਿਰਯਾਤ ਕੇਂਦਰ ਹੈ। ਇਸ ਰੂਟ ਦਾ ਕਿਰਾਇਆ ਦੁੱਗਣਾ ਹੋ ਗਿਆ ਹੈ।

ਇਹ ਵੀ ਪੜ੍ਹੋ - SpiceJet ਦੇ CEO ਦਾ ਵੱਡਾ ਐਲਾਨ, ਲਕਸ਼ਦੀਪ-ਅਯੁੱਧਿਆ ਜਾਣ ਵਾਲੇ ਯਾਤਰੀਆਂ ਲਈ ਸ਼ੁਰੂ ਕਰਨਗੇ ਵਿਸ਼ੇਸ਼ ਉਡਾਣਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8