ਟੈਕਸਦਾਤਿਆਂ ਲਈ ਵੱਡੀ ਰਾਹਤ, ਸਰਕਾਰ ਨੇ GST ਰਿਟਰਨ ਦਾਖ਼ਲ ਕਰਨ ਦੀ ਆਖ਼ਰੀ ਤਾਰੀਖ਼ ਵਧਾਈ

ਨਵੀਂ ਦਿੱਲੀ - ਸੋਮਵਾਰ ਭਾਵ ਅੱਜ ਸਰਕਾਰ ਨੇ ਜੀ.ਐੱਸ.ਟੀ. ਰਿਟਰਨ ਦਾਖ਼ਲ ਕਰਨ ਵਾਲੇ ਲੋਕਾਂ ਨੂੰ ਰਾਹਤ ਦਿੱਤੀ ਹੈ। ਇਸ ਦੇ ਤਹਿਤ ਮਹੀਨਾਵਾਰ ਜੀ.ਐੱਸ.ਟੀ. ਵਿਕਰੀ ਰਿਟਰਨ ਦਾਇਰ ਕਰਨ ਦੀ ਆਖਰੀ ਮਿਤੀ 15 ਦਿਨਾਂ ਤੱਕ ਵਧਾ ਦਿੱਤੀ ਗਈ ਹੈ। ਹੁਣ ਬਿਨੈ ਕਰਨ ਦੀ ਆਖ਼ਰੀ ਤਾਰੀਖ਼ 26 ਜੂਨ ਕਰ ਦਿੱਤੀ ਗਈ ਹੈ। 28 ਮਈ ਨੂੰ ਕੇਂਦਰੀ ਵਿੱਤ ਮੰਤਰੀ ਅਤੇ ਸੂਬੇ ਦੇ ਹਮਰੁਤਬਾ ਦੀ ਅਗਵਾਈ ਵਾਲੀ GST ਕੌਂਸਲ ਨੇ ਕੁਝ ਪਾਲਣਾ ਛੋਟਾਂ ਵਧਾਉਣ ਦਾ ਫੈਸਲਾ ਕੀਤਾ ਸੀ। ਇਸ ਦੇ ਅਧਾਰ 'ਤੇ ਰਿਟਰਨ ਫਾਈਲ ਕਰਨ ਦੀ ਆਖਰੀ ਤਾਰੀਖ਼ ਵਿਚ ਵਾਧਾ ਕਰ ਦਿੱਤਾ ਗਿਆ ਹੈ।

ਕੇਂਦਰੀ ਅਸਿੱਧੇ ਟੈਕਸ ਅਤੇ ਕਸਟਮ ਬੋਰਡ (ਸੀਬੀਆਈਸੀ) ਨੇ ਕੌਂਸਲ ਦੁਆਰਾ ਦਿੱਤੀਆਂ ਵੱਖ-ਵੱਖ ਛੋਟਾਂ ਦੀ ਸੂਚੀ ਦਿੱਤੀ ਹੈ। ਇਹ ਜਾਣਕਾਰੀ ਟਵੀਟ ਦੇ ਜ਼ਰੀਏ ਦਿੱਤੀ ਗਈ ਹੈ। CBIC ਨੇ GSTR -1 ਦੇ ਫਾਰਮ ਜੀ.ਐੱਸ.ਆਰ.-1 ਦੀ ਆਖਰੀ ਤਾਰੀਖ਼ ਨੂੰ 26 ਜੂਨ ਤੱਕ ਵਧਾ ਦਿੱਤਾ ਹੈ।

ਇਹ ਵੀ ਪੜ੍ਹੋ : ESIC ਨੇ ਮੌਤ ਦੀ ਪਰਿਭਾਸ਼ਾ 'ਚ ਕੀਤੀ ਸੋਧ, ਹੁਣ ਇਨ੍ਹਾਂ ਲੋਕਾਂ ਨੂੰ ਵੀ ਮਿਲੇਗਾ ਯੋਜਨਾ ਦਾ ਲਾਭ

ਕਾਰੋਬਾਰ ਵਿਚ ਜੀ ਐਸ ਟੀ ਆਰ -1 ਅਗਲੇ ਮਹੀਨੇ ਦੇ 11 ਵੇਂ ਦਿਨ ਤੋਂ ਪਹਿਲਾਂ ਸਪਲਾਈ ਵੇਰਵਿਆਂ ਨਾਲ ਦਾਇਰ ਕੀਤੀ ਜਾਂਦੀ ਹੈ ਜਦੋਂਕਿ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀਐਸਟੀ) ਦੀ ਅਦਾਇਗੀ ਲਈ, ਅਗਲੇ ਮਹੀਨੇ ਦੇ 20-25 ਵੇਂ ਦਿਨ ਦੇ ਵਿਚਕਾਰ ਕਾਰੋਬਾਰਾਂ ਦੁਆਰਾ ਫਾਰਮ ਜੀਐਸਟੀਆਰ -3 ਬੀ ਦਾਇਰ ਕੀਤਾ ਜਾਂਦਾ ਹੈ।

ਕੋਰੋਨਾ ਮਹਾਂਮਾਰੀ ਦੇ ਕਾਰਨ, ਜੀ.ਐੱਸ.ਟੀ. ਕੌਂਸਲ ਨੇ ਵਿੱਤੀ ਸਾਲ 2020-21 ਲਈ ਕੰਪੋਜਿਸ਼ਨ ਡੀਲਰਾਂ ਦੁਆਰਾ ਸਾਲਾਨਾ ਰਿਟਰਨ ਦਾਖਲ ਕਰਨ ਦੀ ਮਿਤੀ ਨੂੰ ਵੀ ਬਦਲਿਆ ਹੈ। ਹੁਣ ਇਸ ਦੀ ਅੰਤਮ ਤਾਰੀਖ਼ ਵੀ ਤਿੰਨ ਮਹੀਨਿਆਂ ਲਈ ਵਧਾ ਕੇ 31 ਜੁਲਾਈ ਕਰ ਦਿੱਤੀ ਗਈ ਹੈ।
ਇਸ ਸਬੰਧ ਵਿਚ ਸੀ.ਬੀ.ਆਈ.ਸੀ. ਨੇ ਕਿਹਾ, 'ਵਿੱਤੀ ਸਾਲ 2020-21 ਲਈ ਫਾਰਮ ਜੀ.ਐੱਸ.ਟੀ.ਆਰ. -4 ਦੇ ਫਾਰਮ ਵਿਚ ਸਾਲਾਨਾ ਰਿਟਰਨ ਜਮ੍ਹਾ ਕਰਨ ਦੀ ਆਖਰੀ ਤਰੀਕ 31 ਜੁਲਾਈ, 2021 ਤੱਕ ਵਧਾਈ ਜਾਏਗੀ।' ਇਨ੍ਹਾਂ ਛੋਟਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਲਈ ਢੁਕਵੇਂ ਸਮੇਂ 'ਤੇ ਜ਼ਰੂਰੀ ਨੋਟੀਫਿਕੇਸ਼ਨ ਜਾਰੀ ਕੀਤੇ ਜਾਣਗੇ। ਇਸ ਦੇ ਨਾਲ ਹੀ ਕੰਪਨੀ ਐਕਟ ਤਹਿਤ ਰਜਿਸਟਰਡ ਟੈਕਸ ਦਾਤਿਆਂ ਨੂੰ ਡਿਜੀਟਲ ਦਸਤਖਤ ਸਰਟੀਫਿਕੇਟ (ਡੀਐਸਸੀ) ਦੀ ਬਜਾਏ 31 ਅਗਸਤ 2021 ਤਕ ਇਲੈਕਟ੍ਰਾਨਿਕ ਵੈਰੀਫਿਕੇਸ਼ਨ ਕੋਡ (ਈ.ਵੀ.ਸੀ.) ਦੀ ਵਰਤੋਂ ਕਰਦਿਆਂ ਜੀ.ਐੱਸ.ਟੀ. ਰਿਟਰਨ ਭਰਨ ਦੀ ਆਗਿਆ ਹੈ।

ਇਹ ਵੀ ਪੜ੍ਹੋ : ਵਿਵਾਦਾਂ 'ਚ Bill Gates ਗ੍ਰਿਫਤਾਰੀ ਦੀ ਹੋ ਰਹੀ ਮੰਗ, ਜਾਣੋ ਪੂਰਾ ਮਾਮਲਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।