ਜਲਦ ਲਾਂਚ ਹੋਵੇਗੀ ਮਹਿੰਦਰਾ ਦੀ ਇਹ ਪਹਿਲੀ ਆਫ-ਰੋਡ ਕਾਰ

ਜਲੰਧਰ- ਵਾਹਨ ਨਿਰਮਾਤਾ ਕੰਪਨੀ ਮਹਿੰਦਰਾ ਆਪਣੀ ਨਵੀਂ ਆਫ-ਰੋਡ ਕਾਰ ਰਾਕਸਰ ਤੋਂ 2 ਮਾਰਚ 2018 ਨੂੰ ਪਰਦਾ ਹਟਾਏਗੀ ਜੋ ਖਾਸ ਤੌਰ 'ਤੇ ਨਾਰਥ ਅਮਰੀਕੀ ਮਾਰਕੀਟ ਲਈ ਬਣਾਈ ਗਈ ਹੈ। ਕੰਪਨੀ ਨੇ ਆਪਣੀ ਇਸ ਆਫ-ਰੋਡ ਕਾਰ ਦਾ ਟੀਜ਼ਰ ਵੀਡੀਓ ਵੀ ਜਾਰੀ ਕੀਤਾ ਹੈ ਜਿਸ 'ਚ ਇਸ ਸ਼ਾਨਦਾਰ ਹਾਰਡ-ਕੋਰ ਆਫ-ਰੋਡ ਨੂੰ ਵਿਖਾਇਆ ਗਿਆ ਹੈ। ਜਾਰੀ ਹੋਈ ਇਸ ਟੀਜ਼ਰ ਵੀਡੀਓ ਤੋਂ ਇਸ ਕਾਰ ਦੀ ਕੁਝ ਜਾਣਕਾਰੀ ਸਾਹਮਣੇ ਆਈ ਹੈ। ਜਿਸ 'ਚ ਬੇਅਰ-ਬੋਂਸ ਸੈੱਟਅਪ ਦੇ ਨਾਲ ਟੂ-ਸੀਟਰ ਅਤੇ ਓਪਨ-ਟਾਪ ਸਪੱਸ਼ਟ ਵੇਖਿਆ ਹੈ ਅਤੇ ਰਾਕਸਰ ਨਾਂ ਸਾਹਮਣੇ ਆਇਆ ਹੈ। 

ਇਸ ਤੋਂ ਇਲਾਵਾ ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਰਾਕਸਰ 'ਚ 1.6-ਲਿਟਰ ਦਾ ਇੰਜਣ ਲਗਾਉਣ ਵਾਲੀ ਹੈ ਜੋ ਸੈਗਇੰਗ ਟਿਵੋਲੀ ਨਾਲ ਲਿਆਇਆ ਗਿਆ ਹੈ। ਉਥੇ ਹੀ ਕਾਰ ਦੇ ਇੰਜਣ ਨੂੰ 5-ਸਪੀਡ ਜਾਂ 6-ਸਪੀਡ ਮੈਨੂਅਲ ਗਿਅਰਬਾਕਸ ਦੇ ਲੈਸ ਕੀਤਾ ਜਾਵੇਗਾ।

ਦੱਸ ਦਈਏ ਕਿ ਮਹਿੰਦਰਾ ਰਾਕਸਰ ਮਹਿੰਦਰਾ ਆਟੋਮੋਟਿਵ ਨਾਰਥ ਅਮਰੀਕਾ ਦਾ ਪ੍ਰੋਜੈਕਟ ਹੈ ਅਤੇ ਇਸ ਨੂੰ ਪੂਰੀ ਤਰ੍ਹਾਂ ਇਨ-ਹਾਊਸ ਡਿਜ਼ਾਇਨ ਕੀਤਾ ਗਿਆ ਹੈ। ਕੰਪਨੀ ਇਸ ਕਾਰ ਦਾ ਉਤਪਾਦਨ ਯੂ. ਐੱਸ ਦੇ ਡੇਟਰਾਈਟ ਦੇ ਪਲਾਂਟ 'ਚ ਕਰਨ ਵਾਲੀ ਹੈ ਜਿਸ ਨੂੰ ਨਵੰਬਰ 2017 'ਚ ਹੀ ਸ਼ੁਰੂ ਕੀਤਾ ਗਿਆ ਹੈ।