ਕੋਚ ਦੀ ਚੋਣ ''ਤੇ ਸਾਨੂੰ ਕੋਹਲੀ ਦੀ ਰਾਏ ਦਾ ਸਨਮਾਨ ਕਰਨਾ ਹੋਵੇਗਾ : ਕਪਿਲ

ਕੋਲਕਾਤਾ— 3 ਮੈਂਬਰੀ ਕ੍ਰਿਕਟ ਸਲਾਹਕਾਰ ਕਮੇਟੀ (ਸੀ. ਏ. ਸੀ.) ਦੇ ਪ੍ਰਮੁੱਖ ਮਹਾਨ ਕ੍ਰਿਕਟਰ ਕਪਿਲ ਦੇਵ ਆਪਣੇ ਸਹਿਯੋਗੀ ਸ਼ਾਂਤਾ ਰੰਗਾਸੁਵਾਮੀ ਨਾਲ ਸਹਿਮਤ ਹਨ ਕਿ ਕਪਤਾਨ ਵਿਰਾਟ ਕੋਹਲੀ ਦੀ 'ਰਾਏ ਦਾ ਸਨਮਾਨ ਕੀਤਾ ਜਾਣ ਦੀ ਜ਼ਰੂਰਤ' ਹੈ। ਸੀ. ਏ. ਸੀ. ਅਗਲੇ ਮੁੱਖ ਕੋਚ ਦੀ ਨਿਯੁਕਤੀ ਕਰੇਗੀ। ਸਾਬਕਾ ਕਪਤਾਨ ਕਪਿਲ ਨੇ ਆਸਵੰਦ ਕੀਤਾ ਕਿ ਉਸ ਦਾ ਪੈਨਲ ਆਪਣੇ ਸਰਵਸ੍ਰੇਸ਼ਠ ਸਮਰੱਥਾ ਅਨੁਸਾਰ ਆਪਣਾ ਕੰਮ ਕਰੇਗਾ। ਕੋਹਲੀ ਨੇ ਵੈਸਟਇੰਡੀਜ਼ ਰਵਾਨਾ ਹੋਣ ਤੋਂ ਪਹਿਲਾਂ ਪ੍ਰੈੱਸ ਕਾਨਫਰੰਸ ਵਿਚ ਇਹ ਗੱਲ ਨਹੀਂ ਲੁਕਾਈ ਸੀ ਕਿ ਉਹ ਮੌਜੂਦਾ ਕੋਚ ਰਵੀ ਸ਼ਾਸਤਰੀ ਨੂੰ ਦੋਬਾਰਾ ਇਸ ਅਹੁਦੇ 'ਤੇ ਦੇਖਣਾ ਚਾਹੁੰਦਾ ਹੈ। ਕਪਿਲ ਨੇ ਕਿਹਾ ਕਿ ਇਹ ਉਸਦੀ (ਕੋਹਲੀ) ਰਾਏ ਹੈ, ਸਾਨੂੰ ਹਰ ਕਿਸੇ ਦੇ ਨਜ਼ਰੀਏ ਦਾ ਸਨਮਾਨ ਕਰਨਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਖਤ ਨਹੀਂ ਹੈ। ਤੁਸੀਂ ਸਿਰਫ ਆਪਣੀ ਸਮਰੱਥਾ ਦੇ ਅਨੁਰੂਪ ਆਪਣਾ ਕੰਮ ਵਧੀਆ ਤਰੀਕੇ ਨਾਲ ਕਰੋ।