GST ਦੇ ਕਾਰੋਬਾਰ ''ਚ 10 ਤੋਂ 20 ਫੀਸਦੀ ਦਾ ਵਾਧਾ: ਪੰਪਸੇਟ ਨਿਰਮਾਤਾ

ਕੋਇੰਬਟੂਰ—ਤਾਮਿਲਨਾਡੂ ਦੇ ਅਧਿਕਤਰ ਛੋਟੇ ਅਤੇ ਮੱਧ ਉਦਯੋਗ ਇਕ ਪਾਸੇ ਜਿਥੇ ਮਾਲ ਅਤੇ ਸੇਵਾ ਟੈਕਸ (ਜੀ.ਐੱਸ.ਟੀ.) ਤੋਂ ਕਾਰੋਬਾਰ ਨੂੰ ਨੁਕਸਾਨ ਹੋਣ ਦਾ ਦਾਅਵਾ ਕਰ ਰਹੇ ਹਨ, ਉੱਧਰ ਸੂਬੇ ਦੇ ਪੰਪਸੇਟ ਵਿਨਿਰਮਾਤਾਵਾਂ ਦੇ ਸੰਗਠਨ ਦਾ ਕਹਿਣਾ ਹੈ ਕਿ ਨਵੀਂ ਅਪ੍ਰਤੱਖ ਟੈਕਸ ਵਿਵਸਥਾ ਨਾਲ ਉਨ੍ਹਾਂ ਦਾ ਕਾਰੋਬਾਰ 10 ਤੋਂ 20 ਫੀਸਦੀ ਤੱਕ ਵਧਿਆ ਹੈ। ਤਾਮਿਲਨਾਡੂ ਪੰਪਸੇਟ ਮੈਨਿਊਫੈਕਚਰਿੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਕਲਿਆਣਸੁੰਦਰਮ ਨੇ ਕਿਹਾ ਕਿ ਜੀ.ਐੱਸ.ਟੀ. ਲਾਗੂ ਦੇ ਬਾਅਦ ਟੈਕਸ ਦੀਆਂ ਦਰਾਂ ਚਾਰ ਫੀਸਦੀ ਘਟ ਹੋ ਗਈਆਂ ਹਨ ਕਿਉਂਕਿ ਖੇਤਰ ਦੇ ਬਾਹਰ ਤੋਂ ਸਾਮਾਨ ਖਰੀਦਣ ਦੇ ਕੇਂਦਰੀ ਵਿਕਰੀ ਟੈਕਸ 'ਚ ਕਮੀ ਆਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਵਿਕਰੀ ਟੈਕਸ 'ਚ ਦੋ ਫੀਸਦੀ ਦੀ ਕਮੀ ਆਉਣ ਨਾਲ ਕਾਰੋਬਾਰ 10 ਤੋਂ 20 ਫੀਸਦੀ ਵਧਿਆ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਸੰਗਠਨ ਦੇ 120 ਮੈਂਬਰ ਹਨ। ਉਨ੍ਹਾਂ ਨੇ ਵਰਕਰਜ਼ ਦੀ ਭਾਰੀ ਕਮੀ ਨੂੰ ਇਕਮਾਤਰ ਸਮੱਸਿਆ ਦੱਸਿਆ। ਕਲਿਆਣਸੁੰਦਰਮ ਨੇ ਕਿਹਾ ਕਿ ਸੰਭਵ ਹੈ ਕਿ ਕੁਝ ਹੋਰ ਸੰਗਠਨ ਆਪਣੇ ਕਾਰੋਬਾਰ ਦੇ ਸੰਬੰਧ 'ਚ ਵੱਖ ਸੂਚਨਾਵਾਂ ਦੇ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਤਾਮਿਲਨਾਡੂ ਸਰਕਾਰ ਦੇ ਉਨ੍ਹਾਂ ਅੰਕੜਿਆਂ ਨੂੰ ਅਜੇ ਤੱਕ ਨਹੀਂ ਦੇਖਿਆ ਹੈ ਜਿਸ ਚ ਕਰੀਬ 50 ਹਜ਼ਾਰ ਛੋਟੇ ਉਦਯੋਗਾਂ ਦੇ ਬੰਦ ਹੋ ਜਾਣ ਅਤੇ ਪੰਜ ਲੱਖ ਵਰਕਰਾਂ ਦੀਆਂ ਨੌਕਰੀਆਂ ਚਲੇ ਜਾਣ ਦਾ ਜ਼ਿਕਰ ਕੀਤਾ ਗਿਆ ਹੈ।