WC ਲਈ ਫਿੱਟਨੈਸ ਨੂੰ ਲੈ ਕੇ ਅਕਰਮ ਨੇ ਵਿੰਨ੍ਹਿਆ ਪਾਕਿ ਖਿਡਾਰੀਆਂ ''ਤੇ ਨਿਸ਼ਾਨਾ, ਕਿਹਾ...
Tuesday, Apr 09, 2019 - 02:12 PM (IST)
ਸਪੋਰਟਸ ਡੈਸਕ— ਇੰਗਲੈਂਡ ਅਤੇ ਵੇਲਸ 'ਚ ਆਯੋਜਿਤ ਹੋਣ ਵਾਲੇ ਆਈ.ਸੀ.ਸੀ. ਕ੍ਰਿਕਟ ਵਰਲਡ ਕੱਪ ਲਈ ਪਾਕਿਸਤਾਨ ਨੇ 23 ਸੰਭਾਵੀ ਖਿਡਾਰੀਆਂ ਦੇ ਨਾਂ ਐਲਾਨੇ ਹਨ। ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਦੱਸਿਆ ਕਿ ਸਾਰੇ ਸੰਭਾਵੀ ਖਿਡਾਰੀਆਂ ਨੂੰ ਫਿੱਟਨੈਸ ਟੈਸਟ 'ਚ ਸ਼ਾਮਲ ਹੋਣ ਲਈ ਬੁਲਾਇਆ ਗਿਆ ਹੈ। ਅਜਿਹੇ 'ਚ ਪਾਕਿਸਤਾਨ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਵਸੀਮ ਅਕਰਮ ਨੇ ਪਾਕਿਸਤਾਨ ਦੇ ਖਿਡਾਰੀਆਂ ਦੀ ਫਿੱਟਨੈਸ ਨੂੰ ਲੈ ਕੇ ਸਵਾਲੀਆਂ ਨਿਸ਼ਾਨ ਲਗਾਏ।
ਪਾਕਿਸਤਾਨੀ ਖਿਡਾਰੀਆਂ ਦੀ ਫਿੱਟਨੈਸ 'ਤੇ ਭੜਕੇ ਅਕਰਮ
ਪਾਕਿਸਤਾਨ ਪੱਤਰਕਾਰ ਸ਼ਾਦ ਸਾਜਿਦ ਦੇ ਮੁਤਾਬਕ ਵਸੀਮ ਅਕਰਮ ਨੇ ਕਿਹਾ ਹੈ ਕਿ ਪਾਕਿਸਤਾਨੀ ਖਿਡਾਰੀਆਂ ਨੂੰ ਅਜੇ ਵੀ ਬਿਰਆਨੀ ਖੁਆਈ ਜਾ ਰਹੀ ਹੈ ਅਤੇ ਤੁਸੀਂ ਚੈਂਪੀਅਨਜ਼ ਦੇ ਖਿਲਾਫ ਮੁਕਾਬਲਾ ਉਨ੍ਹਾਂ ਨੂੰ ਬਿਰਆਨੀ ਖੁਆ ਕੇ ਨਹੀਂ ਕਰ ਸਕਦੇ।'' ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਵਰਲਡ ਕੱਪ ਲਈ ਚੁਣੇ ਗਏ 23 ਸੰਭਾਵੀ ਖਿਡਾਰੀਆਂ ਦਾ 15 ਅਤੇ 16 ਅਪ੍ਰੈਲ ਨੂੰ ਲਾਹੌਰ ਸਥਿਤ ਨੈਸ਼ਨਲ ਕ੍ਰਿਕਟ ਅਕੈਡਮੀ 'ਚ ਇਕ ਫਿਟੱਨੈਸ ਕੈਂਪ ਆਯੋਜਿਤ ਹੋਵੇਗਾ। ਉਸ ਤੋਂ ਬਾਅਦ ਹੀ ਵਿਸ਼ਵ ਕੱਪ ਲਈ 15 ਖਿਡਾਰੀਆਂ ਦੀ ਚੋਣ ਕੀਤੀ ਜਾਵੇਗੀ।
