ਐਡੀਲੇਡ ''ਚ ਜਿੱਤ ਤੋਂ ਬਾਅਦ ਬੋਲੇ ਸਹਿਵਾਗ- ਪਿਕਚਰ ਅਜੇ ਬਾਕੀ ਹੈ ਮੇਰੇ ਦੋਸਤ
01/16/2019 11:30:52 AM
ਨਵੀਂ ਦਿੱਲੀ— ਸਾਬਕਾ ਭਾਰਤੀ ਕ੍ਰਿਕਟਰ ਵਰਿੰਦਰ ਸਹਿਵਾਗ ਨੇ ਐਡੀਲੇਡ ਓਵਲ ਮੈਦਾਨ 'ਤੇ ਆਸਟਰੇਲੀਆ 'ਤੇ ਭਾਰਤ ਦੀ ਸ਼ਾਨਦਾਰ ਜਿੱਤ ਲਈ ਟੀਮ ਇੰਡੀਆ ਨੂੰ ਵਧਾਈ ਦਿੱਤੀ ਹੈ। ਸਹਿਵਾਗ ਨੇ ਆਪਣੇ ਅੰਦਾਜ਼ 'ਚ ਟਵਿੱਟਰ 'ਤੇ ਭਾਰਤ ਦੀ ਟੀਮ ਨੂੰ ਵਧਾਈ ਦਿੱਤੀ ਹੈ। ਸਹਿਵਾਗ ਨੇ ਲਿਖਿਆ, ''ਪਿਕਚਰ ਅਜੇ ਬਾਕੀ ਹੈ ਮੇਰੇ ਦੋਸਤ। ਕੋਹਲੀ ਦੀ ਸ਼ਾਨਦਾਰ ਪਾਰੀ ਅਤੇ ਧੋਨੀ ਅਤੇ ਕਾਰਤਿਕ ਨੇ ਸਟਾਈਲ 'ਚ ਪਾਰੀ ਖਤਮ ਕੀਤੀ। ਸਾਨੂੰ ਇਕ ਹੋਰ ਜਿੱਤ ਦੀ ਜ਼ਰੂਰਤ ਹੈ। ਸਾਡੇ ਚਾਰ-ਪੰਜ-ਛੇ ਖਿਡਾਰੀ ਮੈਚ ਜੇਤੂ ਅੰਦਾਜ਼ 'ਚ ਖੇਡ ਰਹੇ ਹਨ।''
ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਨੇ ਵੀ ਟੀਮ ਇੰਡੀਆ ਦੀ ਜਿੱਤ 'ਤੇ ਵਧਾਈ ਦਿੱਤੀ। ਸਚਿਨ ਨੇ ਆਪਣੇ ਟਵੀਟ 'ਚ ਕਿਹਾ, ''ਇਕ ਸ਼ਾਨਦਾਰ ਜਿੱਤ, ਕੋਹਲੀ ਦੀ ਇਕ ਮਹਾਨ ਪਾਰੀ। ਧੋਨੀ ਨੇ ਸ਼ਾਨਦਾਰ ਭੂਮਿਕਾ ਅਦਾ ਕੀਤੀ ਅਤੇ ਦਿਨੇਸ਼ ਕਾਰਤਿਕ ਦੇ ਨਾਲ ਭਾਰਤ ਨੂੰ ਜਿੱਤ ਤਕ ਲੈ ਗਏ।'' ਸਚਿਨ ਅਤੇ ਸਹਿਵਾਗ ਦੇ ਇਲਾਵਾ ਵੀ.ਵੀ.ਐੱਸ. ਲਕਸ਼ਮਣ, ਮੁਹੰਮਦ ਕੈਫ ਅਤੇ ਹਰਭਜਨ ਸਿੰਘ ਨੇ ਟਵੀਟ ਕਰਕੇ ਭਾਰਤ ਨੂੰ ਜਿੱਤ ਲਈ ਵਧਾਈ ਦਿੱਤੀ।