ਨਵੇਂ ਅੰਦਾਜ਼ ''ਚ ਆਵੇਗੀ ਭਾਰਤ ''ਚ ਨਵੀਂ ਨਿਸਾਨ ਐਕਸ-ਟ੍ਰੇਲ

ਜਲੰਧਰ- ਨਿਸਾਨ ਨੇ ਯੂਰੋਪ 'ਚ ਲਾਂਚ ਹੋਣ ਵਾਲੀ ਫੇਸਲਿਫਟ ਐਕਸ-ਟਰੇਲ ਐੱਸ. ਯੂ. ਵੀ  ਤੋਂ ਪਰਦਾ ਚੁੱਕ ਦਿੱਤਾ ਹੈ, ਇਹੀ ਐਕਸ-ਟਰੇਲ ਭਾਰਤ 'ਚ ਵੀ ਲਾਂਚ ਕੀਤੀ ਜਾਵੇਗੀ। ਇਸ ਨੂੰ ਪਿਛਲੇ ਸਾਲ ਸਤੰਬਰ 'ਚ ਦੁਨੀਆ ਦੇ ਪੇਸ਼ ਕੀਤਾ ਗਿਆ ਸੀ। ਹੁਣ ਕੰਪਨੀ ਦੀ ਯੋਜਨਾ ਅਮਰੀਕਾ ਅਤੇ ਯੂਰੋਪ 'ਚ ਮੌਜੂਦ ਐਕਸ-ਟਰੇਲ ਨੂੰ ਇਕ ਜਿਹਾ ਅਪਡੇਟ ਕਰਨ ਦੀ ਹੈ। 

ਗੱਲ ਕਰੀਏ ਭਾਰਤੀ ਬਾਜ਼ਾਰ ਦੀ ਤਾਂ ਨਿਸਾਨ ਨੇ ਪਹਿਲਾਂ ਹੀ ਸਾਫ਼ ਕਰ ਦਿੱਤਾ ਹੈ ਕਿ ਐਕਸ-ਟਰੇਲ ਐੱਸ. ਯੂ. ਵੀ ਇੱਥੇ ਫਿਰ ਤੋਂ ਵਾਪਸੀ ਕਰੇਗੀ, ਕੰਪਨੀ ਨੇ ਤੀਜੀ ਜਨਰੇਸ਼ਨ ਦੀ ਐਕਸ-ਟਰੇਲ ਨੂੰ ਆਟੋ ਐਕਸਪੋ-2016 'ਚ ਵੀ ਵਿਖਾਇਆ ਸੀ। ਭਾਰਤ 'ਚ ਨਵੀਂ ਐਕਸ-ਟਰੇਲ ਨੂੰ ਆਉਣ ਵਾਲੇ ਮਹੀਨਿਆਂ 'ਚ ਲਾਂਚ ਕੀਤਾ ਜਾ ਸਕਦਾ ਹੈ, ਅੰਦਾਜਾ ਲਗਾਇਆ ਜਾ ਰਿਹਾ ਹੈ ਕਿ ਭਾਰਤ 'ਚ ਇਸ ਨੂੰ ਹਾਇਬਰਿਡ ਅਵਤਾਰ 'ਚ ਉਤਾਰਿਆ ਜਾਵੇਗਾ। 

ਦਿਲਚਸਪ ਗੱਲ ਇਹ ਹੈ ਕਿ ਐਕਸ-ਟਰੇਲ 'ਚ 2018 ਤੋਂ ਨਿਸਾਨ ਦੀ ਪ੍ਰੋਪਾਇਲਟ ਸੈਮੀ-ਆਟੋਨਾਮਸ ਟੈਕਨਾਲੋਜੀ ਆਵੇਗੀ, ਹਾਲਾਂਕਿ ਭਾਰਤ 'ਚ ਵਿਕਰੀ ਲਈ ਉਪਲੱਬਧ ਹੋਣ ਵਾਲੀ ਐਕਸ-ਟਰੇਲ 'ਚ ਇਹ ਟੈਕਨਾਲੋਜੀ ਸ਼ਾਇਦ ਹੀ ਦੇਖਣ ਨੂੰ ਮਿਲੇ। ਪ੍ਰੋਪਾਇਲਟ ਟੈਕਨਾਲੋਜੀ ਦੇਣਾ, ਆਟੋਨਾਮਸ ਕਾਰਾਂ ਤਿਆਰ ਕਰਨ ਦੀ ਦਿਸ਼ਾ 'ਚ ਨਿਸਾਨ ਦਾ ਪਹਿਲਾ ਕੱਦਮ ਹੈ, ਕੰਪਨੀ ਨੇ ਸਾਲ 2020 ਤੱਕ ਆਪਣੇ ਆਪ ਚੱਲਣ ਵਾਲੀ  ਆਟੋਨਾਮਸ ਕਾਰਾਂ ਲਿਆਉਣ ਦਾ ਟੀਚਾ ਰੱਖਿਆ ਹੈ। ਐਕਸ-ਟਰੇਲ ਐੱਸ. ਯੂ. ਵੀ 'ਚ ਪ੍ਰੋਪਾਇਲਟ ਸਿਸਟਮ ਸਟੀਅਰਿੰਗ, ਐਕਸੀਲੇਰੇਸ਼ਨ ਅਤੇ ਹਾਇ-ਉਹ ਦੇ ਹੈਵੀ ਟਰੈਫਿਕ ਚ ਸਿੰਗਲ ਲੇਨ 'ਤੇ ਕਾਰ ਦੀ ਬਰੇਕਿੰਗ ਨੂੰ ਕੰਟਰੋਲ ਕਰੇਗਾ।