ਸਰਕਾਰ ਨੇ ਆਧਾਰ ਨਿਯਮਾਂ ’ਚ ਕੀਤੀ ਸੋਧ, 10 ਸਾਲਾਂ ’ਚ ਇਕ ਵਾਰ ਆਧਾਰ ਨੂੰ ਅਪਡੇਟ ਕਰਨਾ ਹੋਵੇਗਾ ਲਾਜ਼ਮੀ

ਨਵੀਂ ਦਿੱਲੀ–ਸਰਕਾਰ ਨੇ ਆਧਾਰ ਨਿਯਮ ’ਚ ਸੋਧਾਂ ਕੀਤੀਆਂ ਹਨ। ਇਸ ਦੇ ਤਹਿਤ ਆਧਾਰ ਨੰਬਰ ਪ੍ਰਾਪਤ ਕਰਨ ਤੋਂ 10 ਸਾਲ ਪੂਰੇ ਹੋਣ ਤੋਂ ਬਾਅਦ ਘੱਟ ਤੋਂ ਘੱਟ ਇਕ ਵਾਰ ਸਬੰਧਤ ਦਸਤਾਵੇਜ਼ਾਂ ਦਾ ਅਪਡੇਟ ਕਰਵਾਉਣਾ ਜ਼ਰੂਰੀ ਹੋਵੇਗਾ। ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲਾ ਵਲੋਂ ਜਾਰੀ ਗਜ਼ਟ ਪੱਤਰ ’ਚ ਪ੍ਰਕਾਸ਼ਿਤ ਨੋਟੀਫਿਕੇਸ਼ਨ ਮੁਤਾਬਕ ਆਧਾਰ ਅਪਡੇਟ ਹੋਣ ਨਾਲ ਕੇਂਦਰੀ ਪਛਾਣ ਡਾਟਾ ਭੰਡਾਰ (ਸੀ. ਆਈ. ਡੀ. ਆਰ.) ਵਿਚ ਸਬੰਧਤ ਜਾਣਕਾਰੀ ਦੀ ਲਗਾਤਾਰ ਆਧਾਰ ’ਤੇ ਸ਼ੁੱਧਤਾ ਯਕੀਨੀ ਹੋਵੇਗੀ।
ਨੋਟੀਫਿਕੇਸ਼ਨ ’ਚ ਕਿਹਾ ਗਿਆ ਹੈ ਕਿ ਆਧਾਰ ਧਾਰਕ ਆਧਾਰ ਦੀ ਨਾਮਜ਼ਦਗੀ ਦੀ ਮਿਤੀ ਤੋਂ ਹਰ 10 ਸਾਲ ਪੂਰੇ ਹੋਣ ’ਤੇ ਘੱਟ ਤੋਂ ਘੱਟ ਇਕ ਵਾਰ ਪਛਾਣ ਅਤੇ ਨਿਵਾਸ ਸਰਟੀਫਿਕੇਟ ਵਾਲੇ ਦਸਤਾਵੇਜ਼ਾਂ ਨੂੰ ਅਪਡੇਟ ਕਰਵਾ ਸਕਦੇ ਹਨ। ਇਸ ਨਾਲ ਸੀ. ਆਈ. ਡੀ. ਆਰ. ’ਚ ਆਧਾਰ ਨਾਲ ਜੁੜੀ ਜਾਣਕਾਰੀ ਦੀ ਨਿਰੰਤਰ ਆਧਾਰ ’ਤੇ ਸ਼ੁੱਧਤਾ ਯਕੀਨੀ ਹੋਵੇਗੀ...।
ਜਾਣਕਾਰੀ ਅਪਡੇਟ ਕਰਨ ਨੂੰ ਲੈ ਕੇ ਆਧਾਰ (ਨਾਮਜ਼ਦਗੀ ਅਤੇ ਅਪਡੇਟ) ਨਿਯਮ ਦੀ ਵਿਵਸਥਾ ’ਚ ਬਦਲਾਅ ਕੀਤਾ ਗਿਆ ਹੈ। ਆਧਾਰ ਗਿਣਤੀ ਜਾਰੀ ਕਰਨ ਵਾਲੇ ਭਾਰਤੀ ਵਿਵੇਸ਼ ਪਛਾਣ ਅਥਾਰਿਟੀ (ਯੂ. ਆਈ. ਡੀ. ਏ. ਆਈ.) ਨੇ ਪਿਛਲੇ ਮਹੀਨੇ ਲੋਕਾਂ ਨੂੰ ਅਪੀਲ ਕੀਤੀ ਸੀ ਕਿ ਜੇ ਉਨ੍ਹਾਂ ਨੂੰ ਆਧਾਰ ਗਿਣਤੀ ਲਈ 10 ਸਾਲ ਤੋਂ ਵੱਧ ਹੋ ਗਏ ਹਨ ਅਤੇ ਉਨ੍ਹਾਂ ਨੇ ਸਬੰਧਤ ਜਾਣਕਾਰੀ ਨੂੰ ਮੁੜ ਅਪਡੇਟ ਨਹੀਂ ਕਰਵਾਇਆ ਹੈ, ਉਹ ਪਛਾਣ ਅਤੇ ਨਿਵਾਸ ਸਰਟੀਫਿਕੇਟ ਦਸਤਾਵੇਜ਼ਾਂ ਨੂੰ ਅਪਡੇਟ ਕਰਵਾਉਣ।
ਲੋਕਾਂ ਨੂੰ ਜਾਣਕਾਰੀ ਅਪਡੇਟ ਕਰਨ ਲਈ ਚੀਜ਼ਾਂ ਸੌਖਾਲਾ ਬਣਾਉਣ ਨੂੰ ਲੈ ਕੇ ਯੂ. ਆਈ. ਡੀ. ਏ. ਆਈ. ਨੇ ਨਵੀਂ ਵਿਸ਼ੇਸ਼ਤਾ...ਦਸਤਾਵੇਜ਼ ਅਪਡੇਟ...ਜੋੜੀ ਹੈ। ਇਸ ਸਹੂਲਤ ਦੀ ਵਰਤੋਂ ‘ਮਾਈ ਆਧਾਰ’ ਪੋਰਟਲ ਅਤੇ ‘ਮਾਈ ਆਧਾਰ’ ਐਪ ਦੇ ਮਾਧਿਅਮ ਰਾਹੀਂ ਆਨਲਾਈਨ ਕੀਤਾ ਜਾ ਸਕਦਾ ਹੈ। ਸਬੰਧਤ ਵਿਅਕਤੀ ਇਸ ਸਹੂਲਤ ਦਾ ਲਾਭ ਉਠਾਉਣ ਲਈ ਕਿਸੇ ਵੀ ਆਧਾਰ ਨਾਮਜ਼ਦਗੀ ਕੇਂਦਰ ’ਤੇ ਵੀ ਜਾ ਸਕਦੇ ਹਨ।

ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।