ਕ੍ਰਿਸ ਮੋਰਿਸ ਦੀ ਪਾਰੀ ਦੇਖ ਕੇ ਸਹਿਵਾਗ ਨੇ ਕੀਤਾ ਮਜ਼ੇਦਾਰ ਟਵੀਟ- ਲਿਖਿਆ- ਇੱਜ਼ਤ ਵੀ, ਪੈਸਾ ਵੀ

ਸਪੋਰਟਸ ਡੈਸਕ— ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) 2021 ’ਚ ਵੀਰਵਾਰ ਦਾ ਮੈਚ ਦਿੱਲੀ ਕੈਪੀਟਲਸ ਤੇ ਰਾਜਸਥਾਨ ਰਾਇਲਜ਼ ਵਿਚਾਲੇ ਖੇਡਿਆ ਗਿਆ। ਇਸ ਮੈਚ ’ਚ ਰਾਜਸਥਾਨ ਦੇ ਕ੍ਰਿਸ ਮੋਰਿਸ ਨੇ 18 ਗੇਂਦਾਂ ’ਤੇ 36 ਦੌੜਾਂ ਦੀ ਪਾਰੀ ਖੇਡ ਕੇ ਟੀਮ ਨੂੰ ਜਿੱਤ ਦਿਵਾਉਣ ’ਚ ਮਦਦ ਕੀਤੀ। ਉਨ੍ਹਾਂ ਦੀ ਇਸ ਪਾਰੀ ਤੋਂ ਬਾਅਦ ਵਰਿੰਦਰ ਸਹਿਵਾਗ ਨੇ ਮਜ਼ੇਦਾਰ ਟਵੀਟ ਕੀਤਾ ਜੋ ਕਿ ਵਾਇਰਲ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ : ਪੋਂਟਿੰਗ ਨੇ ਦੱਸੀ ਇਸ਼ਾਂਤ ਸ਼ਰਮਾ ਦੇ ਪਲੇਇੰਗ ਇਲੈਵਨ ਤੋਂ ਬਾਹਰ ਹੋਣ ਦੀ ਵਜ੍ਹਾ

ਰਾਜਸਥਾਨ ਦੀ ਜਿੱਤ ਤੋਂ ਬਾਅਦ ਸਹਿਵਾਗ ਨੇ ਟਵੀਟ ਕਰਦੇ ਤਸਵੀਰਾਂ ਸ਼ੇਅਰ ਕੀਤੀਆਂ। ਪਹਿਲੇ ਮੈਚ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਸਹਿਵਾਗ ਨੇ ਲਿਖਿਆ, ਪੈਸਾ ਮਿਲਿਆ ਪਰ ਇੱਜ਼ਤ ਨਹੀਂ ਤੇ ਇਸ ਤੋਂ ਬਾਅਦ ਕੱਲ ਦੇ ਮੈਚ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ, ਇਸ ਨੂੰ ਕਹਿੰਦੇ ਹਨ ਇੱਜ਼ਤ, ਇੱਜ਼ਤ ਵੀ, ਪੈਸਾ ਵੀ, ਸ਼ਾਬਾਸ਼ ਕ੍ਰਿਸ ਮੋਰਿਸ।

Pic 1 last match - Paisa mila par izzat nahi mili

Pic 2 today - Isse kehte hain Izzat.
Izzat bhi , Paisa bhi - Well done Chris Morris #RRvsDC pic.twitter.com/9hLqMk7OKT

— Virender Sehwag (@virendersehwag) April 15, 2021

ਜ਼ਿਕਰਯੋਗ ਹੈ ਕਿ ਦਿੱਲੀ ਕੈਪੀਟਲਸ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਰਿਸ਼ਭ ਪੰਤ ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਦੀ ਬਦੌਲਤ 20 ਓਵਰ ’ਚ 147 ਦੌੜਾਂ ਬਣਾਈਆਂ ਸਨ। ਇਸ ਦੇ ਜਵਾਬ ’ਚ ਉਤਰੀ ਰਾਜਸਥਾਨ ਰਾਇਲਜ਼ ਦੀ ਟੀਮ ਨੇ ਡੇਵਿਡ ਮਿਲਰ (43 ਗੇਂਦਾਂ ’ਤੇ 7 ਚੌਕਿਆਂ ਤੇ 2 ਛੱਕਿਆਂ ਦੀ ਮਦਦ ਨਾਲ 62 ਦੌੜਾਂ) ਤੇ ਕ੍ਰਿਸ ਮੋਰਿਸ (18 ਗੇਂਦਾਂ ’ਤੇ 4 ਛੱਕਿਆਂ ਦੀ ਮਦਦ ਨਾਲ 36 ਦੌੜਾਂ) ਦੀਆਂ ਪਾਰੀਆਂ ਦੀ ਬਦੌਲਤ 2 ਗੇਂਦ ਬਾਕੀ ਰਹਿੰਦੇ 150 ਦੌੜਾਂ ਬਣਾ ਕੇ ਮੈਚ ਨੂੰ ਆਪਣੇ ਨਾਂ ਕਰ ਲਿਆ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।