ਪਾਵਰ ਅਤੇ ਪਰਫਾਰਮੇਨਸ ਦਾ ਬਿਹਤਰੀਨ ਮੇਲ ਹੈ ਇਲੈਕਟ੍ਰਿਕ Jaguar I-Pace

ਜਲੰਧਰ- ਲਗਜ਼ਰੀ ਵਾਹਨ ਨਿਰਮਾਤਾ ਕੰਪਨੀ ਜੈਗੁਆਰ ਦਾ ਨਾਮ ਦੁਨੀਆਭਰ 'ਚ ਆਪਣੀ ਹਾਈ ਪਰਫਾਰਮੇਨਸ ਕਾਰਾਂ ਲਈ ਮਸ਼ਹੂਰ ਹੈ। ਉਥੇ ਹੀ ਇਲੈਕਟ੍ਰਿਕ ਵਾਹਨਾਂ ਨੂੰ ਉਤਸ਼ਾਹ ਦੇਣ ਲਈ ਸਾਰੇ ਆਟੋ ਕੰਪਨੀਆਂ ਇਲੈਕਟ੍ਰਿਕ ਕਾਰਾਂ ਨੂੰ ਵਿਕਸਿਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਦੇ ਤਹਿਤ ਜੈਗੁਆਰ ਨੇ ਆਪਣੀ ਪਹਿਲੀ ਆਲ ਇਲੈਕਟ੍ਰਿਕ SUV I-Pace ਨੂੰ ਪੇਸ਼ ਕੀਤਾ ਹੈ। ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਹੈ ਕਿ ਇਹ ਇਕ ਚਾਰਜ 'ਚ 386 ਕਿਲੋਮੀਟਰ (ਲਗਭਗ 240 ਮੀਲ) ਦਾ ਰਸਤਾ ਤੈਅ ਕਰ ਸਕਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਪਹਿਲੀ ਆਲ ਇਲੈਕਟ੍ਰਿਕ ਕਾਰ ਹੋਵੇਗੀ ਜੋ ਲਾਂਗ ਰੇਂਜ ਵਾਲੀ ਹੋਰ ਕਾਰਾਂ ਨੂੰ ਕੜੀ ਟੱਕਰ ਦੇਵੇਗੀ ਜਿਸ 'ਚ ਇਹ ਕਾਰ ਟੈਸਲਾ ਦੀ ਇਕ ਚਾਰਜ 'ਚ 381 ਕਿਲੋਮੀਟਰ ਤਕ ਚੱਲਣ ਵਾਲੀ X 75D ਕਾਰ ਸ਼ਾਮਿਲ ਹੈ। ਦਸ ਦਈਏ ਕਿ ਜੈਗੁਆਰ ਨੇ ਸਾਲ 2016 'ਚ ਇਸ ਕਾਰ ਨੂੰ ਇਕ ਕੰਸੈਪਟ ਦੇ ਰੂਪ 'ਚ ਲਿਆਉਣ 'ਤੇ ਗੱਲ ਕੀਤੀ ਸੀ। ਉਥੇ ਹੀ ਦੱਸਿਆ ਜਾ ਰਿਹਾ ਹੈ ਕਿ ਕਾਰ ਦੇ ਪ੍ਰੋਡਕਸ਼ਨ ਮਾਡਲ ਨੂੰ ਇਸ ਹਫ਼ਤੇ ਦੇ ਅਖੀਰ ਤੱਕ ਯੂ. ਕੇ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ।

ਫਾਸਟ ਚਾਰਜਿੰਗ ਸਪੋਰਟ
ਇਸ ਆਲ ਇਲੈਕਟ੍ਰਿਕ ਕਾਰ ਨੂੰ ਫਾਸਟ ਚਾਰਜਿੰਗ ਤਕਨੀਕ ਨਾਲ ਲੈਸ ਕੀਤਾ ਗਿਆ ਹੈ। ਇਹ ਕਾਰ 100-kW 43 ਰੈਪਿਡ ਚਾਰਜਰ ਨਾਲ ਸਿਰਫ਼ 40 ਮਿੰਟਾਂ 'ਚ ਹੀ 80 ਫ਼ੀਸਦੀ ਤੱਕ ਚਾਰਜ ਹੋ ਜਾਂਦੀ ਹੈ।  ਉਥੇ ਹੀ ਇਸ ਨੂੰ ਸਧਾਰਣ ਵਾਲ ਆਊਟਲੇਟ (230V/321) ਤੋਂ ਵੀ (7kW)13 ਵਾਲ ਬਾਕਸ ਦੇ ਨਾਲ 10 ਘੰਟੇ 'ਚ 80 ਫ਼ੀਸਦੀ ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ।

ਆਧੁਨਿਕ ਨੈਵੀਗੇਸ਼ਨ ਸਿਸਟਮ
ਕਾਰ 'ਚ ਲਗਾ ਨਵਾਂ ਨੈਵੀਗੇਸ਼ਨ ਸਿਸਟਮ ਚਾਰਜਿੰਗ ਸਟੇਟਸ ਨੂੰ ਵਿਖਾਉਣ ਦੇ ਨਾਲ ਇਹ ਵੀ ਦੱਸੇਗਾ ਕਿ ਮੌਜੂਦਾ ਬੈਟਰੀ ਪਾਵਰ ਨਾਲ ਕਾਰ ਕਿੰਨੇ ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ। ਇਸ ਤੋਂ ਇਲਾਵਾ ਇਸ 'ਚ ਡਿਊਲ ਸਕਰੀਨ ਟੱਚ ਪ੍ਰੋ ਇੰਫੋਟੇਨਮੈਂਟ ਸਿਸਟਮ ਦਿੱਤਾ ਗਿਆ ਹੈ ਜੋ ਪਿਛਲੇ ਸਾਲ ਰੇਂਜ ਰੋਵਰ ਵੇਲਾਰ 'ਚ ਵੀ ਦੇਖਣ ਨੂੰ ਮਿਲਿਆ ਸੀ।

ਕਾਰ 'ਚ ਲੱਗੀ 2 ਇਲੈਕਟ੍ਰਿਕ ਮੋਟਰਸ
Pace SUV 'ਚ ਜੈਗੁਆਰ ਰਾਹੀਂ ਹੀ ਡਿਜ਼ਾਇਨ ਕੀਤੀ ਗਈ 2 ਇਲੈਕਟ੍ਰਿਕ ਮੋਟਰਸ ਲਗੀ ਹਨ ਜਿਨ੍ਹਾਂ ਨੂੰ 90-kWh ਲੀਥੀਅਮ ਆਇਨ ਬੈਟਰੀ ਪੈਕਸ ਦੇ ਨਾਲ ਜੋੜਿਆ ਗਿਆ ਹੈ। ਇਲੈਕਟ੍ਰਿਕ ਹੋਣ ਦੇ ਬਾਵਜੂਦ ਜੇਕਰ ਪਾਵਰ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਫਿਊਲ ਤੋਂ ਚੱਲਣ ਵਾਲੀ ਹੋਰ S”Vs ਤੋ ਘੱਟ ਨਹੀਂ ਹੈ। ਇਹ ਇਲੈਕਟ੍ਰਿਕ ਕਾਰ 0 ਤੋਂ 96.5km/h ਦੀ ਸਪੀਡ ਸਿਰਫ਼ 4.5 ਸੈਕਿੰਡ 'ਚ ਫੜ ਲੈਂਦੀ ਹੈ।

ਦੱਸ ਦਈਏ ਕਿ ਅਜੇ ਇਸ ਗੱਲ ਦਾ ਕੋਈ ਖੁਲਾਸਾ ਨਹੀਂ ਹੋਇਆ ਹੈ ਕਿ Jaguar I-Pace ਕਾਰ ਨੂੰ ਭਾਰਤ 'ਚ ਲਾਂਚ ਕੀਤਾ ਜਾਵੇਗਾ ਜਾਂ ਨਹੀਂ। ਉਥੇ ਹੀ ਭਾਰਤ 'ਚ ਲੋਕਾਂ ਦੀ ਇਲੈਕਟ੍ਰਿਕ ਵਾਹਨਾਂ ਦੀ ਪਾਸੇ ਵੱਧ ਰਹੀ ਰੂਚੀ ਨੂੰ ਵੇਖਦੇ ਹੋਏ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਕਾਰ ਨੂੰ ਆਉਣ ਵਾਲੇ ਸਮੇਂ 'ਚ ਭਾਰਤ 'ਚ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ।