31 ਦਸੰਬਰ ਤੋਂ ਪਹਿਲਾਂ ਪੂਰਾ ਕਰੋ ਇਹ ਕੰਮ, ਨਹੀਂ ਤਾਂ 1 ਜਨਵਰੀ ਤੋਂ ਬਾਅਦ ਲੱਗੇਗਾ ਜੁਰਮਾਨਾ

ਨਵੀਂ ਦਿੱਲੀ : ਇਨਕਮ ਟੈਕਸ ਰਿਟਰਨ ਭਰਨ ਦੀ ਆਖਰੀ ਮਿਤੀ 31 ਦਸੰਬਰ 2021 ਹੈ। ਇਸ ਡੈੱਡਲਾਈਨ ਤੋਂ ਪਹਿਲਾਂ ਟੈਕਸ ਵਿਭਾਗ ਨੇ ਟੈਕਸ ਦਾਤਾਵਾਂ ਨੂੰ ਨੋਟਿਸ ਜਾਰੀ ਕਰ ਦਿੱਤਾ ਹੈ। ਇਹ ਇਕ ਤਰ੍ਹਾਂ ਦੀ ਰੀਮਾਈਂਡਰ ਪ੍ਰਕਿਰਿਆ ਹੈ, ਜਿਸ 'ਚ ਕਿਹਾ ਗਿਆ ਹੈ ਕਿ ਆਖਰੀ ਤਰੀਕ 31 ਦਸੰਬਰ ਦਾ ਇੰਤਜ਼ਾਰ ਨਾ ਕਰੋ ਅਤੇ ਅੱਜ ਹੀ ITR ਫਾਈਲ ਕਰਨ ਦਾ ਕੰਮ ਪੂਰਾ ਕਰੋ। ਨੋਟਿਸ 'ਚ ਟੈਕਸ ਵਿਭਾਗ ਦਾ ਕਹਿਣਾ ਹੈ ਕਿ ITR ਫਾਈਲਿੰਗ ਦਾ ਕੰਮ ਜਿੰਨਾ ਜਲਦੀ ਪੂਰਾ ਹੋ ਜਾਵੇ, ਓਨਾ ਹੀ ਬਿਹਤਰ ਹੋਵੇਗਾ।

Attention Employers!
Please remind your employees to file their ITR for AY 2021-2022.
The due date for furnishing of ITR for AY 2021-2022 is 31st December, 2021.
Do remind your employees today.
Let’s not wait till the last date.
Pl visit: https://t.co/GYvO3n9wMf#FileNow #ITR pic.twitter.com/TesQ3Xb6vo

— Income Tax India (@IncomeTaxIndia) December 3, 2021

ਜੇਕਰ ਤੁਸੀਂ 31 ਦਸੰਬਰ ਤੱਕ ਇਨਕਮ ਟੈਕਸ ਰਿਟਰਨ ਨਹੀਂ ਭਰਦੇ ਤਾਂ ਤੁਹਾਨੂੰ 5,000 ਰੁਪਏ ਦਾ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਹਾਲਾਂਕਿ, ਬਹੁਤ ਸਾਰੇ ਟੈਕਸਦਾਤਾ ਹਨ ਜੋ ਕੋਈ ਜੁਰਮਾਨਾ ਅਦਾ ਕੀਤੇ ਬਿਨਾਂ ਸਮਾਂ ਸੀਮਾ ਖਤਮ ਹੋਣ ਤੋਂ ਬਾਅਦ ਵੀ ਆਪਣਾ ITR ਫਾਈਲ ਕਰ ਸਕਦੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੇ ਟੈਕਸ ਦਾਤਾਵਾਂ ਨੂੰ ਛੋਟ ਮਿਲੇਗੀ।

ਇਹ ਵੀ ਪੜ੍ਹੋ : ਪੈਪਸੀਕੋ ਇੰਡੀਆ ਨੂੰ ਝਟਕਾ, ਆਲੂਆਂ ਦੀ ਇਕ ਕਿਸਮ ਉਗਾਉਣ ਨੂੰ ਲੈ ਕੇ ਕਿਸਾਨਾਂ ਦੇ ਹੱਕ 'ਚ ਆਇਆ ਫ਼ੈਸਲਾ

ਭਰਨਾ ਹੋਵੇਗਾ 5,000 ਰੁਪਏ ਜੁਰਮਾਨਾ 

ਸਰਕਾਰ ਦੁਆਰਾ ਦਿੱਤੀ ਗਈ ਮਿਤੀ ਤੋਂ ਬਾਅਦ ਰਿਟਰਨ ਫਾਈਲ ਕਰਨ 'ਤੇ 5,000 ਰੁਪਏ ਦਾ ਜੁਰਮਾਨਾ ਲੱਗ ਸਕਦਾ ਹੈ। ਇਸ ਦਾ ਜ਼ਿਕਰ ਇਨਕਮ ਟੈਕਸ ਦੀ ਧਾਰਾ 234F ਵਿੱਚ ਹੈ। ਹਾਲਾਂਕਿ, ਜੇਕਰ ਟੈਕਸਦਾਤਾ ਦੀ ਆਮਦਨ 5 ਲੱਖ ਰੁਪਏ ਦੇ ਅੰਦਰ ਹੈ, ਤਾਂ ਨਿਯਮ ਮੁਤਾਬਕ ਦੇਰੀ ਨਾਲ ਜੁਰਮਾਨੇ ਵਜੋਂ 1,000 ਰੁਪਏ ਦਾ ਭੁਗਤਾਨ ਕਰਨਾ ਹੈ। 5 ਲੱਖ ਤੋਂ ਵੱਧ ਕਮਾਈ ਕਰਨ 'ਤੇ ਜੁਰਮਾਨੇ ਦੀ ਰਕਮ ਵਧ ਜਾਵੇਗੀ।

ਕਿਹੜੇ ਲੋਕਾਂ ਨੂੰ ਨਹੀਂ ਭਰਨਾ ਪਵੇਗਾ ਜੁਰਮਾਨਾ

ਜਿਨ੍ਹਾਂ ਦੀ ਕੁੱਲ ਆਮਦਨ ਮੁਢਲੀ ਛੋਟ ਦੀ ਸੀਮਾ ਤੋਂ ਵੱਧ ਨਹੀਂ ਹੈ, ਉਨ੍ਹਾਂ ਨੂੰ ITR ਫਾਈਲ ਕਰਨ ਵਿੱਚ ਦੇਰੀ ਲਈ ਕੋਈ ਜੁਰਮਾਨਾ ਨਹੀਂ ਹੋਵੇਗਾ। ਜੇਕਰ ਕੁੱਲ ਕੁੱਲ ਆਮਦਨ ਛੋਟ ਦੀ ਮੂਲ ਸੀਮਾ ਤੋਂ ਘੱਟ ਹੈ, ਤਾਂ ਰਿਟਰਨ ਦੇਰ ਨਾਲ ਫਾਈਲ ਕਰਨ 'ਤੇ ਧਾਰਾ 234F ਦੇ ਤਹਿਤ ਕੋਈ ਜੁਰਮਾਨਾ ਨਹੀਂ ਲੱਗੇਗਾ।

ਇਹ ਵੀ ਪੜ੍ਹੋ : ਇੱਕ ਝਟਕੇ 'ਚ ਘਟੀ ਟਾਪ ਅਰਬਪਤੀਆਂ ਦੀ ਦੌਲਤ , ਏਲਨ ਮਸਕ ਨੂੰ 15 ਅਰਬ ਡਾਲਰ ਦਾ ਘਾਟਾ

ਕਿਵੇਂ ਫਾਈਲ ਕਰੀਏ ITR (ਈ-ਫਾਈਲਿੰਗ ਪੋਰਟਲ) 

ਜੇਕਰ ਤੁਸੀਂ ਅਜੇ ਤੱਕ ਇਨਕਮ ਟੈਕਸ ਰਿਟਰਨ ਨਹੀਂ ਭਰੀ ਹੈ, ਤਾਂ ਤੁਸੀਂ ਈ-ਫਾਈਲਿੰਗ ਪੋਰਟਲ 'ਤੇ ਜਾ ਕੇ ਆਪਣੀ ਟੈਕਸ ਰਿਟਰਨ ਫਾਈਲ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਆਸਾਨ ਪ੍ਰਕਿਰਿਆ ਬਾਰੇ।

• ਸਭ ਤੋਂ ਪਹਿਲਾਂ ਈ-ਫਾਈਲਿੰਗ ਪੋਰਟਲ incometax.gov.in 'ਤੇ ਜਾਓ ਅਤੇ ਲਾਗਇਨ ਬਟਨ 'ਤੇ ਕਲਿੱਕ ਕਰੋ।
• ਹੁਣ ਆਪਣਾ ਉਪਭੋਗਤਾ ਨਾਮ ਦਰਜ ਕਰੋ ਅਤੇ continue ਬਟਨ 'ਤੇ ਕਲਿੱਕ ਕਰੋ।
• ਹੁਣ ਤੁਹਾਨੂੰ ਆਪਣਾ ਪਾਸਵਰਡ ਦਰਜ ਕਰਨਾ ਹੋਵੇਗਾ।
• ਹੁਣ ਈ-ਫਾਈਲ ਟੈਬ 'ਤੇ ਕਲਿੱਕ ਕਰੋ ਅਤੇ 'ਫਾਈਲ ਇਨਕਮ ਟੈਕਸ ਰਿਟਰਨ' ਵਿਕਲਪ 'ਤੇ ਕਲਿੱਕ ਕਰੋ।
• ਮੁਲਾਂਕਣ ਸਾਲ 2021-22 ਦੀ ਚੋਣ ਕਰੋ ਅਤੇ ਫਿਰ continue ਵਿਕਲਪ 'ਤੇ ਕਲਿੱਕ ਕਰੋ।
• ਫਿਰ ਤੁਹਾਨੂੰ 'ਆਨਲਾਈਨ' ਜਾਂ 'ਆਫਲਾਈਨ' ਵਿਕਲਪ ਚੁਣਨ ਲਈ ਕਿਹਾ ਜਾਵੇਗਾ।
• ਆਨਲਾਈਨ ਵਿਕਲਪ ਚੁਣੋ ਅਤੇ continue ਟੈਬ 'ਤੇ ਕਲਿੱਕ ਕਰੋ।
• ਹੁਣ 'ਪਰਸਨਲ' ਵਿਕਲਪ ਨੂੰ ਚੁਣੋ।
• ਵਿਅਕਤੀਗਤ, ਹਿੰਦੂ ਅਣਵੰਡੇ ਪਰਿਵਾਰ (HUF) ਜਾਂ ਹੋਰ।
• continue ਟੈਬ 'ਤੇ ਕਲਿੱਕ ਕਰੋ।
• ITR-1 ਜਾਂ ITR-4 ਵਿਚੋਂ ਕਿਸੇ ਇਕ ਵਿਕਲਪ ਦੀ ਚੋਣ ਕਰੋ ਅਤੇ continue ਟੈਬ 'ਤੇ ਕਲਿੱਕ ਕਰੋ।
• ਛੋਟ ਸੀਮਾ ਤੋਂ ਉੱਪਰ ਜਾਂ ਧਾਰਾ 139(1) ਦੇ ਅਧੀਨ 7ਵੇਂ ਉਪਬੰਧ ਅਧੀਨ Return ਦਾ ਕਾਰਨ ਪੁੱਛਿਆ ਜਾਵੇਗਾ
• ਆਨਲਾਈਨ ITR ਫਾਈਲ ਕਰਦੇ ਸਮੇਂ ਸਹੀ ਵਿਕਲਪ ਦੀ ਚੋਣ ਕਰੋ।
• ਆਪਣੇ ਬੈਂਕ ਖਾਤੇ ਦੇ ਵੇਰਵੇ ਦਾਖਲ ਕਰੋ।
• ਹੁਣ ITR ਫਾਈਲ ਕਰਨ ਲਈ ਇੱਕ ਨਵਾਂ ਪੇਜ ਭੇਜਿਆ ਜਾਵੇਗਾ।
• ਆਪਣੇ ITR ਦੀ ਪੁਸ਼ਟੀ ਕਰੋ ਅਤੇ ਆਮਦਨ ਕਰ ਵਿਭਾਗ ਨੂੰ ਰਿਟਰਨ ਦੀ ਹਾਰਡ ਕਾਪੀ ਭੇਜੋ।

ਇਹ ਵੀ ਪੜ੍ਹੋ : FD ਨਹੀਂ IPO ’ਤੇ ਵਧਿਆ ਭਰੋਸਾ, ਬੈਂਕ ਖ਼ਾਤਿਆਂ ਦੇ ਡਿਪਾਜ਼ਿਟ ’ਚ 24 ਸਾਲਾਂ ਦੀ ਸਭ ਤੋਂ ਵੱਡੀ ਗਿਰਾਵਟ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।