ਅਗਲੇ 6 ਮਹੀਨਿਆਂ ਵਿਚ ਆਉਣ ਵਾਲੇ ਹਨ 23 ਨਵੇਂ IPO, 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਪੂੰਜੀ ਜੁਟਾਉਣਗੀਆਂ ਕੰਪਨੀਆਂ

ਮੁੰਬਈ - ਬਾਜ਼ਾਰ 'ਚ ਵਾਧੇ ਦੇ ਰੁਝਾਨ ਨੂੰ ਦੇਖਦੇ ਹੋਏ ਕਈ ਕੰਪਨੀਆਂ ਸਟਾਕ ਐਕਸਚੇਂਜ 'ਤੇ ਲਿਸਟਿੰਗ ਦੀ ਤਿਆਰੀ ਕਰ ਰਹੀਆਂ ਹਨ। ਅਗਲੇ 6-7 ਮਹੀਨਿਆਂ ਵਿੱਚ ਕੁੱਲ 23 ਕੰਪਨੀਆਂ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ ਯਾਨੀ IPO ਰਾਹੀਂ 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਪੂੰਜੀ ਇਕੱਠੀ ਕਰਨਗੀਆਂ। ਇਸ ਹਫ਼ਤੇ ਅੱਧੀ ਦਰਜਨ ਤੋਂ ਵੱਧ ਆਈਪੀਓ ਖੁੱਲ੍ਹਣਗੇ। ਇਨ੍ਹਾਂ ਵਿੱਚੋਂ ਤਿੰਨ ਮੁੱਖ ਮਾਰਗ ਤੋਂ ਆਉਣਗੇ, ਜਦੋਂ ਕਿ ਚਾਰ ਐਸਐਮਈ ਰੂਟ ਤੋਂ ਆਉਣਗੇ।

ਇਹ ਵੀ ਪੜ੍ਹੋ : ਦਿੱਲੀ ਹਵਾਈ ਅੱਡੇ 'ਤੇ ਯਾਤਰੀ ਆਸਾਨੀ ਨਾਲ ਜਮ੍ਹਾਂ ਕਰ ਸਕਣਗੇ ਸਾਮਾਨ, DIAL ਨੇ ਸ਼ੁਰੂ ਕੀਤੀ SBD ਸਹੂਲਤ

ਇਸ ਹਫ਼ਤੇ ਸੱਤ ਕੰਪਨੀਆਂ ਆਈਪੀਓ ਰਾਹੀਂ ਬਾਜ਼ਾਰ ਤੋਂ 1,649 ਕਰੋੜ ਰੁਪਏ ਦੀ ਪੂੰਜੀ ਜੁਟਾਉਣਗੀਆਂ। ਮੁੱਖ ਬੋਰਡ 'ਤੇ ਸੂਚੀਬੱਧ ਕੰਪਨੀਆਂ 1,539 ਕਰੋੜ ਰੁਪਏ ਜੁਟਾਉਣਗੀਆਂ ਅਤੇ ਚਾਰ ਕੰਪਨੀਆਂ SME ਇਸ਼ੂ ਤੋਂ 110 ਕਰੋੜ ਰੁਪਏ ਜੁਟਾਉਣਗੀਆਂ।

ਪਿਛਲੇ ਸਾਲ ਆਏ ਕਈ ਆਈਪੀਓਜ਼ 

ਪਿਛਲੇ ਸਾਲ, LIC ਅਤੇ Delhivery ਵਰਗੀਆਂ ਵੱਡੀਆਂ ਕੰਪਨੀਆਂ ਦੇ IPO ਤੋਂ ਬਾਅਦ ਨਿਵੇਸ਼ਕਾਂ ਨੂੰ 67% ਤੱਕ ਦਾ ਨੁਕਸਾਨ ਹੋਇਆ ਹੈ। ਪਰ ਅਡਾਨੀ ਵਿਲਮਰ, ਰੁਚੀ ਸੋਇਆ ਅਤੇ ਹਰਿਓਮ ਪਾਈਪਸ ਵਰਗੇ ਆਈਪੀਓ ਨੇ ਵੀ 321% ਤੱਕ ਦਾ ਰਿਟਰਨ ਦਿੱਤਾ ਹੈ।

ਇਸ ਸਾਲ ਨੁਕਸਾਨ ਦੀ ਸੰਭਾਵਨਾ ਘੱਟ

2022 ਦੇ ਉਲਟ, 2023 ਵਿੱਚ ਆਈਪੀਓ ਦੀ ਪੇਸ਼ਕਸ਼ ਉਮੀਦ ਤੋਂ ਵੱਧ ਹੋ ਸਕਦੀ ਹੈ। ਅਰਨਸਟ ਐਂਡ ਯੰਗ ਦੇ ਅਨੁਸਾਰ, ਇਸ ਸਾਲ ਆਈਪੀਓ ਮਾਰਕੀਟ ਦਾ ਰੁਝਾਨ ਸਥਿਰ ਹੈ ਅਤੇ ਦ੍ਰਿਸ਼ਟੀਕੋਣ ਸਕਾਰਾਤਮਕ ਹੈ। ਯਾਨੀ ਨੁਕਸਾਨ ਦੀ ਸੰਭਾਵਨਾ ਘੱਟ ਹੈ।

ਇਹ ਵੀ ਪੜ੍ਹੋ : ਆਮਦਨ ਕਰ ਵਿਭਾਗ ਦੀ ਸਖ਼ਤੀ, ਮੋਟੀ ਰਕਮ ਦਾਨ ਦੇਣ ਵਾਲੀਆਂ ਦੀ ਦੇਣੀ ਪਵੇਗੀ ਜਾਣਕਾਰੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ  ਵਿਚ ਜ਼ਰੂਰ ਸਾਂਝੇ ਕਰੋ।