ਸਚਿਨ ਦੀ ਭਾਲ ਹੋਈ ਖਤਮ, ਬੱਲੇਬਾਜ਼ੀ ਸੁਧਾਰਨ ''ਚ ਮਦਦ ਕਰਨ ਵਾਲਾ ਮਿਲਿਆ ਵੇਟਰ

ਨਵੀਂ ਦਿੱਲੀ : ਮਾਸਟਰ ਬਲਾਟਸਰ ਸਚਿਨ ਤੇਂਦੁਲਕਰ ਨੂੰ ਹੋਟਲ ਤਾਜ ਦੇ ਉਸ ਵੇਟਰ ਦੀ ਭਾਲ ਹੈ ਜਿਸ ਨੇ ਐੱਲ. ਬੋਅ ਗਾਰਡ ਨੂੰ ਲੈ ਕੇ ਉਸ ਨੂੰ ਸਲਾਹ ਦਿੱਤੀ ਸੀ। ਸਚਿਨ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਕ ਵੀਡੀਓ ਅਪਲੋਡ ਕਰਦਿਆਂ ਉਸ ਵਿਅਕਤੀ ਦਾ ਜ਼ਿਕਰ ਕੀਤਾ ਸੀ। ਇਸ ਵੀਡੀਓ ਨੂੰ ਅਪਲੋਡ ਕਰਨ ਤੋਂ ਬਾਅਦ ਤਾਜ ਹੋਟਲ ਨੇ ਆਪਣੇ ਸਟਾਫ ਦੇ ਵੇਟਰ ਨੂੰ ਲੱਭ ਲਿਆ ਹੈ। ਹੋਟਲ ਤਾਜ ਨੇ ਟਵੀਟ ਕੀਤਾ ਕਿ ਹੋਟਲ ਵਿਚ ਰੁਕਣ ਦੌਰਾਨ ਸਾਡੇ ਸਹਿਯੋਗੀ ਨਾਲ ਮੁਲਾਕਾਤ ਕਰਨ ਲਈ ਤੇਂਦੁਲਕਰ ਦਾ ਧੰਨਵਾਦ। ਸਾਨੂੰ ਸਾਡੇ ਉਨ੍ਹਾਂ ਸਹਿਯੋਗੀਆਂ 'ਤੇ ਮਾਣ ਹੈ, ਜਿਨ੍ਹਾਂ ਨੇ ਤਾਜ ਦੇ ਸੱਭਿਆਚਾਰ ਨੂੰ ਅਪਣਾਇਆ ਹੈ। ਅਸੀਂ ਉਸ ਦੇ ਬਾਰੇ ਪਤਾ ਕਰ ਲਿਆ ਹੈ ਅਤੇ ਜਲਦੀ ਹੀ ਤੁਹਾਡੀ ਦੋਵਾਂ ਦੀ ਮੁਲਾਕਾਤ ਕਰਾਈ ਜਾਵੇਗੀ।

Thank you Mr. Tendulkar for sharing your memorable encounter with our colleague during your stay in Chennai. We are proud of our associates who have imbibed the culture of Tajness. We have located him and would be delighted to connect the two of you for a meeting. pic.twitter.com/USvyW88BxY

— Taj Hotels (@TajHotels) December 15, 2019

ਦੱਸ ਦਈਏ ਕਿ ਸਚਿਨ ਨੇ ਆਪਣੇ ਟਵਿੱਟਰ 'ਤੇ ਇਕ ਵੀਡੀਓ ਅਪਲੋਡ ਕਰਦਿਆਂ ਲਿਖਿਆ ਸੀ ਕਿ ਮੈਂ ਚੇਨਈ ਦੇ ਤਾਜ ਕੋਰੋਮੰਡਲ ਵਿਚ ਟੈਸਟ ਸੀਰੀਜ਼ ਦੌਰਾਨ ਇਕ ਸਟਾਫ ਨਾਲ ਮਿਲਿਆ ਸੀ। ਮੇਰੀ ਉਸ ਦੇ ਨਾਲ ਐੱਲ. ਬੋਅ ਗਾਰਡ ਨੂੰ ਲੈ ਕੇ ਗੱਲ ਹੋਈ ਸੀ। ਉਸ ਦੀ ਸਲਾਹ 'ਤੇ ਮੈਂ ਆਪਣਾ ਐੱਲ. ਬੋਅ ਗਾਰਡ ਦੋਬਾਰਾ ਡਿਜ਼ਾਈਨ ਕਰਵਾਇਆ ਸੀ। ਮੈਂ ਨਹੀਂ ਜਾਣਦਾ ਕਿ ਉਹ ਹੁਣ ਕਿੱਥੇ ਹੈ ਅਤੇ ਮੈਂ ਉਸ ਦੇ ਮਿਲਣਾ ਚਾਹੁੰਦਾ ਹਾਂ। ਕੀ ਤੁਸੀਂ ਲੋਕ ਉਸ ਵੇਟਰ ਦੀ ਭਾਲ ਵਿਚ ਮੇਰੀ ਮਦਦ ਕਰ ਸਕਦੇ ਹੋ।

A chance encounter can be memorable!
I had met a staffer at Taj Coromandel, Chennai during a Test series with whom I had a discussion about my elbow guard, after which I redesigned it.
I wonder where he is now & wish to catch up with him.

Hey netizens, can you help me find him? pic.twitter.com/BhRanrN5cm

— Sachin Tendulkar (@sachin_rt) December 14, 2019

ਸਚਿਨ ਨੇ ਵੀਡੀਓ ਵਿਚ ਕਿਹਾ ਕਿ ਉਸ ਨੂੰ ਚੰਗੀ ਤਰ੍ਹਾਂ ਯਾਦ ਹੈ ਕਿ ਉਹ ਵੇਟਰ ਇਕ ਦਿਨ ਮੇਰੇ ਕਮਰੇ ਵਿਚ ਕੌਫੀ ਲੈ ਕੇ ਆਇਆ ਸੀ। ਉਸ ਨੇ ਮੈਨੂੰ ਕਿਹਾ ਕਿ ਮੈਂ ਤੁਹਾਡਾ ਬਹੁਤ ਵੱਡਾ ਫੈਨ ਹਾਂ। ਮੈਂ ਤੁਹਾਡੀ ਹਰ ਸ਼ਾਟ ਨੂੰ 5-7 ਵਾਰ ਰਿਵਾਈਂਡ ਕਰ ਕੇ ਦੇਖਦਾਂ ਹਾਂ। ਉਸ ਨੇ ਮੈਨੂੰ ਦੱਸਿਆ ਕਿ ਜਦੋਂ ਤੁਸੀਂ ਐੱਲ. ਬੋਅ ਗਾਰਡ ਪਹਿਨ ਕੇ ਖੇਡਦੇ ਹੋ ਤਾਂ ਤੁਹੱਡੇ ਬੱਲੇ ਦਾ ਸਵਿੰਗ ਬਦਲ ਜਾਂਦਾ ਹੈ। ਜਿਸ ਤੋਂ ਬਾਅਦ ਮੈਂ ਉਸ ਵੇਟਰ ਨੂੰ ਕਿਹਾ ਕਿ ਤੁਸੀਂ ਪਹਿਲੇ ਵਿਅਕਤੀ ਹੋ ਜਿਸ ਨੇ ਮੇਰੀ ਇਕ ਕਮੀ ਨੂੰ ਫੜ੍ਹਿਆ ਹੈ। ਸਚਿਨ ਨੇ ਕਿਹਾ ਕਿ ਉਸ ਦੀ ਇਸ ਸਲਾਹ ਕਾਰਨ ਮੇਰੇ ਲਈ ਬੱਲੇਬਾਜ਼ੀ ਕਰਨੀ ਆਸਾਨ ਹੋ ਗਈ ਅਤੇ ਉਸ ਤੋਂ ਬਾਅਦ ਸਚਿਨ ਨੇ ਭਾਰਤ ਲਈ ਖੇਡਦਿਆਂ ਬੇਸ਼ੁਮਾਰ ਦੌੜਾਂ ਅਤੇ ਕਈ ਰਿਕਾਰਡ ਆਪਣੇ ਨਾਂ ਕੀਤੇ।