ਬੰਗਲਾਦੇਸ਼ ''ਚ ਰੋਹਿੰਗਿਆ ਕੈਂਪਾਂ ''ਚ 7 ਲੱਖ ਤੋਂ ਜ਼ਿਆਦਾ ਲੋਕਾਂ ਨੂੰ ਦਿੱਤੇ ਗਏ ਹੈਜੇ ਦੇ ਟੀਕੇ

ਢਾਕਾ (ਭਾਸ਼ਾ)— ਵਿਸ਼ਵ ਸਿਹਤ ਕੈਬਨਿਟ ਡਬਲਿਊ.ਐਚ.ਓ. ਨੇ ਬੰਗਲਾਦੇਸ਼ ਦੇ ਕਾਕਸ ਬਜ਼ਾਰ ਇਲਾਕੇ 'ਚ ਰੋਹਿੰਗਿਆ ਸ਼ਰਨਾਰਥੀ ਕੈਂਪਾਂ 'ਚ ਰਹਿ ਰਹੇ 7 ਲੱਖ ਤੋਂ ਜ਼ਿਆਦਾ ਲੋਕਾਂ ਨੂੰ ਹੈਜੇ ਦੇ ਟੀਕੇ ਦਿੱਤੇ ਗਏ ਹਨ। ਇਹ ਡਬਲਿਊ.ਐਚ.ਓ. ਵਲੋਂ ਚਲਾਈ ਗਈ ਇਸ ਤਰ੍ਹਾਂ ਦਾ ਦੂਜੀ ਸਭ ਤੋਂ ਵੱਡੀ ਮੁਹਿੰਮ ਹੈ। ਰੋਹਿੰਗਿਆ ਅਤੇ ਹੋਰ ਲੋਕਾਂ ਨੂੰ ਹੈਜੇ ਤੋਂ ਬਚਾਉਣ ਲਈ 10 ਅਕਤੂਬਰ ਨੂੰ ਪਹਿਲਾ ਪੜਾਅ ਸ਼ੁਰੂ ਕਰ ਦਿੱਤਾ ਗਿਆ ਸੀ। ਬੰਗਲਾਦੇਸ਼ 'ਚ ਡਬਲਿਊ.ਐਚ.ਓ. ਦੇ ਪ੍ਰਤੀਨਿਧੀ ਐਨ ਪਰਾਨੀਥਰਨ ਨੇ ਕਿਹਾ ਕਿ ਇਸ ਮੁਹਿਮ 'ਚ ਇਕ ਸਾਲ ਜਾਂ ਇਸ ਤੋਂ ਜ਼ਿਆਦਾ ਉਮਰ ਦੇ 700487 ਲੋਕਾਂ ਨੂੰ ਟੀਕੇ ਦਿੱਤੇ ਗਏ। ਇਨ੍ਹਾਂ ਤੋਂ 179848 ਬੱਚੇ ਪੰਜ ਸਾਲ ਤੱਕ ਦੀ ਉਮਰ ਦੇ ਸਨ। ਟੀਕਾਕਰਨ ਦੀ ਦੂਜੀ ਮੁਹਿੰਮ ਨਵੰਬਰ 'ਚ ਸ਼ੁਰੂ ਹੋਵੇਗੀ।