ਅਮਰੀਕਾ ਦਾ ਭਾਰਤ ਨਾਲ ਘੱਟ ਹੋ ਰਿਹਾ ਹੈ ਵਪਾਰ ਘਾਟਾ

ਵਾਸ਼ਿੰਗਟਨ—ਅਮਰੀਕਾ ਦੀ ਇਕ ਤਾਜ਼ਾ ਰਿਪੋਰਟ ਮੁਤਾਬਕ ਭਾਰਤ ਨਾਲ ਉਸ ਦਾ ਵਪਾਰ ਘਾਟਾ 2017 ਦੀ ਪਹਿਲੀ 3 ਤਿਮਾਹੀਆਂ 'ਚ ਇਕ ਸਾਲ ਪਹਿਲੇ ਤੋਂ ਘੱਟ ਹੋਇਆ ਹੈ। ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਭਾਰਤ ਦਾ ਆਰਥਿਕ ਵਾਧਾ ਦੇਸ਼ 'ਚ ਹਾਲ ਹੀ ਦੇ ਕੁਝ ਬੁਨਿਆਦੀ ਆਰਥਿਕ ਸੁਧਾਰਾਂ ਦੇ ਪ੍ਰਭਾਵ ਦੇ ਕਾਰਨ ਪ੍ਰਭਾਵਿਤ ਹੋਈ ਹੈ।
ਰਾਸ਼ਟਰਪਤੀ ਦੀ ਆਰਥਿਕ ਰਿਪੋਰਟ (ਈ.ਪੀ.ਆਰ.) 'ਚ ਕਿਹਾ ਗਿਆ ਹੈ ਕਿ ਅਮਰੀਕਾ ਦੀ ਆਰਥਿਕ ਸਥਿਤੀ ਵਧੀਆ ਹੈ। ਇਸ 'ਚ ਦੋਸ਼ ਲੱਗਾਇਆ ਗਿਆ ਹੈ ਕਿ ਭਾਰਤ ਅਤੇ ਬ੍ਰਾਜੀਲ ਵਰਗੇ ਉਸ ਦੇ ਕਈ ਵਪਾਰਕ ਭਾਗੀਦਾਰਾਂ ਦਾ ਬਾਜ਼ਾਰ ਹੁਣ ਵੀ ਬਹੁਤ ਘੱਟ ਖੁੱਲਾ ਹੈ।
ਇਨ੍ਹਾਂ ਦੇਸ਼ਾਂ 'ਚ ਮਾਲ 'ਤੇ ਜ਼ਿਆਦਾਤਰ ਮਨਜ਼ੂਰੀ ਸ਼ੁਲਕ ਦਰਾਂ ਜ਼ਿਆਦਾ ਰੱਖੀਆਂ ਗਈਆਂ ਹਨ ਅਤੇ ਇਹ ਦੇਸ਼ ਵੈਸ਼ਵਿਕ ਰੂਪ ਨਾਲ ਬੰਧਨਕਾਰੀ ਬਹੁਤ ਸਾਰੇ ਨਿਯਮਾਂ ਨੂੰ ਲਾਗੂ ਕਰਨ ਤੋਂ ਬਚਾਉਂਦਾ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਭਾਰਤ 'ਚ ਵਾਧਾ ਦਰ ਦੀ ਗਿਰਾਵਟ ਬੁਨਿਆਦੀ ਆਰਥਿਕ ਸੁਧਾਰਾਂ ਦੇ ਅਸਰ ਦੇ ਕਾਰਨ ਹੋਈ। ਨਵੰਬਰ 2016 ਦੀ ਨੋਟਬੰਦੀ ਦੇ ਚਲਣ 'ਚ ਸ਼ਾਮਲ 86 ਫੀਸਦੀ ਨਕਦੀ ਨੂੰ ਗੈਰਕਾਨੂੰਨੀ ਕਰ ਦਿੱਤਾ ਸੀ ਜਦਕਿ ਅਜਿਹੇ ਦੇਸ਼ਾਂ 'ਚ ਉਸ ਸਮੇਂ ਤਕ 90 ਫੀਸਦੀ ਤੋਂ ਜ਼ਿਆਦਾ ਲੈਣ-ਦੇਣ ਨਕਦੀ 'ਚ ਹੋ ਰਿਹਾ ਸੀ।