100 ਗਜ਼ ਦਾ ਮਕਾਨ ਬਣਾਉਣਾ ਹੋਇਆ 2 ਲੱਖ ਰੁਪਏ ਤੱਕ ਮਹਿੰਗਾ, ਜਾਣੋ ਉਸਾਰੀ ਸਮੱਗਰੀ ਦੇ ਨਵੇਂ ਰੇਟ

ਬਿਜ਼ਨੈੱਸ ਡੈਸਕ : ਪਿਛਲੇ 38 ਦਿਨਾਂ ਤੋਂ ਜਾਰੀ ਖਾੜੀ ਜੰਗ ਦਾ ਅਸਰ ਹੁਣ ਆਮ ਆਦਮੀ ਦੇ ਆਪਣੇ ਘਰ ਬਣਾਉਣ ਦੇ ਸੁਪਨੇ 'ਤੇ ਪੈਣਾ ਸ਼ੁਰੂ ਹੋ ਗਿਆ ਹੈ। ਕੱਚੇ ਮਾਲ ਦੀਆਂ ਕੀਮਤਾਂ ਵਿੱਚ ਵਾਧੇ ਕਾਰਨ ਸੀਮੈਂਟ, ਸਰੀਆ, ਟਾਈਲਾਂ ਅਤੇ ਸੈਨੇਟਰੀ ਦਾ ਸਾਮਾਨ ਕਾਫੀ ਮਹਿੰਗਾ ਹੋ ਗਿਆ ਹੈ। ਜਲੰਧਰ ਵਿੱਚ 100 ਵਰਗ ਗਜ਼ ਦਾ ਸਿੰਗਲ ਸਟੋਰੀ ਮਕਾਨ ਬਣਾਉਣ ਦੀ ਲਾਗਤ ਵਿੱਚ ਲਗਭਗ 1,20,000 ਤੋਂ 1,90,000 ਰੁਪਏ ਤੱਕ ਦਾ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ :    ਈਰਾਨ ਜੰਗ ਦੇ ਵਿਚਕਾਰ ਮਿਲੀ ਵੱਡੀ ਸਫਲਤਾ ; ਭਾਰਤ ਦੇ ਰੇਗਿਸਤਾਨ ਨੇ ਉਗਲਿਆ 'ਕਾਲਾ ਸੋਨਾ'

7 ਤੋਂ 9 ਫੀਸਦੀ ਵਧੀ ਉਸਾਰੀ ਦੀ ਲਾਗਤ 

1 ਫਰਵਰੀ 2026 ਨੂੰ ਜਿਸ ਮਕਾਨ ਦੀ ਉਸਾਰੀ ਦੀ ਲਾਗਤ 18.50 ਲੱਖ ਤੋਂ 20.85 ਲੱਖ ਰੁਪਏ ਦੇ ਵਿਚਕਾਰ ਸੀ, ਉਹ 6 ਅਪ੍ਰੈਲ 2026 ਤੱਕ ਵਧ ਕੇ 19.80 ਲੱਖ ਤੋਂ 22.70 ਲੱਖ ਰੁਪਏ ਤੱਕ ਪਹੁੰਚ ਗਈ ਹੈ। ਇਸ ਤਰ੍ਹਾਂ ਉਸਾਰੀ ਦੇ ਖਰਚੇ ਵਿੱਚ ਸਿੱਧੇ ਤੌਰ 'ਤੇ 7 ਤੋਂ 9 ਫੀਸਦੀ ਦਾ ਉਛਾਲ ਦੇਖਿਆ ਗਿਆ ਹੈ।

ਇਹ ਵੀ ਪੜ੍ਹੋ :    ਮਹੀਨੇ ਦੇ ਪਹਿਲੇ ਦਿਨ ਲੱਗ ਗਏ ਝਟਕੇ , ਜਾਣੋ ਕੀ ਹੋਇਆ ਸਸਤਾ ਤੇ ਕੀ ਮਹਿੰਗਾ

ਕਿਉਂ ਵਧੀਆਂ ਕੀਮਤਾਂ? 

ਮਾਹਰਾਂ ਮੁਤਾਬਕ ਜੰਗ ਕਾਰਨ ਮਾਲ-ਭਾੜਾ ਵਧਿਆ ਹੈ ਅਤੇ ਪੈਟਰੋਲੀਅਮ ਇੰਡਸਟਰੀ ਨੇ ਪਲਾਸਟਿਕ ਦਾਣਾ ਤੇ ਪੇਂਟ ਕੈਮੀਕਲ ਦੇ ਰੇਟ ਵਧਾ ਦਿੱਤੇ ਹਨ। ਇਸ ਤੋਂ ਇਲਾਵਾ ਕੋਲੇ ਦੀਆਂ ਕੀਮਤਾਂ ਵਧਣ ਕਾਰਨ ਲੋਕਲ ਮਾਰਕੀਟ ਵਿੱਚ ਸਰੀਆ ਅਤੇ ਚੌਖਟਾਂ ਦੇ ਲੋਹੇ ਦੇ ਰੇਟ ਵੀ ਵਧ ਗਏ ਹਨ। ਸੈਨੇਟਰੀ ਪਾਈਪਾਂ ਲਈ ਵਰਤਿਆ ਜਾਣ ਵਾਲਾ ਪੀ.ਵੀ.ਸੀ. ਮਟੀਰੀਅਲ ਮਹਿੰਗਾ ਹੋਣ ਕਾਰਨ ਪ੍ਰਤੀ ਫੁੱਟ 100 ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਸਰੀਏ ਦੀ ਕੀਮਤ ਵਿੱਚ ਵੀ ਇੱਕ ਹਫ਼ਤੇ ਅੰਦਰ 3 ਤੋਂ 5 ਰੁਪਏ ਪ੍ਰਤੀ ਕਿਲੋ ਦਾ ਉਛਾਲ ਆਇਆ ਹੈ।

ਇਹ ਵੀ ਪੜ੍ਹੋ :   Gold ਦੀਆਂ ਕੀਮਤਾਂ ਨੂੰ ਲੈ ਕੇ ਵੱਡੀ ਭਵਿੱਖਬਾਣੀ: ਟੁੱਟ ਸਕਦਾ ਹੈ 46 ਸਾਲਾਂ ਦਾ ਰਿਕਾਰਡ, ਜਾਣੋ ਕੀ ਹੈ ਨਵਾਂ ਟਾਰਗੇਟ

ਵੱਖ-ਵੱਖ ਕੰਮਾਂ 'ਤੇ ਵਧਿਆ ਖਰਚਾ (ਅੰਦਾਜ਼ਨ ਵਾਧਾ):

ਸਿਵਲ ਵਰਕ (ਢਾਂਚਾ): 50,000 - 80,000 ਰੁਪਏ
ਫਰਸ਼ ਅਤੇ ਟਾਈਲਾਂ: 10,000 - 15,000 ਰੁਪਏ
ਬਿਜਲੀ ਦਾ ਕੰਮ: 15,000 - 20,000 ਰੁਪਏ
ਸੈਨੇਟਰੀ: 10,000 - 15,000 ਰੁਪਏ (ਰੇਟਾਂ ਵਿੱਚ 8-10% ਵਾਧਾ)
ਲੱਕੜ ਦਾ ਕੰਮ: 10,000 - 15,000 ਰੁਪਏ
ਪੇਂਟ ਅਤੇ ਪੀ.ਓ.ਪੀ.: 10,000 - 15,000 ਰੁਪਏ
ਇੰਟੀਰੀਅਰ ਅਤੇ ਕਿਚਨ: 10,000 - 20,000 ਰੁਪਏ

ਇਹ ਵੀ ਪੜ੍ਹੋ :  ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਮਾਰਚ 'ਚ 12% ਤੱਕ ਟੁੱਟੇ ਭਾਅ, ਜਾਣੋ ਹੁਣ ਕੀ ਹਨ ਨਵੇਂ ਰੇਟ

ਠੇਕੇਦਾਰਾਂ ਅਤੇ ਆਮ ਲੋਕਾਂ ਦੀਆਂ ਵਧੀਆਂ ਮੁਸ਼ਕਲਾਂ

 ਮਾਹਰਾਂ ਮੁਤਾਬਕ ਜਿਨ੍ਹਾਂ ਲੋਕਾਂ ਨੇ ਪਹਿਲਾਂ ਹੀ ਫਿਕਸ ਰੇਟ 'ਤੇ ਕੰਟਰੈਕਟਰਾਂ ਨੂੰ ਕੰਮ ਦਿੱਤਾ ਹੋਇਆ ਸੀ, ਹੁਣ ਸਮਾਨ ਮਹਿੰਗਾ ਹੋਣ ਕਾਰਨ ਠੇਕੇਦਾਰਾਂ ਦੇ ਮੁਨਾਫੇ (ਮਾਰਜਿਨ) ਵਿੱਚ ਕਟੌਤੀ ਹੋ ਰਹੀ ਹੈ। ਦੂਜੇ ਪਾਸੇ, ਹੋਮ ਲੋਨ ਲੈ ਕੇ ਘਰ ਬਣਾ ਰਹੇ ਲੋਕਾਂ ਲਈ ਵੱਡੀ ਮੁਸ਼ਕਲ ਇਹ ਹੈ ਕਿ ਬੈਂਕ ਵਧੀ ਹੋਈ ਲਾਗਤ ਲਈ ਵਾਧੂ ਲੋਨ ਨਹੀਂ ਦੇ ਰਹੇ, ਜਿਸ ਕਾਰਨ ਉਨ੍ਹਾਂ ਨੂੰ ਵਾਧੂ ਪੈਸਿਆਂ ਦਾ ਪ੍ਰਬੰਧ ਆਪਣੀ ਜੇਬ ਵਿੱਚੋਂ ਕਰਨਾ ਪੈ ਰਿਹਾ ਹੈ।

ਇਹ ਵੀ ਪੜ੍ਹੋ :  Gold-Platinum ਨੂੰ ਲੈ ਕੇ ਸਰਕਾਰ ਨੇ ਲਾਗੂ ਕੀਤੇ ਸਖ਼ਤ ਨਿਯਮ; ਕੀਮਤਾਂ 'ਚ ਆ ਸਕਦਾ ਹੈ ਭਾਰੀ ਉਛਾਲ!
ਇਹ ਵੀ ਪੜ੍ਹੋ :  ਸੋਨਾ ਖ਼ਰੀਦਣ ਵਾਲਿਆਂ ਲਈ ਵੱਡੀ ਖ਼ਬਰ: ਗਾਹਕ ਖ਼ੁਦ ਕਰ ਸਕਣਗੇ ਅਸਲੀ ਗਹਿਣੇ ਦੀ ਪਰਖ਼, ਜਾਣੋ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt