ਸਾਨੀਆ, ਬੋਪੰਨਾ ਕੁਆਰਟਰਫਾਈਨਲ 'ਚ
10/04/2017 4:18:58 PM
ਬੀਜਿੰਗ, (ਬਿਊਰੋ)— ਭਾਰਤ ਦੀ ਸਟਾਰ ਖਿਡਾਰਨ ਸਾਨੀਆ ਮਿਰਜ਼ਾ ਅਤੇ ਸਿਖਰਲੇ ਪੁਰਸ਼ ਡਬਲਜ਼ ਖਿਡਾਰੀ ਰੋਹਨ ਬੋਪੰਨਾ ਨੇ ਆਪਣੇ-ਆਪਣੇ ਜੋੜੀਦਾਰਾਂ ਦੇ ਨਾਲ ਇੱਥੇ ਚਾਈਨਾ ਓਪਨ ਟੈਨਿਸ ਟੂਰਨਾਮੈਂਟ ਦੇ ਕੁਆਰਟਰਫਾਈਨਲ ਵਿੱਚ ਪਰਵੇਸ਼ ਕਰ ਲਿਆ ਹੈ । ਸੰਸਾਰਕ ਰੈਂਕਿੰਗ ਵਿੱਚ 9ਵੇਂ ਨੰਬਰ ਦੀ ਖਿਡਾਰਨ ਸਾਨੀਆ ਨੇ ਆਪਣੀ ਚੀਨੀ ਜੋੜੀਦਾਰ ਸ਼ੁਆਈ ਪੇਂਗ ਦੇ ਨਾਲ ਅੰਤਿਮ-16 ਰਾਉਂਡ ਵਰਗ ਦੇ ਮੁਕਾਬਲੇ ਵਿੱਚ ਡੇਮੀ ਸ਼ੁਰਸ ਅਤੇ ਏਲਿਸ ਮਰਟੇਂਸ ਦੀ ਜੋੜੀ ਨੂੰ ਲਗਾਤਾਰ ਸੈਟਾਂ ਵਿੱਚ 7-5, 6-2 ਨਾਲ ਹਰਾ ਦਿੱਤਾ ।
ਟੂਰਨਾਮੈਂਟ ਵਿੱਚ ਤੀਜਾ ਦਰਜਾ ਪ੍ਰਾਪਤ ਸਾਨੀਆ-ਸ਼ੁਆਈ ਦੀ ਜੋੜੀ ਨੂੰ ਪਹਿਲੇ ਦੌਰ ਵਿੱਚ ਬਾਈ ਮਿਲੀ ਸੀ । ਉਹ ਹੁਣ ਸੈਮੀਫਾਈਨਲ ਵਿੱਚ ਪਰਵੇਸ਼ ਲਈ ਹਾਓ ਚਿੰਗ ਚਾਨ ਅਤੇ ਕੋਰਨੇਟ ਐਲਾਇਜ਼ ਅਤੇ ਕੈਟਰੀਨਾ ਸਿਨਿਆਕੋਵਾ ਅਤੇ ਬਾਰਬੋਰਾ ਸਟਰਾਈਕੋਵਾ ਦੀ ਜੋੜੀ ਵਿਚਾਲੇ ਮੈਚਾਂ ਦੇ ਜੇਤੂ ਨਾਲ ਭਿੜਨਗੀਆਂ।
ਉਥੇ ਹੀ ਪੁਰਸ਼ ਡਬਲਜ਼ ਭਾਰਤੀ ਖਿਡਾਰੀ ਇੱਕ ਵਾਰ ਫਿਰ ਤੋਂ ਉਰੂਗਵੇ ਦੇ ਪਾਬਲੋ ਕਿਊਵਾਸ ਦੇ ਨਾਲ ਜੋੜੀ ਬਣਾਕੇ ਖੇਡ ਰਹੇ ਹਨ ਅਤੇ ਉਨ੍ਹਾਂ ਨੇ ਚੀਨ ਦੀ ਵਾਇਲਡ ਕਾਰਡ ਜੋੜੀ ਗੋਂਗ ਮਾਓਸ਼ਿਨ ਅਤੇ ਝਾਂਗ ਜ਼ੀ ਨੂੰ ਅੰਤਮ-16 ਰਾਉਂਡ ਵਿੱਚ ਏਕਤਰਫਾ ਮੁਕਾਬਲੇ ਵਿੱਚ 6- 0, 6-4 ਤੋਂ ਹਰਾਕੇ ਕੁਆਰਟਰਫਾਈਨਲ ਵਿੱਚ ਜਗ੍ਹਾ ਬਣਾ ਲਈ । ਉਹ ਅਗਲੇ ਮੈਚ ਵਿੱਚ ਹੈਨਰੀ ਕੋਂਟਿਨੇਨ ਅਤੇ ਅਤੇ ਜਾਨ ਪੀਅਰਸ ਦੀ ਸਿਖਰਲੀ ਦਰਜਾ ਪ੍ਰਾਪਤ ਜੋੜੀ ਨਾਲ ਭਿੜਨਗੇ।
