ਵਿਸ਼ਵ ਰੈਪਿਡ ਸ਼ਤਰੰਜ ਚੈਂਪੀਅਨਸ਼ਿਪ – ਸਵਿਤਾ ਸ਼੍ਰੀ ਦੀ ਸ਼ਾਨਦਾਰ ਸਾਂਝੀ ਬੜ੍ਹਤ

ਅਲਮਾਟੀ, ਕਜ਼ਾਕਿਸਤਾਨ (ਨਿਕਲੇਸ਼ ਜੈਨ)- ਵਿਸ਼ਵ ਰੈਪਿਡ ਸ਼ਤਰੰਜ ਚੈਂਪੀਅਨਸ਼ਿਪ ਵਿੱਚ ਅੱਜ ਮਹਿਲਾ ਵਰਗ ਤੋਂ ਭਾਰਤ ਲਈ ਵੱਡੀ ਖਬਰ ਆਈ ਹੈ ਜਿੱਥੇ 15 ਸਾਲਾ ਭਾਰਤੀ ਖਿਡਾਰਨ ਸਵਿਤਾ ਸ਼੍ਰੀ ਨੇ ਲਗਾਤਾਰ ਚਾਰ ਮੈਚ ਜਿੱਤ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।

36ਵਾਂ ਦਰਜਾ ਪ੍ਰਾਪਤ ਸਵਿਤਾ ਨੇ ਦੂਜੇ ਦਿਨ ਕਜ਼ਾਕਿਸਤਾਨ ਦੀ 88ਵੀਂ ਸੀਡ ਜ਼ਰੀਨਾ ਨੂਰਗਲੀਏਵਾ ਨੂੰ ਹਰਾ ਕੇ ਚੰਗੀ ਸ਼ੁਰੂਆਤ ਕੀਤੀ ਪਰ ਫਿਰ ਇਰਾਨ ਦੀ 10ਵੀਂ ਸੀਡ ਸਾਰਾ ਸਦਾਤ, 12ਵੀਂ ਸੀਡ ਸਾਬਕਾ ਵਿਸ਼ਵ ਚੈਂਪੀਅਨ ਬੁਲਗਾਰੀਆ ਦੀ ਐਂਟੋਨੇਟਾ ਸਟੇਫਾਨੋਵਾ ਅਤੇ ਜਾਰਜੀਆ ਦੀ 11ਵੀਂ ਸੀਡ ਜਿਓਰਜੀ ਦੀ ਬੇਲਾ ਖੋਟੇਨਾਸ਼ਵਿਲੀ ਨੂੰ ਹਰਾ ਕੇ ਲਗਾਤਾਰ 3 ਉਲਟਫੇਰ ਕੀਤੇ ਅਤੇ ਇਸ ਸਮੇਂ 6.5 ਅੰਕ ਬਣਾ ਕੇ ਚੀਨ ਦੀ ਤਾਨ ਜ਼ੋਹੋਂਗਾਈ ਅਤੇ ਰੂਸ ਦੀ ਅਲੈਕਸਾਂਦਰਾ ਗੀਰਯਾਚਕੀਨਾ ਨਾਲ ਸਾਂਝੀ ਬੜ੍ਹਤ 'ਤੇ ਚੱਲ ਰਹੀ ਹੈ। ਭਾਰਤ ਦੀ ਕੋਨੇਰੂ ਹੰਪੀ 6 ਅੰਕਾਂ ਨਾਲ ਸੰਯੁਕਤ ਦੂਜੇ ਸਥਾਨ 'ਤੇ ਹੈ। ਮਹਿਲਾ ਵਰਗ ਵਿੱਚ ਕੱਲ੍ਹ ਆਖਰੀ 3 ਰਾਊਂਡ ਖੇਡੇ ਜਾਣਗੇ।