ਪਤਨੀ ਤੋਂ ਮਾਰ ਖਾ-ਖਾ ਰੈਨਾ ਤੇ ਹਿੱਟਮੈਨ ਵਰਗੀਆਂ ਹੋ ਜਾਣੀਆਂ ਗੱਲ੍ਹਾਂ, ਚਾਹਲ ਨੂੰ ਦਾ ਯੁਵੀ ਜਵਾਬ
05/13/2020 11:50:59 AM
ਸਪੋਰਟਸ ਡੈਸਕ : ਭਾਰਤੀ ਟੀਮ ਦੇ ਓਪਨਰ ਬੱਲੇਬਾਜ਼ ਰੋਹਿਤ ਸ਼ਰਮਾ ਨੇ ਸੁਰੇਸ਼ ਰੈਨਾ ਦੇ ਨਾਲ ਇੰਸਟਾਗ੍ਰਾਮ ਲਾਈਵ ਸੈਸ਼ਨ ਵਿਚ ਹੱਸਾ ਲਿਆ। ਇਸ ਦੌਰਾਨ ਦੋਵਾਂ ਨੇ ਕ੍ਰਿਕਟ ਅਤੇ ਕੋਰੋਨਾ ਵਾਇਰਸ ਨੂੰ ਲੈ ਕੇ ਗੱਲ ਕੀਤੀ। ਰੈਨਾ ਅਤੇ ਰੋਹਿਤ ਦੀ ਗੱਲਬਾਤ ਵਿਚਾਲੇ ਚਾਹਲ ਵੀ ਆ ਗਏ ਅਤੇ ਉਸ ਨੇ ਕੁਮੈਂਟ ਕੀਤਾ, ਜਿਸ 'ਤੇ ਯੁਵਰਾਜ ਸਿੰਘ ਨੇ ਰੋਹਿਤ ਅਤੇ ਰੈਨਾ ਨੂੰ ਟ੍ਰੋਲ ਕਰ ਦਿੱਤਾ। ਯੁਵਜਵੇਂਦਰ ਚਾਹਲ ਕਈ ਖਿਡਾਰੀਆਂ ਦੀ ਇੰਸਟਾਗ੍ਰਾਮ ਲਾਈਵ ਚੈਟ ਵਿਚ ਪਹਿਲਾਂ ਵੀ ਇਸੇ ਤਰ੍ਹਾਂ ਕਈ ਵਾਰ ਵੜ ਚੁੱਕੇ ਹਨ। ਚਾਹਲ ਲਾਈਵ ਸੈਸ਼ਨ ਦੌਰਾਨ ਕੁਮੈਂਟ ਕਰਦੇ ਦੇਖੇ ਜਾਂਦੇ ਹਨ।
ਚਾਹਲ ਨੇ ਰੈਨਾ ਅਤੇ ਰੋਹਿਤ ਦੀ ਇਸੰਟਾਗ੍ਰਾਮ ਲਾਈਵ ਚੈਟ ਵਿਚ ਵੀ ਐਂਟਰੀ ਮਾਰੀ ਅਤੇ ਉਸ ਨੇ ਮਜ਼ੇਦਾਰ ਕੁਮੈਂਟ ਕੀਤਾ। ਚਾਹਲ ਨੇ ਸੁਰੇਸ਼ ਰੈਨਾ ਅਤੇ ਰੋਹਿਤ ਸ਼ਰਮਾ ਨਾਲ ਵਿਆਹ ਨੂੰ ਲੈ ਕੇ ਟਿਪਸ ਮੰਗੇ। ਚਾਹਲ ਨੇ ਪੁੱਛਿਆ ਕਿ ਅਰੇਂਜ ਮੈਰੇਜ ਨੂੰ ਕੇ ਕੋਈ ਟਿਪਸ। ਇਸ ਸਵਾਲ ਦੇ ਜਵਾਬ ਵਿਚ ਚਾਹਲ ਨੂੰ ਇਨ੍ਹਾਂ ਦੋਵਾਂ ਖਿਡਾਰੀਆਂ ਤੋਂ ਕੋਈ ਜਵਾਬ ਨਹੀਂ ਮਿਲਿਆ ਪਰ ਯੁਵਰਾਜ ਸਿੰਘ ਨੇ ਮਜ਼ੇਦਾਰ ਕੁਮੈਂਟ ਕਰ ਦਿੱਤਾ।
Some screenshots from Rohit - Raina instagram Live chat pic.twitter.com/IG0ic5I7B7
— 🐥 (@Rohits_warrior_) May 12, 2020
ਯੁਜਵੇਂਦਰ ਚਾਹਲ ਦੇ ਕੁਮੈਂਟ ਦੇ ਜਵਾਬ ਵਿਚ ਯੁਵੀ ਨੇ ਲਿਖਿਆ ਕਿ ਨਾ ਕਰੀ ਯੁਜੀ। ਰੈਨਾ ਅਤੇ ਹਿੱਟਮੈਨ ਵਰਗੀਆਂ ਗੱਲਾਂ ਹੋ ਜਾਣੀਆਂ ਪਤਨੀ ਤੋਂ ਮਾਰ ਖਾ-ਖਾ ਕੇ। ਦੱਸ ਦਈਏ ਕਿ ਚਾਹਲ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਟਿਕਟਾਕ ਵੀਡੀਓ ਵੀ ਬਣਾਉਂਦੇ ਰਹਿੰਦੇ ਹਨ। ਇਸ ਤੋਂ ਇਲਾਵਾ ਦੂਜਿਆਂ ਦੀ ਪੋਸਟ 'ਤੇ ਜਾ ਕੇ ਮਜ਼ੇਦਾਰ ਕੁਮੈਂਟ ਵੀ ਕਰਦੇ ਰਹਿੰਦੇ ਹਨ। ਹਾਲ ਹੀ 'ਚ ਚਾਹਲ ਨੇ ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਦੀ ਇੰਸਟਾਗ੍ਰਾਮ ਚੈਟ ਵਿਚ ਵੀ ਕੁਮੈਂਟ ਕੀਤਾ ਸੀ।
