ਅਗਲੇ 2 ਮਹੀਨਿਆਂ ‘ਚ ਇਕ ਹਜ਼ਾਰ ਕਰਮਚਾਰੀਆਂ ਨੂੰ ਨਿਯੁਕਤ ਕਰੇਗੀ ਸੀ. ਐੱਮ. ਐੱਸ.

ਨਵੀਂ ਦਿੱਲੀ (ਭਾਸ਼ਾ)-ਪ੍ਰਮੁੱਖ ਨਕਦੀ ਪ੍ਰਬੰਧਨ ਸੇਵਾ ਪ੍ਰਦਾਤਾ ਕੰਪਨੀ ਸੀ. ਐੱਮ. ਐੱਸ. ਅਗਲੇ 2 ਮਹੀਨਿਆਂ ‘ਚ ਇਕ ਹਜ਼ਾਰ ਕਰਮਚਾਰੀਆਂ ਨੂੰ ਨਿਯੁਕਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਆਪਣੇ ਸਾਂਝੇਦਾਰ ਬੈਂਕਾਂ, ਗੈਰ-ਬੈਂਕਿੰਗ ਵਿੱਤੀ ਕੰਪਨੀਆਂ (ਐੱਨ. ਬੀ. ਐੱਫ. ਸੀ.) ਅਤੇ ਸੂਖਮ ਵਿੱਤੀ ਸੰਸਥਾਨਾਂ ਲਈ ਨਕਦੀ ਵਸੂਲੀ ਦੇ ਕੰਮ ‘ਚ ਵੀ ਉੱਤਰਨ ਦੀ ਤਿਆਰੀ ‘ਚ ਹੈ। ਕੰਪਨੀ ਦੇ ਇਕ ਟਾਪ ਅਧਿਕਾਰੀ ਨੇ ਇਸ ਦੀ ਜਾਣਕਾਰੀ ਦਿੱਤੀ।

ਸੀ. ਐੱਮ. ਐੱਸ. ਇਨਫੋ ਸਿਸਟੰਸ (ਸੀ. ਐੱਮ. ਐੱਸ.) ਨੇ ਮਹਿੰਦਰਾ ਫਾਈਨਾਂਸ, ਐੱਲ. ਐਂਡ ਟੀ. ਫਾਈਨਾਂਸ ਅਤੇ ਹੀਰੋ ਫਿਨਕਾਰਪ ਸਮੇਤ ਕਈ ਕੰਪਨੀਆਂ ਦੇ ਨਾਲ ਨਕਦੀ ਅਤੇ ਚੈੱਕ ਭੰਡਾਰਨ ਕਰਨ ਦਾ ਕਰਾਰ ਕੀਤਾ ਹੈ। ਸੀ. ਐੱਮ. ਐੱਸ. ਦੀ ਨਕਦੀ ਕਾਰੋਬਾਰ ਇਕਾਈ ਦੇ ਉੱਚ ਉਪ-ਪ੍ਰਧਾਨ ਅਤੇ ਪ੍ਰਮੁੱਖ ਅਨੁਸ਼ ਰਾਘਵਨ ਨੇ ਕਿਹਾ ਕਿ ਦੇਸ਼ ‘ਚ 115,000 ਏ. ਟੀ. ਐੱਮ. ਅਤੇ ਰਿਟੇਲ ਆਊਟਲੈਟਸ ਦੇ ਨੈੱਟਵਰਕ ਦੇ ਨਾਲ ਕੰਪਨੀ 98.3 ਫੀਸਦੀ ਜ਼ਿਲਿਆਂ ‘ਚ ਹਾਜ਼ਰੀ ਰੱਖਦੀ ਹੈ।

ਇਹ ਕੰਪਨੀ ਨੂੰ ਅਰਥਵਿਵਸਥਾ ‘ਚ ਅਹਿਮ ਸਥਿਤੀ ਪ੍ਰਦਾਨ ਕਰਦਾ ਹੈ। ਉਨ੍ਹਾਂ ਕਿਹਾ,‘‘ਸੀ. ਐੱਮ. ਐੱਸ. ਨੇ ਐੱਨ. ਬੀ. ਐੱਫ. ਸੀ. ਦੀਆਂ ਸੇਵਾਵਾਂ ਨੂੰ ਅੱਗੇ ਵਧਾਇਆ ਹੈ। ਅਸੀਂ ਹੁਣ ਉੱਚ ਨਾਗਰਿਕਾਂ ਲਈ ਘਰ ਦੇ ਦਰਵਾਜ਼ੇ ‘ਤੇ ਬੈਂਕਿੰਗ ਸੇਵਾ ਤੋਂ ਇਲਾਵਾ ਯਾਤਰਾ, ਸਿੱਖਿਆ, ਬੀਮਾ ਉਦਯੋਗ ਲਈ ਚੈੱਕ ਭੰਡਾਰਨ ਅਤੇ ਹੋਰ ਉਦਯੋਗਾਂ ਲਈ ਨਕਦੀ ਭੰਡਾਰਨ ‘ਤੇ ਵੀ ਗੌਰ ਕਰ ਰਹੇ ਹਨ। ਇਸ ਲਈ ਅਸੀਂ ਅਗਲੇ 2 ਮਹੀਨਿਆਂ ‘ਚ ਇਕ ਹਜ਼ਾਰ ਲੋਕਾਂ ਨੂੰ ਨਿਯੁਕਤ ਕਰਨ ‘ਤੇ ਵਿਚਾਰ ਕਰ ਰਹੇ ਹਾਂ। ਅਸੀਂ ਚਾਲੂ ਵਿੱਤੀ ਸਾਲ ‘ਚ ਹੋਰ ਵਿਸਤਾਰ ਕਰਨਗੇ ਅਤੇ ਵਾਧੂ ਨਿਯੁਕਤੀਆਂ ਕਰਨਗੇ।‘‘