ਯੁਵਰਾਜ ਨੇ ਰਸੋਈ ''ਚ ਦਿੱਤਾ ਸਚਿਨ ਨੂੰ ਇਕ ਹੋਰ ਚੈਲੰਜ, ਮਿਲਿਆ ਕਰਾਰਾ ਜਵਾਬ (Video)

06/01/2020 2:38:17 PM

ਨਵੀਂ ਦਿੱਲੀ : ਲਾਕਡਾਊਨ ਦੇ ਸਮੇਂ ਘਰ ਵਿਚ ਬੈਠਣ ਲਈ ਮਜਬੂਰ ਹੋਏ ਕ੍ਰਿਕਟਰਸ ਇਨ੍ਹੀਂ ਦਿਨੀ ਇਕ-ਦੂਜੇ ਨੂੰ ਚੈਲੰਜ ਦਿੰਦੇ ਦਿਸ ਰਹੇ ਹਨ। ਖਾਸ ਤੌਰ 'ਤੇ ਯੁਵਰਾਜ ਸਿੰਘ ਜੋ ਹਰ ਵਾਰ ਨਵੇਂ-ਨਵੇਂ ਤਰੀਕੇ ਕੱਢ ਕੇ ਮਹਾਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਨੂੰ ਚੈਲੰਜ ਕਰਦ ਰਹਿੰਦੇ ਹਨ। ਇਸ ਵਾਰ ਯੁਵਰਾਜ ਨੇ ਸਚਿਨ ਨੂੰ ਉਸ ਦਾ ਸੈਂਕੜਾ ਤੋੜਣ ਦਾ ਚੈਲੰਜ ਦਿੱਤਾ ਹੈ। ਇਸ 'ਤੇ ਸਚਿਨ ਨੇ ਇਕ ਵਾਰ ਫਿਰ ਜਵਾਬ ਦੇ ਕੇ ਯੁਵਰਾਜ ਦਾ ਮੁੰਹ ਬੰਦ ਕਰ ਦਿੱਤਾ ਹੈ। 

View this post on Instagram

Master you have broken so many records on the field!! time to break my record of 100 in the kitchen 🤪! Sorry couldn’t post full video cause it will be too long to count 100 😂 paji back to you 👊🏽hope you don’t break other things in the kitchen 😂😂 @sachintendulkar

A post shared by Yuvraj Singh (@yuvisofficial) on

ਸਚਿਨ ਤੇਂਦੁਲਕਰ ਨੇ ਯੁਵਰਾਜ ਤੋਂ ਮੰਗੇ ਪਰਾਂਠੇ
ਯੁਵਰਾਜ ਸਿੰਘ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਸ਼ੇਅਰ ਕੀਤੀ ਜਿਸ ਵਿਚ ਉਹ ਰਸੋਈ ਵਿਚ ਵੇਲਣੇ ਨਾਲ ਗੇਂਦ ਨੂੰ ਡ੍ਰਿਬਲ ਕਰਦੇ ਦਿਸ ਰਹੇ ਹਨ। ਯੁਵੀ ਨੇ ਕੈਪਸ਼ਨ ਵਿਚ ਲਿਖਿਆ, ''ਮਾਸਟਰ ਤੁਸੀਂ ਮੈਦਾਨ 'ਤੇ ਬਹੁਤ ਸਾਰੇ ਰਿਕਾਰਡ ਤੋੜੇ ਹਨ। ਹੁਣ ਰਸੋਈ ਵਿਚ ਮੇਰਾ ਰਿਕਾਰਡ ਤੋੜਨ ਦੀ ਵਾਰੀ ਹੈ। ਪੂਰੀ ਵੀਡੀਓ ਨਹੀਂ ਪਾ ਸਕਿਆ ਪਰ 100 ਵਾਰ ਕੀਤਾ ਹੈ। ਹੁਣ ਤੁਹਾਡੀ ਵਾਰੀ ਹੈ। ਮੈਨੂੰ ਉਮੀਦ ਹੈ ਕਿ ਇਸ ਦੌਰਾਨ ਤੁਸੀਂ ਰਸੋਈ ਵਿਚ ਰੱਖਿਆ ਸਾਮਾਨ ਨਹੀਂ ਤੋੜੋਗੇ।''

View this post on Instagram

Yuvi paranthe kithe hai? 😋

A post shared by Sachin Tendulkar (@sachintendulkar) on

ਮਾਸਟਰ ਦਾ ਕਰਾਰਾ ਜਵਾਬ
ਇਸ ਦੇ ਜਵਾਬ ਵਿਚ ਜੋ ਵੀਡੀਓ ਸਚਿਨ ਨੇ ਸ਼ੇਅਰ ਕੀਤੀ ਉਸ ਵਿਚ ਉਹ ਖਾਲੀ ਪਲੇਟ ਲੈ ਕੇ ਬੈਠ ਹਨ। ਸਚਿਨ ਨੇ ਵੀਡੀਓ ਵਿਚ ਕਿਹਾ, ''ਯੁਵਰਾਜ ਤੁਸੀਂ ਮੇਰਾ ਚੈਲੰਜ ਬਹੁਤ ਚੰਗੀ ਤਰ੍ਹਾਂ ਨਾਲ ਪੂਰਾ ਕੀਤਾ ਹੈ। ਤੁਸੀਂ ਵੇਲਣੇ ਨਾਲ ਚੰਗੇ ਪਰਾਂਠੇ ਬਣਾ ਸਕਦੇ ਹੋ। ਮੇਰੇ ਕੋਲ ਖਾਲੀ ਪਲੇਟ, ਆਚਾਰ, ਦਹੀ ਹੈ। ਮੈਨੂੰ ਪਰਾਂਠੇ ਬਣੇ ਦਿਓ।''


ਦੱਸ ਦਈਏ ਕਿ ਯੁਵਰਾਜ ਨੇ ਹਰਭਜਨ, ਰੋਹਿਤ ਤੇ ਸਚਿਨ ਨੂੰ ਨਾਕ ਦਿ ਬਾਲ ਚੈਲੰਜ ਦਿੱਤਾ ਸੀ, ਜਿਸ ਵਿਚ ਸਾਰਿਆਂ ਨੂੰ ਗੇਂਦ ਬੱਲੇ ਨਾਲ ਡ੍ਰਿਬਲ ਕਰਨੀ ਸੀ। ਸਚਿਨ ਨੇ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਇਸ ਚੈਲੰਜ ਨੂੰ ਪੂਰਾ ਕੀਤਾ ਸੀ। ਇਹੀ ਕਾਰਨ ਹੈ ਕਿ ਯੁਵਰਾਜ ਨੇ ਇਸ ਵਾਰ ਅੱਖਾਂ 'ਤੇ ਕਾਲਾ ਕਪੜਾ ਬੰਨ੍ਹ ਕੇ ਸਚਿਨ ਨੂੰ ਇਕ ਵਾਰ ਫਿਰ ਨਵਾਂ ਚੈਲੰਜ ਦੇ ਦਿੱਤਾ ਹੈ।


Ranjit

Content Editor

Related News