ਭਾਰਤ ''ਚ 65 ਫੀਸਦੀ ਕਾਰੋਬਾਰੀ ਆਨਲਾਈਨ ਧੋਖਾਧੜੀ ਦੇ ਹੋਏ ਸ਼ਿਕਾਰ, ਰਿਪੋਰਟ ''ਚ ਦਾਅਵਾ

ਨਵੀਂ ਦਿੱਲੀ—ਭਾਰਤ ਗਾਹਕ ਏਸ਼ੀਆ ਪ੍ਰਸ਼ਾਂਤ ਖੇਤਰ 'ਚ ਸਭ ਤੋਂ ਜ਼ਿਆਦਾ ਧੋਖਾਧੜੀ ਦੇ ਸ਼ਿਕਾਰ ਹੁੰਦੇ ਹਨ ਪਰ ਫਿਰ ਵੀ ਉਨ੍ਹਾਂ ਦੀ ਵਿੱਤੀ ਸੰਸਥਾਨਾਂ ਨਾਲ ਸਭ ਤੋਂ ਜ਼ਿਆਦਾ ਭਰੋਸਾ ਹੈ। ਐਕਸਪੀਰੀਅਨ ਇੰਡੀਆ ਦੀ 2019 ਦੀ ਰਿਪੋਰਟ 'ਚ ਇਹ ਗੱਲ ਕਹੀ ਗਈ ਹੈ। ਭਾਰਤੀ ਉੱਧਮਾਂ 'ਚੋਂ 65 ਫੀਸਦੀ ਨੇ ਪਿਛਲੇ 12 ਮਹੀਨਿਆਂ ਦੌਰਾਨ ਆਨਲਾਈਨ ਧੋਖਾਧੜੀ ਨਾਲ ਸਬੰਧਿਤ ਨੁਕਸਾਨ 'ਚ ਵਾਧਾ ਦਰਜ ਕੀਤਾ ਹੈ। ਹਾਲਾਂਕਿ ਏਸ਼ੀਆ ਪ੍ਰਸ਼ਾਤ 'ਚ ਸਰਵੇਖਣ 'ਚ ਸ਼ਾਮਲ ਕਾਰੋਬਾਰਾਂ 'ਚੋਂ 50 ਫੀਸਦੀ ਲੋਕਾਂ ਨੇ ਹੀ ਪਿਛਲੇ 12 ਮਹੀਨਿਆਂ ਦੌਰਾਨ ਧੋਖਾਧੜੀ ਦੇ ਨੁਕਸਾਨ 'ਚ ਵਾਧਾ ਹਾਸਲ ਕੀਤਾ ਹੈ। ਵੈਸ਼ਵਿਕ ਪੱਧਰ 'ਤੇ ਧੋਖਾਧੜੀ ਨਾਲ ਨੁਕਸਾਨ ਦਾ ਔਸਤ 55 ਫੀਸਦੀ ਹੈ। ਵੈਸ਼ਵਿਕ ਪੱਧਰ 'ਤੇ ਅਮਰੀਕਾ 'ਚ ਧੋਖਾਧੜੀ ਦਾ ਔਸਤ ਸਭ ਤੋਂ ਜ਼ਿਆਦਾ 80 ਫੀਸਦੀ ਹੈ।

ਗਾਹਕ ਬੈਂਕ ਅਤੇ ਕੰਪਨੀਆਂ 'ਤੇ ਕਰਦੇ ਹਨ ਸਭ ਤੋਂ ਜ਼ਿਆਦਾ ਭਰੋਸਾ
ਏਸ਼ੀਆ ਪ੍ਰਸ਼ਾਂਤ ਖੇਤਰ 'ਚ 60 ਫੀਸਦੀ ਗਾਹਕਾਂ ਦਾ ਆਪਣੇ ਨਿੱਜੀ ਡਾਟਾ ਨੂੰ ਸੰਭਾਲਨ 'ਚ ਬੈਂਕਾਂ ਅਤੇ ਕੰਪਨੀਆਂ 'ਚ ਜ਼ਿਆਦਾ ਭਰੋਸ ਕਰਦੇ ਹਨ। ਉੱਥੇ ਇਸ ਮਾਮਲੇ 'ਚ ਸਰਕਾਰੀ ਏਜੰਸੀਆਂ 'ਚ 57 ਫੀਸਦੀ ਅਤੇ ਭੁਗਤਾਨ ਸੇਵਾ ਪ੍ਰਦਾਤਾਵਾਂ 'ਚ 56 ਫੀਸਦੀ ਦਾ ਭਰੋਸਾ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸ ਖੇਤਰ 'ਚ 11 'ਚੋਂ 5 ਦੇਸ਼ਾਂ ਦੇ ਗਾਹਕ ਬੈਂਕਾਂ ਅਤੇ ਬੀਮਾ ਕੰਪਨੀਆਂ 'ਚ ਹੋਰ ਕਿਸੇ ਉਦਯੋਗ 'ਤੇ ਜ਼ਿਆਦਾ ਭਰੋਸਾ ਕਰਦੇ ਹਨ। ਇਸ ਤੋਂ ਬਾਅਦ ਸਰਕਾਰੀ ਏਜੰਸੀਆਂ ਅਤੇ ਭੁਗਤਾਨ ਸੇਵਾ ਪ੍ਰਦਾਤਾਵਾਂ ਦਾ ਸਥਾਨ ਹੈ। ਗਾਹਕਾਂ 'ਚ 71 ਫੀਸਦੀ ਲੋਕਾਂ ਦਾ ਕਹਿਣਾ ਹੈ ਕਿ ਆਨਲਾਈਨ ਅਨੁਭਵ 'ਚ ਉਨ੍ਹਾਂ ਦੀ ਸਭ ਤੋਂ ਵੱਡੀ ਪਹਿਲ ਸੁਰੱਖਿਆ ਹੈ। ਉੱਥੇ 20 ਫੀਸਦੀ ਗਾਹਕ ਸਹੂਲੀਅਤ ਅਤੇ 9 ਫੀਸਦੀ ਪਰਸਨਲਾਈਜੇਸ਼ਨ ਨੂੰ ਪਹਿਲ ਦਿੰਦੇ ਹਨ। ਹਾਲਾਂਕਿ ਜ਼ਿਆਦਾਤਰ ਉਧਮ ਸਭ ਤੋਂ ਪਹਿਲਾਂ ਸਹੂਲਤ ਦੇਣ 'ਤੇ ਧਿਆਨ ਦਿੰਦੇ ਹਨ।

ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸ ਤੋਂ ਪਤਾ ਚੱਲਦਾ ਹੈ ਕਿ ਉੱਧਮ ਸਹੂਲੀਅਤ ਨੂੰ ਪਹਿਲ ਦਿੰਦੇ ਹਨ ਜਦਕਿ ਗਾਹਕਾਂ ਲਈ ਸੁਰੱਖਿਆ ਸਭ ਤੋਂ ਅਹਿਮ ਹੈ। ਅੰਕੜਿਆਂ ਦਾ ਵਿਸ਼ਲੇਸ਼ਣ ਕਰਨ ਵਾਲੀ ਕੰਪਨੀ ਐਕਸਪੇਰੀਅਨ ਇੰਡੀਆ ਦੇ ਭਾਰਤ 'ਚ ਪ੍ਰਬੰਧ ਨਿਰਦੇਸ਼ਕ ਸੱਤਿਆ ਕਲਿਆਣਸੁੰਦਰਮ ਨੇ ਕਿਹਾ ਕਿ ਕੰਪਨੀਆਂ ਲਗਾਤਾਰ ਅਜਿਹੇ ਨਵੇਂ ਸਮਾਧਾਨ ਤਿਆਰ ਕਰ ਰਹੀ ਹੈ ਜੋ ਗਾਹਕਾਂ ਦੇ ਅਨੁਭਵ ਨੂੰ ਬਿਹਤਰ ਬਣਾਏ ਪਰ ਉਨ੍ਹਾਂ ਨੂੰ ਗਾਹਕਾਂ ਦੇ ਡਾਟਾ ਅਤੇ ਸੂਚਨਾਵਾਂ ਨੂੰ ਸੁਰੱਖਿਅਤ ਬਣਾ ਕੇ ਗਾਹਕਾਂ ਦੇ ਜੋਖਿਮ ਨੂੰ ਘੱਟ ਕਰਨ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਭਾਰਤ 'ਚ ਧੋਖਾਧੜੀ ਦਾ ਪੱਧਰ ਉੱਚਾ ਹੋਣ ਦੇ ਬਾਵਜੂਦ ਇਥੇ ਲੋਕਾਂ ਦਾ ਬੈਂਕਾਂ ਅਤੇ ਬੀਮਾ ਕੰਪਨੀਆਂ 'ਚ ਭਰੋਸਾ ਏਸ਼ੀਆ ਪ੍ਰਸ਼ਾਂਤ ਖੇਤਰ 'ਚ ਸਭ ਤੋਂ ਜ਼ਿਆਦਾ ਹੈ। ਭਾਰਤ 'ਚ 68 ਫੀਸਦੀ ਗਾਹਕਾਂ ਦਾ ਭੁਗਤਾਨ ਸਿਸਟਮ ਪ੍ਰਦਾਤਾਵਾਂ 'ਚ ਜ਼ਿਆਦਾ ਭਰੋਸਾ ਹੈ।