PCB ਨੇ ਸ਼ੇਨ ਵਾਟਸਨ ਦੀ ਮੰਨੀ ਮੰਗ, ਮੁੱਖ ਕੋਚ ਬਣਨ ''ਤੇ ਫੈਸਲਾ ਅਜੇ ਬਾਕੀ
03/14/2024 2:36:12 PM
ਕਰਾਚੀ— ਆਸਟ੍ਰੇਲੀਆ ਦੇ ਸਾਬਕਾ ਆਲਰਾਊਂਡਰ ਸ਼ੇਨ ਵਾਟਸਨ ਨੇ ਪਾਕਿਸਤਾਨ ਦਾ ਮੁੱਖ ਕੋਚ ਬਣਨ 'ਤੇ ਅਜੇ ਕੋਈ ਫੈਸਲਾ ਨਹੀਂ ਲਿਆ ਹੈ, ਹਾਲਾਂਕਿ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਉਨ੍ਹਾਂ ਦੀ ਫੀਸ ਦੀ ਮੰਗ ਮੰਨ ਲਈ ਹੈ। ਬੋਰਡ ਦੇ ਸੂਤਰਾਂ ਮੁਤਾਬਕ ਵਾਟਸਨ ਨੇ 20 ਲੱਖ ਡਾਲਰ ਸਾਲਾਨਾ ਦੀ ਮੰਗ ਕੀਤੀ ਹੈ ਜੋ ਲਗਭਗ 400 ਕਰੋੜ ਰੁਪਏ ਪ੍ਰਤੀ ਮਹੀਨਾ ਹੈ। ਪਾਕਿਸਤਾਨ ਵਿੱਚ ਕਿਸੇ ਵਿਦੇਸ਼ੀ ਕੋਚ ਲਈ ਇਹ ਸਭ ਤੋਂ ਵੱਧ ਫੀਸ ਹੋਵੇਗੀ। ਪਾਕਿਸਤਾਨ ਦੇ ਸਾਬਕਾ ਵਿਦੇਸ਼ੀ ਕੋਚ ਰਿਚਰਡ ਪਾਈਬਸ, ਬੌਬ ਵੂਲਮਰ, ਜਿਓਫ ਲਾਸਨ, ਡੇਵ ਵਾਟਮੋਰ, ਗ੍ਰਾਂਟ ਬ੍ਰੈਡਬਰਨ ਅਤੇ ਮਿਕੀ ਆਰਥਰ ਨੂੰ ਇਸ ਤੋਂ ਬਹੁਤ ਘੱਟ ਤਨਖਾਹ ਦਿੱਤੀ ਗਈ ਸੀ।
ਸੂਤਰ ਨੇ ਕਿਹਾ, 'ਵਾਟਸਨ ਦਾ ਆਸਟ੍ਰੇਲੀਆ 'ਚ ਪਰਿਵਾਰ ਹੈ ਅਤੇ ਅਮਰੀਕੀ ਮੇਜਰ ਲੀਗ ਨਾਲ ਵੀ ਉਸ ਦਾ ਇਕਰਾਰਨਾਮਾ ਹੈ। ਉਹ ਸਾਰੇ ਵਿਕਲਪਾਂ 'ਤੇ ਵਿਚਾਰ ਕਰ ਰਿਹਾ ਹੈ ਕਿਉਂਕਿ ਬੋਰਡ ਚਾਹੁੰਦਾ ਹੈ ਕਿ ਉਹ ਪਾਕਿਸਤਾਨ ਵਿਚ ਵੱਧ ਤੋਂ ਵੱਧ ਸਮਾਂ ਬਿਤਾਉਣ ਅਤੇ ਘਰੇਲੂ ਪੱਧਰ 'ਤੇ ਖਿਡਾਰੀਆਂ ਨੂੰ ਤਿਆਰ ਕਰਨ।
ਉਨ੍ਹਾਂ ਕਿਹਾ ਕਿ ਵਾਟਸਨ ਨੂੰ ਇਕਰਾਰਨਾਮੇ 'ਤੇ ਦਸਤਖਤ ਕਰਨ ਲਈ ਸਮਾਂ ਲੱਗ ਰਿਹਾ ਹੈ ਕਿਉਂਕਿ ਪੀਸੀਬੀ ਅਤੇ ਕੋਚਿੰਗ ਸਟਾਫ ਵਿਚ ਲਗਾਤਾਰ ਬਦਲਾਅ ਹੋ ਰਹੇ ਹਨ। ਵਾਟਸਨ ਫਿਲਹਾਲ ਪਾਕਿਸਤਾਨ ਸੁਪਰ ਲੀਗ 'ਚ ਕਵੇਟਾ ਗਲੇਡੀਏਟਰਜ਼ ਦੇ ਕੋਚ ਹਨ। ਉਨ੍ਹਾਂ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਵੀ ਕੋਚਿੰਗ ਦਿੱਤੀ ਹੈ ਪਰ ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਇਸ ਦਾ ਕੋਈ ਤਜਰਬਾ ਨਹੀਂ ਹੈ।
