ਵਿਰਾਟ ਨੇ ਲਾਈ ਹੈਟਰਿਕ, ਸਾਲ 'ਚ ਤਿਨ ICC ਐਵਾਰਡ ਜਿੱਤਣ ਵਾਲੇ ਪਹਿਲੇ ਕ੍ਰਿਕਟਰ

ਨਵੀਂ ਦਿੱਲੀ : ਕ੍ਰਿਕਟ ਦੇ ਮੈਦਾਨ 'ਤੇ ਆਪਣੀ ਖੇਡ ਨਾਲ ਵਿਰੋਧੀ ਟੀਮਾਂ ਦੇ ਛੱਕੇ ਛੁਡਾਉਣ ਵਾਲੇ ਭਾਰਤ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਈ. ਸੀ. ਸੀ. ਦੇ ਐਵਾਰਡ ਸਮਾਹਰੋਹ ਵਿਚ ਵੀ ਆਪਣੇ ਨਾਂ ਦਾ ਡੰਕਾ ਵਜਾ ਦਿੱਤਾ। ਆਈ. ਸੀ. ਸੀ. ਨੇ ਅੱਜ ਸਾਲ 2018 ਲਈ ਆਪਣੇ ਐਵਾਰਡਾਂ ਦਾ ਐਲਾਨ ਕੀਤਾ। ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੂੰ ਕ੍ਰਿਕਟ ਦੇ ਤਿਨ ਸਰਵਉੱਚ ਐਵਾਰਡ ਨਾਲ ਨਵਾਜ਼ਿਆ ਗਿਆ। ਵਿਰਾਟ ਆਈ. ਸੀ. ਸੀ. ਪੁਰਸ਼ 'ਕ੍ਰਿਕਟਰ ਆਫ ਦਿ ਈਅਰ' (ਸਰ ਗਰਿਫੀਲਡ ਸੋਬਰਸ ਟਰਾਫੀ), ਆਈ. ਸੀ. ਸੀ. ਪੁਰਸ਼ 'ਟੈਸਟ ਕ੍ਰਿਕਟਰ ਆਫ ਦਿ ਈਅਰ' ਅਤੇ 'ਆਈ. ਸੀ. ਸੀ. ਵਨ ਡੇ ਕ੍ਰਿਕਟਰ ਆਫ ਦਿ ਈਅਰ' ਐਵਾਰਡ ਨਾਲ ਨਵਾਜ਼ਿਆ ਗਿਆ। ਇਸ ਤਰ੍ਹਾਂ ਵਿਰਾਟ ਨੇ ਖਿਤਾਬਾਂ ਦੀ ਹੈਟਰਿਕ ਲਗਾ ਦਿੱਤੀ। ਕ੍ਰਿਕਟ ਦੇ ਇਤਿਹਾਸ ਵਿਚ ਇਹ ਪਹਿਲਾ ਮੌਕਾ ਹੈ, ਜਦੋਂ ਕਿਸੇ ਕ੍ਰਿਕਟਰ ਨੂੰ ਸਾਲ ਦੇ ਤਿਨ ਸਭ ਤੋਂ ਵੱਡੇ ਐਵਾਰਡਾਂ ਲਈ ਚੁਣਿਆ ਗਿਆ ਹੋਵੇ।

ਸਾਲ ਦੇ ਉਭਰਦੇ ਕ੍ਰਿਕਟਰ ਐਵਾਰਡ ਲਈ ਚੁਣੇ ਗਏ ਪੰਤ
ਭਾਰਤ ਦੇ ਤੇਜੀ ਨਾਲ ਉੱਭਰਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੂੰ ਕੌਮਾਂਤਰੀ ਕ੍ਰਿਕਟ ਪਰਿਸ਼ਦ ਨੇ ਮੰਗਲਵਾਰ ਨੂੰ ਸਾਲ ਦੇ ਉਭਰਦੇ ਕ੍ਰਿਕਰਟਰ ਐਵਾਰਡ ਲਈ ਚੁਣਿਆ। ਆਈ. ਸੀ. ਸੀ. ਦੇ ਸਾਲਾਨਾ ਪੁਰਸਕਾਰਾਂ ਵਿਚ 21 ਸਾਲਾ ਪੰਤ ਦੀ ਚੋਣ ਵੋਟਿੰਗ ਅਕੈਡਮੀ ਨੇ ਕੀਤੀ। ਉਸ ਨੇ ਆਪਣੇ ਡਬਿਯੂ ਸਾਲ (2018) ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਕੇ ਪੁਰਸਕਾਰ ਜਿੱਤਿਆ। ਪੰਤ ਇਸ ਦੌਰਾਨ ਇੰਗਲੈਂਡ ਵਿਚ ਸੈਂਕੜਾ ਲਾਉਣ ਵਾਲੇ ਪਹਿਲੇ ਵਿਕਟਕੀਪਰ ਵੀ ਬਣੇ। ਇਸ ਦੇ ਨਾਲ ਹੀ ਦਸੰਬਰ ਵਿਚ ਉਸ ਨੇ ਆਸਟਰੇਲੀਆ ਖਿਲਾਫ ਐਡੀਲੇਡ ਟੈਸਟ ਵਿਚ ਵਿਕਟ ਦੇ ਪਿੱਛੇ 11 ਕੈਚ ਲੈ ਕੇ ਰਿਕਾਰਡ ਬਣਾਇਆ। ਉਹ ਆਸਟਰੇਲੀਆ ਵਿਚ ਸੈਂਕੜਾ ਲਾਉਣ ਵਾਲੇ ਪਹਿਲੇ ਭਾਰਤੀ ਵਿਕਟਕੀਪਰ ਵੀ ਬਣੇ।

ICC Men's Cricketer of the Year ✅
ICC Men's Test Cricketer of the Year ✅
ICC Men's ODI Cricketer of the Year ✅
Captain of ICC Test Team of the Year ✅
Captain of ICC Men's ODI Team of the Year ✅

Let's hear from the man himself, @imvKohli! #ICCAwards 🏆 pic.twitter.com/3M2pxyC44n

— ICC (@ICC) January 22, 2019