ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ: ਭਾਰਤੀ ਪੁਰਸ਼ ਟੀਮ ਸਿਖਲਾਈ ਕੈਂਪ ਲਈ ਤਾਸ਼ਕੰਦ ਲਈ ਹੋਈ ਰਵਾਨਾ

ਨਵੀਂ ਦਿੱਲੀ (ਭਾਸ਼ਾ)- ਭਾਰਤ ਦੀ 19 ਮੈਂਬਰੀ ਪੁਰਸ਼ ਮੁੱਕੇਬਾਜ਼ੀ ਟੀਮ 30 ਅਪ੍ਰੈਲ ਤੋਂ 14 ਮਈ ਤੱਕ ਹੋਣ ਵਾਲੀ ਵਿਸ਼ਵ ਚੈਂਪੀਅਨਸ਼ਿਪ ਤੋਂ ਪਹਿਲਾਂ ਸਿਖਲਾਈ ਕੈਂਪ ਲਈ ਸੋਮਵਾਰ ਨੂੰ ਤਾਸ਼ਕੰਦ ਲਈ ਰਵਾਨਾ ਹੋ ਗਈ। 6 ਵਾਰ ਏਸ਼ੀਅਨ ਚੈਂਪੀਅਨਸ਼ਿਪ ਤਮਗਾ ਜੇਤੂ ਸ਼ਿਵ ਥਾਪਾ ਅਤੇ 2019 ਏਸ਼ੀਅਨ ਚੈਂਪੀਅਨਸ਼ਿਪ ਦੇ ਚਾਂਦੀ ਦਾ ਤਮਗਾ ਜੇਤੂ ਦੀਪਕ ਭੋਰੀਆ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਭਾਰਤੀ ਚੁਣੌਤੀ ਦੀ ਅਗਵਾਈ ਕਰਨਗੇ। ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਜੇਤੂ ਨੂੰ 2 ਲੱਖ ਡਾਲਰ, ਚਾਂਦੀ ਦਾ ਤਮਗਾ ਜੇਤੂ ਨੂੰ 1 ਲੱਖ ਡਾਲਰ ਅਤੇ ਕਾਂਸੀ ਦਾ ਤਗਮਾ ਜੇਤੂ ਨੂੰ 50,000 ਡਾਲਰ ਦੀ ਇਨਾਮੀ ਰਾਸ਼ੀ ਮਿਲੇਗੀ।

ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਭਾਰਤ ਦੇ 13 ਮੁੱਕੇਬਾਜ਼ ਹਿੱਸਾ ਲੈਣਗੇ ਪਰ ਕਈ ਦੇਸ਼ਾਂ ਵਿੱਚ ਹੋਣ ਵਾਲੇ ਸਿਖਲਾਈ ਕੈਂਪ ਲਈ 6 ਹੋਰ ਮੁੱਕੇਬਾਜ਼ਾਂ ਨੂੰ ਵੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚ 2018 ਏਸ਼ਿਆਈ ਖੇਡਾਂ ਦਾ ਸੋਨ ਤਮਗਾ ਜੇਤੂ ਅਮਿਤ ਪੰਘਾਲ ਵੀ ਸ਼ਾਮਲ ਹੈ। ਤਾਸ਼ਕੰਦ ਵਿੱਚ ਹੋਣ ਵਾਲੀ ਇਸ ਚੈਂਪੀਅਨਸ਼ਿਪ ਲਈ ਹੁਣ ਤੱਕ 104 ਦੇਸ਼ਾਂ ਦੇ 640 ਮੁੱਕੇਬਾਜ਼ਾਂ ਨੇ ਰਜਿਸਟਰੇਸ਼ਨ ਕਰਵਾਈ ਹੈ। ਇਨ੍ਹਾਂ ਵਿੱਚ ਫਰਾਂਸ ਦੇ ਸੋਫੀਆਨੇ ਓਮੀਹਾ, ਜਾਪਾਨ ਦੇ ਤੋਮੋਯਾ ਤਾਸੁਬੋਈ ਅਤੇ ਸਿਵੋਨੇਰੇਟਸ ਓਕਾਜ਼ਾਵਾ, ਅਜ਼ਰਬਾਈਜਾਨ ਦੇ ਲੋਰੇਨ ਅਲਫੋਂਸੋ, ਕਜ਼ਾਕਿਸਤਾਨ ਦੇ ਸਾਕੇਨ ਬਿਬੋਸੀਨੋਵ ਅਤੇ ਕਿਊਬਾ ਦੇ ਯੋਨੇਲਿਸ ਹਰਨਾਂਡੇਜ਼ ਮਾਰਟੀਨੇਜ਼ ਅਤੇ ਜੂਲੀਓ ਲਾ ਕਰੂਜ਼ ਵਰਗੇ 7 ਮੌਜੂਦਾ ਵਿਸ਼ਵ ਚੈਂਪੀਅਨ ਵੀ ਸ਼ਾਮਲ ਹਨ। ਸਿਖਲਾਈ ਕੈਂਪ ਵਿੱਚ 6 ਭਾਰ ਵਰਗਾਂ- 51 ਕਿਲੋਗ੍ਰਾਮ, 57 ਕਿਲੋਗ੍ਰਾਮ, 63.5 ਕਿਲੋਗ੍ਰਾਮ, 71 ਕਿਲੋਗ੍ਰਾਮ, 80 ਕਿਲੋਗ੍ਰਾਮ ਅਤੇ 92 ਕਿਲੋਗ੍ਰਾਮ ਵਿੱਚ 2-2 ਭਾਰਤੀ ਮੁੱਕੇਬਾਜ਼ ਹਿੱਸਾ ਲੈਣਗੇ। ਰਿਜ਼ਰਵ ਮੁੱਕੇਬਾਜ਼ ਵੀ ਮੁੱਖ ਟੀਮ ਦੇ ਨਾਲ ਗਏ ਹਨ। 

ਵਿਸ਼ਵ ਚੈਂਪੀਅਨਸ਼ਿਪ ਲਈ ਭਾਰਤੀ ਟੀਮ: ਗੋਵਿੰਦ ਸਾਹਨੀ (48 ਕਿਲੋਗ੍ਰਾਮ), ਦੀਪਕ ਭੋਰੀਆ (51 ਕਿਲੋਗ੍ਰਾਮ), ਸਚਿਨ ਸਿਵਾਚ (54 ਕਿਲੋਗ੍ਰਾਮ), ਮੁਹੰਮਦ ਹਸਮੁਦੀਨ (57 ਕਿਲੋਗ੍ਰਾਮ), ਵਰਿੰਦਰ ਸਿੰਘ (60 ਕਿਲੋਗ੍ਰਾਮ), ਸ਼ਿਵ ਥਾਪਾ (63.5 ਕਿਲੋਗ੍ਰਾਮ), ਆਕਾਸ਼ ਸਾਂਗਵਾਨ (67 ਕਿਲੋਗ੍ਰਾਮ), ਨਿਸ਼ਾਂਤ ਦੇਵ (71 ਕਿਲੋਗ੍ਰਾਮ), ਸੁਮਿਤ ਕੁੰਡੂ (75 ਕਿਲੋਗ੍ਰਾਮ), ਆਸ਼ੀਸ਼ ਚੌਧਰੀ (80 ਕਿਲੋਗ੍ਰਾਮ), ਹਰਸ਼ ਚੌਧਰੀ (86 ਕਿਲੋਗ੍ਰਾਮ), ਨਵੀਨ ਕੁਮਾਰ (92 ਕਿਲੋਗ੍ਰਾਮ) ਅਤੇ ਨਰਿੰਦਰ ਬਰਵਾਲ (92 ਕਿਲੋਗ੍ਰਾਮ ਤੋਂ ਵੱਧ)।

ਸਿਖਲਾਈ ਕੈਂਪ ਲਈ ਭਾਰਤੀ ਟੀਮ: ਗੋਵਿੰਦ ਸਾਹਨੀ (48 ਕਿਲੋਗ੍ਰਾਮ), ਦੀਪਕ ਭੋਰੀਆ (51 ਕਿਲੋਗ੍ਰਾਮ), ਅਮਿਤ ਪੰਘਾਲ (51 ਕਿਲੋਗ੍ਰਾਮ), ਸਚਿਨ ਸਿਵਾਚ (54 ਕਿਲੋਗ੍ਰਾਮ), ਮੁਹੰਮਦ ਹਸਮੁਦੀਨ (57 ਕਿਲੋਗ੍ਰਾਮ), ਸਚਿਨ (57 ਕਿਲੋਗ੍ਰਾਮ), ਵਰਿੰਦਰ ਸਿੰਘ (60 ਕਿਲੋਗ੍ਰਾਮ), ਸ਼ਿਵ ਥਾਪਾ ( 63.5 ਕਿਲੋਗ੍ਰਾਮ), ਵੰਸ਼ਜ (63.5 ਕਿਲੋਗ੍ਰਾਮ), ਆਕਾਸ਼ ਸਾਂਗਵਾਨ (67 ਕਿਲੋਗ੍ਰਾਮ), ਨਿਸ਼ਾਂਤ ਦੇਵ (71 ਕਿਲੋਗ੍ਰਾਮ), ਹੇਮੰਤ ਯਾਦਵ (71 ਕਿਲੋਗ੍ਰਾਮ), ਸੁਮਿਤ ਕੁੰਡੂ (75 ਕਿਲੋਗ੍ਰਾਮ), ਆਸ਼ੀਸ਼ ਚੌਧਰੀ (80 ਕਿਲੋਗ੍ਰਾਮ), ਸੰਜੇ (80 ਕਿਲੋਗ੍ਰਾਮ), ਹਰਸ਼ ਚੌਧਰੀ ( 86 ਕਿਲੋਗ੍ਰਾਮ), ਨਵੀਨ ਕੁਮਾਰ (92 ਕਿਲੋਗ੍ਰਾਮ), ਸੰਜੀਤ (92 ਕਿਲੋਗ੍ਰਾਮ) ਅਤੇ ਨਰਿੰਦਰ ਬੇਰਵਾਲ (92 ਕਿਲੋ ਤੋਂ ਵੱਧ)।