ਭਾਰਤੀ ਵਿਸ਼ਵ ਜੂਨੀਅਰ ਸਕੁਐਸ਼ ਟੀਮ ਚੈਂਪੀਅਨਸ਼ਿਪ ਦੇ ਪ੍ਰੀ-ਕੁਆਰਟਰ ਫਾਈਨਲ ''ਚ

ਚੇਨਈ— ਮੇਜ਼ਬਾਨ ਭਾਰਤ, ਖਿਤਾਬ ਦੇ ਮਜ਼ੂਬਤ ਦਾਅਵੇਦਾਰ ਮਿਸਰ ਅਤੇ ਇੰਗਲੈਂਡ ਨੇ ਮੰਗਲਵਾਰ ਨੂੰ ਇੱਥੇ ਡਬਲਿਊ.ਐੱਸ.ਐੱਫ.- ਵਿਸ਼ਵ ਜੂਨੀਅਰ ਪੁਰਸ਼ ਟੀਮ ਚੈਂਪੀਅਨਸ਼ਿਪ ਦੇ ਪ੍ਰੀ-ਕੁਆਰਟਰ ਫਾਈਨਲ 'ਚ ਜਗ੍ਹਾ ਬਣਾਈ। ਇਨ੍ਹਾਂ ਤਿੰਨਾਂ ਟੀਮਾਂ ਨੇ ਆਪੋ-ਆਪਣੇ ਗਰੁੱਪ 'ਚ ਦੋ-ਦੋ ਮੈਚ ਜਿੱਤੇ ਹਨ। 

ਮਿਸਰ ਅਤੇ ਇੰਗਲੈਂਡ ਨੂੰ ਜਿੱਤ ਦਰਜ ਕਰਨ 'ਚ ਕੋਈ ਪਰੇਸ਼ਾਨੀ ਨਹੀਂ ਹੋਈ ਜਦਕਿ ਗਰੁੱਪ ਈ 'ਚ ਭਾਰਤ ਨੂੰ ਆਪਣੇ ਦੂਜੇ ਮੈਚ 'ਚ ਸਵਿਟਜ਼ਰਲੈਂਡ ਨੂੰ 2-1 ਹਰਾਉਣ 'ਚ ਸਖਤ ਮਿਹਨਤ ਕਰਨੀ ਪਈ। ਮੈਚ 1-1 ਨਾਲ ਬਰਾਬਰ ਹੋਣ ਦੇ ਬਾਅਦ ਟੀਮ ਦੇ ਚੋਟੀ ਦੇ ਖਿਡਾਰੀ ਯਸ਼ ਫੜਤੇ ਨੇ ਭਾਰਤ ਨੂੰ ਜਿੱਤ ਦਿਵਾਈ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਸਾਊਦੀ ਅਰਬ ਨੂੰ ਆਸਾਨੀ ਨਾਲ 3-0 ਨਾਲ ਹਰਾਇਆ ਸੀ। ਇਸ ਮੈਚ 'ਚ ਟੀਮ ਨੇ ਫੜਤੇ ਨੂੰ ਆਰਾਮ ਦਿੱਤਾ ਸੀ। ਸਾਊਦੀ ਅਰਬ ਖਿਲਾਫ ਰਾਹੁਲ ਬੈਠਾ, ਉਤਕਰਸ਼ ਬਹੇਤੀ ਅਤੇ ਵੀਰ ਚੋਟ੍ਰਾਨੀ ਨੇ ਜਿੱਤ ਦਰਜ ਕੀਤੀ।