ਦੇਸ਼ ਦਾ ਕੋਲਾ ਆਯਾਤ ਦਸੰਬਰ ''ਚ 35 ਫੀਸਦੀ ਵਧਿਆ

ਨਵੀਂ ਦਿੱਲੀ—ਦੇਸ਼ ਦਾ ਕੋਲਾ ਆਯਾਤ ਸਤੰਬਰ ਮਹੀਨੇ 'ਚ 35 ਫੀਸਦੀ ਵਧ ਕੇ 2.11 ਕਰੋੜ ਟਨ 'ਤੇ ਪਹੁੰਚ ਗਿਆ ਹੈ। ਪਿਛਲੇ ਵਿੱਤੀ ਸਾਲ 'ਚ ਇਸ ਮਹੀਨੇ 'ਚ ਇਹ ਅੰਕੜਾ 1.56 ਕਰੋੜ ਟਨ ਸੀ। ਆਯਾਤ 'ਚ ਇਹ ਤੇਜ਼ੀ ਅਜਿਹੇ ਸਮੇਂ ਆਈ ਹੈ ਜਦੋਂ ਦੇਸ਼ ਦੇ ਬਿਜਲੀ ਪਲਾਂਟ ਕੋਲੇ ਦੀ ਕਮੀ ਨਾਲ ਜੂਝ ਰਹੇ ਹਨ। ਟਾਟਾ ਸਟੀਲ ਅਤੇ ਸੇਲ ਦੀ ਸੰਯੁਕਤ ਉੱਦਮ ਐਮਜੰਕਸ਼ਨ ਸਰਵਿਸਿਜ਼ ਦੇ ਮੁਤਾਬਕ ਸਮੀਖਿਆਧੀਨ ਸਮੇਂ ਦੇ ਦੌਰਾਨ ਗੈਰ-ਕੋਕਿੰਗ ਕੋਲੇ ਦੇ ਜ਼ਿਆਦਾ ਆਯਾਤ ਨਾਲ ਸਤੰਬਰ ਮਹੀਨੇ 'ਚ ਕੋਲਾ ਅਤੇ ਕੋਲ ਆਯਾਤ 'ਚ ਵਾਧਾ ਹੋਇਆ। ਹਾਲਾਂਕਿ ਮਾਸਿਕ ਆਧਾਰ 'ਚ ਕੋਕਿੰਗ ਕੋਲਾ ਆਯਾਤ 'ਚ ਮਾਮੂਲੀ ਗਿਰਾਵਟ ਰਹੀ। ਫਰਮ ਨੇ ਕਿਹਾ ਕਿ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ ਦੇ ਦੌਰਾਨ ਕੁੱਲ ਕੋਲਾ ਅਤੇ ਕੋਕ ਆਯਾਤ 13.9 ਫੀਸਦੀ ਵਧ ਕੇ 11.94 ਕਰੋੜ ਟਨ ਹੋ ਗਿਆ। ਪਿਛਲੀ ਅਪ੍ਰੈਲ-ਸਤੰਬਰ 'ਚ ਆਯਾਤ 10.48 ਕਰੋੜ ਟਨ ਸੀ। ਐਮਜੰਕਸ਼ਨ ਨੂੰ ਮੁੱਖ ਕਾਰਜਪਾਲਕ ਅਧਿਕਾਰੀ ਵਿਨੇ ਵਰਮਾ ਨੇ ਕਿਹਾ ਕਿ ਬਿਜਲੀ ਖੇਤਰ 'ਚ ਕੋਲੇ ਦੀ ਕਮੀ ਨੂੰ ਦੇਖਦੇ ਹੋਏ ਆਯਾਤਿਤ ਕੋਲੇ ਦੀ ਮੰਗ ਕਾਫੀ ਜ਼ਿਆਗਾ ਹੈ। ਅਕਤੂਬਰ 'ਚ ਇਹ ਰੁੱਖ ਜਾਰੀ ਰਹਿਣ ਦੀ ਉਮੀਦ ਹੈ। ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ 'ਚ ਸਟੀਮ ਕੋਲ ਆਯਾਤ ਪਿਛਲੇ ਸਾਲ ਦੀ ਇਸ ਸਮੇਂ 'ਚ 7.02 ਕਰੋੜ ਟਨ ਤੋਂ 17.5 ਫੀਸਦੀ ਤੋਂ ਵਧ ਕੇ 8.25 ਕਰੋੜ ਟਨ ਹੋ ਗਿਆ ਹੈ। ਬਿਜਲੀ ਪਲਾਂਟਾਂ 'ਚ ਕੋਲੇ ਦੀ ਕਮੀ ਨੂੰ ਦੇਖਦੇ ਹੋਏ ਸਰਕਾਰ ਨੇ ਹਾਲ ਹੀ 'ਚ ਕੋਲ ਇੰਡੀਆ ਅਤੇ ਉਸ ਦੀ ਸਬਸਿਡਰੀਆਂ ਈਂਧਣ ਸਪਲਾਈ 'ਚ ਬਿਜਲੀ ਪਲਾਂਟਾਂ ਨੂੰ ਤਵੱਜੋਂ ਦੇਣ ਦਾ ਨਿਰਦੇਸ਼ ਦਿੱਤਾ ਹੈ।