ਜਰਮਨ ਕੰਪਨੀ ਅਤੇ Dove ਸਾਬਣ ਦੇ ਵਿਗਿਆਪਨ ਨੂੰ ਲੈ ਕੇ ਹੋਈ ਤਕਰਾਰ, ਜਾਣੋ ਪੂਰਾ ਮਾਮਲਾ

ਨਵੀਂ ਦਿੱਲੀ — ਭਾਰਤ ਦੀ ਸਭ ਤੋਂ ਵੱਡੀ ਐਫਐਮਸੀਜੀ ਕੰਪਨੀ ਹਿੰਦੁਸਤਾਨ ਯੂਨੀਲੀਵਰ(HUL) ਅਤੇ ਜਰਮਨੀ ਦੀ ਨਿੱਜੀ ਦੇਖਭਾਲ ਉਤਪਾਦ ਬਣਾਉਣ ਵਾਲੀ ਕੰਪਨੀ ਸੀਬਾਮੈਡ(Sebamed) ਇਕ ਵਾਰ ਫਿਰ ਆਹਮੋ-ਸਾਹਮਣੇ ਹਨ। ਇਸ ਵਾਰ ਦੋਵਾਂ ਵਿਚਾਲੇ ਇਸ਼ਤਿਹਾਰਾਂ ਨੂੰ ਲੈ ਕੇ ਬਹਿਸ ਹੋ ਗਈ ਹੈ। ਜਰਮਨ ਸਕਿਨ ਕੇਅਰ ਉਤਪਾਦ ਨਿਰਮਾਤਾ ਸੀਬਾਮੈਡ ਨੇ ਆਪਣੇ ਸਾਬਣਾਂ ਦੀ ਤੁਲਨਾ ਹਿੰਦੁਸਤਾਨ ਯੂਨੀਲੀਵਰ ਦੇ Dove ਅਤੇ ਹੋਰ ਨਹਾਉਣ ਵਾਲੇ ਸਾਬਣਾਂ ਨਾਲ ਕਰਨ ਦੀ ਆਪਣੀ ਰਣਨੀਤੀ ਤੋਂ ਪਿੱਛੇ ਹਟਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਅਰਥਾਤ ਇਸ ਥੀਮ ਦੇ ਅਧਾਰ ’ਤੇ ਸੀਬਾਮੈਡ ਨੇ ਆਪਣੀ ਨਵੀਂ ਅਦਾਇਗੀ ਸਮੱਗਰੀ ਨੂੰ ਸ਼ੁਰੂ ਵੀ ਕਰ ਦਿੱਤਾ ਹੈ।

ਸੀਬਾਮੈਡ ਦੇ ਜਨਰਲ ਕੌਂਸਲ ਅਤੇ ਉਪ ਪ੍ਰਧਾਨ ਲੀਗਲ ਦੇ ਸੰਦੀਪ ਕੇ. ਰਾਠੌਰ ਨੇ ਕਿਹਾ ਕਿ ਬੰਬਈ ਹਾਈ ਕੋਰਟ ਅਜਿਹੇ ਤੁਲਨਾਤਮਕ ਇਸ਼ਤਿਹਾਰਾਂ ਦੇ ਹੱਕ ਵਿਚ ਹੈ। ਇਸ ਦੇ ਪਿੱਛੇ ਵਿਗਿਆਨਕ ਤੱਥ ਹਨ। ਰਾਠੌਰ ਅਨੁਸਾਰ ਬੰਬਈ ਹਾਈ ਕੋਰਟ ਦੀ ਰਾਏ ਹੈ ਕਿ ਉਪਭੋਗਤਾ ਅਜਿਹੇ ਤੁਲਨਾਤਮਕ ਇਸ਼ਤਿਹਾਰਾਂ ਤੋਂ ਸਹੀ ਜਾਣਕਾਰੀ ਪ੍ਰਾਪਤ ਕਰਨਗੇ। ਅਦਾਲਤ ਦੀ ਰਾਏ ਹੈ ਕਿ ਅਜਿਹੀਆਂ ਇਸ਼ਤਿਹਾਰਾਂ ਵਿਚ ਵਿਰੋਧੀ ਕੰਪਨੀਆਂ ਦੇ ਨਾਮ ਦਾ ਜ਼ਿਕਰ ਕਰਨ ਵਿਚ ਕੋਈ ਨੁਕਸਾਨ ਨਹੀਂ ਹੈ। ਪਰ ਅਜਿਹੀਆਂ ਇਸ਼ਤਿਹਾਰਾਂ ਵਿਚ ਨਕਾਰਾਤਮਕ ਭਾਸ਼ਾ ਦੀ ਵਰਤੋਂ ਨਹੀਂ ਕੀਤੀ ਜਾਣੀ ਚਾਹੀਦੀ। ਸੰਦੀਪ ਨੇ ਅੱਗੇ ਕਿਹਾ ਕਿ ਇਸ ਨੂੰ ਧਿਆਨ ਵਿਚ ਰੱਖਦਿਆਂ ਅਸੀਂ Dove is not perfect ਨਾ ਕਹਿ ਕੇ Sebamed is perfect ਕਹਿਣ ਦੀ ਰਣਨੀਤੀ ਅਪਣਾ ਸਕਦੇ ਹਾਂ।

ਇਹ ਵੀ ਪਡ਼੍ਹੋ : ਵੱਡੀ ਖ਼ਬਰ! ਨਵੀਂ ਕਾਰ ਖਰੀਦਣ ਵਾਲਿਆਂ ਲਈ ਬਦਲ ਸਕਦੇ ਹਨ ਇਹ ਨਿਯਮ

ਸੀਬਾਮੈਡ ਨੇ 8 ਜਨਵਰੀ ਨੂੰ ਸ਼ੁਰੂ ਕੀਤਾ ਸੀ ਐਡ ਕੈਂਪੇਨ 

ਸੀਬਾਮੈਡ ਨੇ 8 ਜਨਵਰੀ ਨੂੰ ਇਕ ਇਸ਼ਤਿਹਾਰ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਵਿਚ ਕੰਪਨੀ ਦੇ ਉਤਪਾਦਾਂ ਦੇ ਪੀਐਚ ਪੱਧਰ ਦੀ ਤੁਲਨਾ ਐਚਯੂਐਲ ਦੇ Dove, Pears, Lux ਅਤੇ ਇੱਥੋਂ ਤੱਕ ਕਿ Rin Detergent ਬਾਰ ਨਾਲ ਕੀਤੀ ਗਈ ਸੀ। ਐਚਯੂਐਲ ਨੇ ਇਸ ਇਸ਼ਤਿਹਾਰ ਵਿਰੁੱਧ ਬੰਬਈ ਹਾਈ ਕੋਰਟ ਵਿਚ ਪਟੀਸ਼ਨ ਦਾਇਰ ਕੀਤੀ ਹੈ। ਇਸ ਪਟੀਸ਼ਨ ’ਤੇ ਸੁਣਵਾਈ ਕਰਦਿਆਂ ਸੀਬਾਮੈਡ ਨੂੰ ਬੰਬੇ ਹਾਈ ਕੋਰਟ ਤੋਂ ਕੁਝ ਰਾਹਤ ਦਿੱਤੀ ਗਈ ਸੀ। ਜਿਸ ਵਿਚ ਇਹਨਾਂ ਇਸ਼ਤਿਹਾਰਾਂ ਨੂੰ ਕੁਝ ਤਬਦੀਲੀਆਂ ਨਾਲ ਜਾਰੀ ਰੱਖਣ ਲਈ ਪ੍ਰਵਾਨਗੀ ਦਿੱਤੀ ਗਈ ਸੀ। ਇਸ ਮੁੱਦੇ ’ਤੇ ਅੱਗੇ ਗੱਲਬਾਤ ਕਰਦਿਆਂ ਸੰਦੀਪ ਨੇ ਕਿਹਾ ਕਿ ਹਾਈ ਕੋਰਟ ਦੇ ਆਦੇਸ਼ਾਂ ਅਨੁਸਾਰ ਸੀਬਾਮੈੈਡ ਨਹਾਉਣ ਵਾਲੇ ਸਾਬਣ ਦੀ ਤੁਲਨਾ ਲਾਂਡਰੀ ਸਾਬਣ ਨਾਲ ਨਹੀਂ ਕਰਦਾ ਹੈ। ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਸੀਬਾਮੈੈਡ ਹੁਣ ਆਪਣੇ ਨਵੇਂ ਇਸ਼ਤਿਹਾਰ ਵਿਚ ਐਚਯੂਐਲ ਦੇ ਡੱਵ ਵਰਗੇ ਸਾਬਣ ਨਾਲ ਕਰ ਰਿਹਾ ਹੈ। ਸੀਬਾਮੈੈਡ ਦੀ ਰਣਨੀਤੀ ਕੁਝ ਤਬਦੀਲੀਆਂ ਨਾਲ ਇਸ ਵਿਗਿਆਪਨ ਮੁਹਿੰਮ ਨੂੰ ਜਾਰੀ ਰੱਖਣਾ ਹੈ।

ਇਹ ਵੀ ਪਡ਼੍ਹੋ : ਮੁਕੇਸ਼ ਅੰਬਾਨੀ ਨੂੰ ਅਰਬਾਂ ਡਾਲਰ ਦਾ ਝਟਕਾ, ਦੁਨੀਆ ਦੇ ਅਰਬਪਤੀਆਂ ਦੀ ਲਿਸਟ ’ਚ ਇਕ ਪੜਾਅ ਹੋਰ ਤਿਲਕੇ

ਲੋਕਾਂ ਦਾ ਜਾਗਰੂਕ ਹੋਣਾ ਜ਼ਰੂਰੀ

ਇਸ਼ਤਿਹਾਰ ਵਿਚ ਨਕਾਰਾਤਮਕ ਪੱਖ ਦਿਖਾਉਣ ਦੇ ਦੋਸ਼ਾਂ ’ਤੇ ਸੀਬਾਮੈੈਡ ਨੇ ਕਿਹਾ ਕਿ ਉਹ ਗਾਹਕਾਂ ਨੂੰ ਪੀਐਚ ਦੇ ਪੱਧਰ ਤੋਂ ਜਾਣੂ ਕਰਾਉਣਾ ਚਾਹੁੰਦੇ ਹਨ। ਜ਼ਿਕਰਯੋਗ ਹੈ ਕਿ ਪੀਐਚ ਦਾ ਪੱਧਰ ਕਿਸੇ ਵੀ ਉਤਪਾਦ ਵਿਚ ਐਸਿਡ ਦੀ ਮਾਤਰਾ ਨੂੰ ਦਰਸਾਉਂਦਾ ਹੈ। ਘੱਟ ਪੀਐਚ ਦਾ ਸੰਕੇਤ ਹੈ ਕਿ ਸਾਬਣ ਵਿਚ ਐਸਿਡ ਦੀ ਮਾਤਰਾ ਘੱਟ ਹੈ। ਇਸ ਕਿਸਮ ਦੇ ਵਿਗਿਆਪਨ ਗ੍ਰਾਹਕਾਂ ਵਿਚ ਪੀਐਚ ਦੇ ਮੁੱਲ ਬਾਰੇ ਜਾਗਰੂਕਤਾ ਪੈਦਾ ਕਰਨ ਦਾ ਇੱਕ ਸਧਾਰਣ ਤਰੀਕਾ ਹੈ। ਇਸ ਵਿਸ਼ੇ ’ਤੇ ਐਚਯੂਐਲ ਨਾਲ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਅਜੇ ਤੱਕ ਈਮੇਲ ਦਾ ਕੋਈ ਜਵਾਬ ਨਹੀਂ ਮਿਲਿਆ ਹੈ।

ਇਹ ਵੀ ਪਡ਼੍ਹੋ : ਅੱਜ ਫਿਰ ਮਹਿੰਗਾ ਹੋਇਆ ਪੈਟਰੋਲ-ਡੀਜ਼ਲ , 86 ਰੁਪਏ ਪ੍ਰਤੀ ਲੀਟਰ ਦੇ ਪਾਰ ਹੋਈ ਕੀਮਤ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।