ਵੈਸਟਇੰਡੀਜ਼ ਦੇ ਖਿਲਾਫ ਖੇਡੇ ਮੈਚ ''ਚ ਗਲਤ ਭਾਸ਼ਾ ਬੋਲਣ ''ਤੇ ਆਸਟ੍ਰੇਲੀਆਈ ਸਪਿਨਰ ਜੰਪਾ ਨੂੰ ਲਗੀ ਫਟਕਾਰ

ਲੰਦਨ : ਆਸਟਰੇਲੀਆ ਦੇ ਸਪਿਨਰ ਐਡਮ ਜੰਪਾ ਨੂੰ ਵੈਸਟਇੰਡੀਜ਼ ਦੇ ਖਿਲਾਫ ਟਰੇਂਟ ਬ੍ਰਿਜ 'ਚ ਵਿਸ਼ਵ ਕੱਪ ਮੁਕਾਬਲੇ 'ਚ 'ਭੱਦੇ ਸ਼ਬਦਾਂ' ਦੇ ਇਸਤੇਮਾਲ ਕਰਨ 'ਤੇ ਆਈ. ਸੀ. ਸੀ ਨੇ ਫਟਕਾਰ ਲਗਾਈ ਹੈ। ਆਈ. ਸੀ. ਸੀ ਨੇ ਜਾਰੀ ਬਿਆਨ 'ਚ ਕਿਹਾ ਗਿਆ- ਆਸਟ੍ਰੇਲੀਆਈ ਗੇਂਦਬਾਜ਼ ਐਡਮ ਜੰਪਾ ਨੂੰ ਆਸਟਰੇਲੀਆ ਤੇ ਵੈਸਟਇੰਡੀਜ਼ ਦੇ 'ਚ ਖੇਡੇ ਗਏ ਵਿਸ਼ਵ ਕੱਪ ਮੁਕਾਬਲੇ ਦੇ ਦੌਰਾਨ ਆਈ. ਸੀ. ਸੀ ਦੀ ਅਚਾਰ ਸੰਹਿਤਾ ਦੇ ਲੈਵਲ ਇਕ ਦੀ ਉਲੰਘਣਾ ਕਰਨ 'ਤੇ ਫਟਕਾਰ ਲਗਾਈ ਗਈ ਹੈ।
ਜੰਪਾ ਨੂੰ ਖਿਡਾਰੀਆਂ ਤੇ ਸਾਥੀ ਸਟਾਫ ਦੇ ਆਈ. ਸੀ. ਸੀ. ਅਚਾਰ ਸੰਹਿਤਾ ਦੇ ਨਿਯਮ 2.3 ਦੀ ਉਲੰਘਣਾ ਦਾ ਦੋਸ਼ੀ ਪਾਇਆ ਗਿਆ ਹੈ। ਇਹ ਨਿਯਮ ਅੰਤਰਰਾਸ਼ਟਰੀ ਮੈਚ 'ਚ ਅਸ਼ਲੀਲ ਸ਼ਬਦਾਂ ਦੇ ਇਸਤੇਮਾਲ ਕਰਨ ਨਾਲ ਸਬੰਧਿਤ ਹੈ। ਇਹ ਘਟਨਾ ਵੈਸਟਇੰਡੀਜ਼ ਦੀ ਪਾਰੀ ਦੀਆਂ 29ਵੇਂ ਓਵਰ 'ਚ ਵਾਪਰੀ ਜਦੋਂ ਜੰਪਾ ਨੇ ਭੱਦੀ ਭਾਸ਼ਾ ਦਾ ਇਸਤੇਮਾਲ ਕੀਤਾ ਤੇ ਅੰਪਾਇਰ ਨੇ ਉਸ ਨੂੰ ਸੁਣ ਲਿਆ। ਜੰਪਾ ਨੇ ਆਪਣੀ ਗਲਤੀ ਮਾਨ ਲਈ ਅਤੇ ਮੈਚ ਰੈਫਰੀ ਜੇਫ ਕਰਾਂ ਫੈਸਲੇ ਨੂੰ ਸਵੀਕਾਰ ਕਰ ਲਿਆ। ਇਸ ਤੋਂ ਬਾਅਦ ਮਾਮਲੇ ਦੀ ਰਸਮੀ ਸੁਣਵਾਈ ਦੀ ਜ਼ਰੂਰਤ ਨਹੀਂ ਪਈ।